Dagblaðið Vísir - DV - 14.10.2009, Blaðsíða 6

6 miðvikudagur 14. október 2009 fréttir
betra líf á landsbyggðinni
Fjölmiðlamaðurinn Helgi Seljan flytur til Akureyrar um áramótin. Hann er kominn með nóg af borgarlífinu
og ákvað að breyta til enda alinn upp úti á landi. Hann vonar að fjölskyldan snúi aftur harðmælt sem aldrei
fyrr. Nær fjögur þúsund manns fluttu af höfuðborgarsvæðinu á landsbyggðina fyrstu sex mánuði ársins.
fyrirgefið mér linmælið
„Ég er kominn með nóg af Reykjavík
og kannski er Reykjavík komin með
nóg af mér. Mér finnst miklu betra að
búa úti á landi en hef svo sem engar
sérstakar væntingar um hvernig það
verður. Mig langaði bara að breyta til
í smá tíma,“ segir Kastljóssmaðurinn
Helgi Seljan.
Um áramótin leggur Helgi land
undir fót og flytur til Akureyrar þar
sem hann mun dvelja ásamt fjöl-
skyldu sinni í eitt ár. Unnusta hans,
Katrín Bessadóttir fjölmiðlakona, á
ættir sínar að rekja til Akureyrar og
sjálfur er Helgi Reyðfirðingur. Hann
bjó á Austfjörðum þangað til hann
hóf blaðamannaferil í borginni.
Nú er kominn tími fyrir Helga
til að snúa aftur á landsbyggðina og
vinnur hann í því þessa dagana að
finna íbúð fyrir sig, Katrínu og dóttur
þeirra Indíönu.
„Það er að mörgu leyti ódýrara
að búa úti á landi og ég held að and-
rúmsloftið sé öðruvísi gagnvart öllu
þessu krepputali. Það er kannski
lummulegt að segja það en það var
ekki eins mikið góðæri úti á landi.
Akureyri er líka mjög vinalegur stað-
ur. Núna erum við að reyna að finna
okkur íbúð þó mér sýnist þær ekki
vera mikið ódýrari en hér í borginni.“
Þúsundir á faraldsfæti
Á fyrri helmingi ársins fluttust 3.695
landsmenn flutt út á land frá höfuð-
borgarsvæðinu, það er Reykjavík,
Kópavogi, Hafnarfirði, Mosfellsbæ,
Garðabæ og Seltjarnarnesi. Flestir
flytja í Reykjanesbæ, Árborg, Fjarða-
byggð og Akureyri. Spilar krepp-
an þar eflaust stórt hluverk þar sem
húsnæðisverð og húsaleiga er marg-
falt lægri úti á land en hér í borginni.
Freistingarnar eru einnig færri í dreif-
býli og lætur fólk sér nægja einföldu
hlutina í lífinu eins og lesa má í við-
tölunum hér á opnunni..
Ódýrast í Eyjum
DV gerði úttekt fyrr á árinu um hvar
væri best að búa á landinu. Þar kom
í ljós að lægsta fermetraverðið á sér-
býli væri í Vestmannaeyjum, eða
92 þúsund krónur á fermetra. Næst
á eftir kom Skagafjörður með 110
þúsund krónur og síðan Akranes og
Reykjanes með 164 þúsund krón-
ur á fermetrann. Til viðmiðunar var
fermetraverðið á Seltjarnarnesi rúm-
ar 347 þúsund krónur og í Reykjavík
rúmar 246 þúsund krónur á fermetr-
ann.
Þá sýndi úttektin að ódýrast væri
að fara í sund úti á landi á Akranesi og
Reykjanesbæ, ódýrara en alls staðar á
höfuðborgarsvæðinu nema í Garða-
bæ.
DV spjallaði við nokkra sem hafa
ákveðið að flytja út á land á síðustu
mánuðum og sjá svo aldeilis ekki eft-
ir því. Þeir eru sammála um að þar sé
ódýrara að lifa og mun öruggara um-
hverfi fyrir börnin.
Húðflúr fyrir Akureyri?
Helgi er svo sannarlega stoltur Aust-
firðingur og lét húðflúra póstnúmer
Reyðarfjarðar á sig. Hann ætlar hins
vegar að sjá til hvort Akureyri fær
þann heiður að fá sess á líkamspört-
um hans.
„Ég ætla að sjá til með tattúið.
Þetta er nú bara ár. Ég fæ mér kannski
tyggjótattú. En það kemur ekki til
greina að ég tattúveri á mig póstnúm-
erið í Reykjavík,“ segir Helgi og biður
Akureyringa sérstakrar bónar áður en
hann flytur í bæinn.
„Ég vona að þeir fyrirgefi mér að
vera ekki nógu harðmæltur til að byrja
með. Ég ætla mér að bæta úr því. Nú
er dóttirin líka byrjuð að tala og ég vil
að hún verði með norðlenskan hreim.
Það er svo töff að tala svona. Ég vona
að við komum öll mjög harðmælt til
baka til Reykjavíkur. Annars held ég
að Akureyringar hafi fengið verri og
betri sendingar en mig.“
liljA KAtrín gunnArSdÓttir
blaðamaður skrifar liljakatrin@dv.is
Hvert flytja
borgarbörnin?
1. Reykjanesbær - 579 manns
2. Akureyri - 389 manns
3. Sveitarfélagið Árborg - 224 manns
4. Fjarðabyggð - 180 manns
5. Akranes - 142 manns
6. Ísafjarðarbær - 111 manns
7. Vestmannaeyjar - 109 manns
8. Skagafjörður - 107 manns
9. Hveragerði - 100 manns
10. Grindavíkurbær - 97 manns
„Það er kannski lummulegt
að segja það en það var ekki
eins mikið góðæri úti á landi.“
Halló, Akureyri!
Helgi flytur norður um
áramótin enda finnst
honum miklu betra að
búa úti á landi. mynd
HEiðA HElgAdÓttir
Betra á landsbyggðinni Helgi
segir margt betra við lífið á
landsbyggðinni en í borginni.
mynd HEiðA HElgAdÓttir