Dagblaðið Vísir - DV - 12.05.2010, Blaðsíða 4
4 MIÐVIKUDAGUR 12. maí 2010 FRÉTTIR
Árétting
Í grein í mánudagsblaðinu um
aðstæður fanga í einangrun á
Litla-Hrauni féll niður hluti nafns
viðmælanda. Rætt var við Mar-
gréti Frímannsdóttur, forstöðu-
mann fangelsisins á Litla-Hrauni.
Stal sólpalli
Íbúi einn í Vestmannaeyjum vakn-
aði við vondan draum um helgina
þegar hann sá að búið var að fjar-
lægja efni í sólpall sem stóð á lóð
hans. Hann þurfti þó ekki að leita
langt yfir skammt eftir pallaefninu
því grunsemdir vöknuðu þegar hann
sá það í garði nágrannans. Pallaefn-
inu var komið í réttar hendur en ekki
liggur fyrir hvort eigandi efnisins
hafi kært nágrannann til lögreglu.
Engar skýringar fylgdu á því hvers
vegna nágranninn óheiðarlegi ákvað
að taka pallaefnið.
Ráðherra á rafbíl
Katrín Júlíusdóttir iðnaðarráðherra
mun í dag, miðvikudag, skipta út
BMW X5-jeppa ráðuneytisins og fá
afhentan nýjan rafbíl frá Mitsubishi
og Heklu í tilraunaskyni. Ráðuneytið
mun ekki kaupa bílinn heldur greiða
fyrir afnotin. Það verður svo metið
síðar meir hvernig jeppinn gagn-
ast ráðuneytinu. Iðnaðarráðuneyt-
ið á samt sem áður BMW-jeppann
sem kostaði 7,1 milljón króna í ágúst
2006. Katrín útilokaði ekki í samtali
við DV.is í gær að ráðuneytið myndi
eiga þann bíl áfram.
Ellert Sævarsson, sem situr í gæsluvarðhaldi grunaður um að hafa orðið Hauki
Sigurðssyni að bana um síðustu helgi, hitti fórnarlamb sitt fyrir tilviljun. Fólk sem
þekkir til Ellerts lýsir honum sem ágætis dreng sem hafi ekki virst vera í óreglu.
Árið 2006 var maður dæmdur í fangelsi fyrir að skalla Ellert í andlitið.
Talið er að Ellert Sævarsson sem
grunaður er um að hafa orðið Hauki
Sigurðssyni, 53 ára fjölskyldumanni
í Sandgerði, að bana um helgina
hafi hitt fórnarlamb sitt fyrir tilvilj-
un þegar þeir voru báðir á heimleið
hvor úr sínum gleðskapnum aðfara-
nótt laugardags.
Samkvæmt heimildum DV
munu mennirnir hafa kastað kveðju
hvor á annan þegar þeir mættust um
nóttina á gangi í Eyjabyggð í Reykja-
nesbæ, en heimildir DV herma að
Ellert hafi þá snúið við og ráðist að
manninum. Ekki er vitað til þess að
mennirnir hafi þekkst eða að Ellert
hafi átt eitthvað sökótt við Hauk. Tal-
ið er að árásin hafi verið á misskiln-
ingi byggð. Átök þeirra á milli end-
uðu með því að hinn grunaði sló
fórnarlambið í höfuðið með þungu
barefli, því næst flúði hann af vett-
vangi og skildi manninn eftir.
Sofandi á heimili sínu
Heimildir DV herma að blaðber-
ar hafi komið að manninum fyrir
utan utan íbúðarhús við Eyjabyggð
snemma morguns. Lögregla var
kölluð til og kom hún fljótt á vett-
vang. Miklir áverkar voru á líkinu og
þótti ljóst að dauða Hauks hefði ekki
borið að með eðlilegum hætti.
Nokkru síðar var Ellert handtek-
inn á heimili sínu við Suðurvelli eft-
ir að vitni í nágrenninu höfðu bent
lögreglunni á að þau hefðu séð
blóðugan mann á gangi skammt frá
vettvangi glæpsins. Ellert mun hafa
verið sofandi þegar lögreglan kom á
heimili hans og handtók hann.
Yfirheyrslur hafa staðið yfir síð-
ustu daga, en ekki liggur fyrir hvort
hann hafi játað að hafa orðið mann-
inum að bana.
Lýst sem heiðarlegum
Ellert er fæddur árið 1979 og er lýst
sem einfara af fólki í Reykjanes-
bæ. Viðmælandi DV, sem þekkir
til hans, segir að sér hafi virst Ellert
vera heiðarlegur maður. „Hann var
ekkert öðruvísi en aðrir og er ágætis
drengur, þannig séð.“
Hann mun sitja í gæsluvarðhaldi
til 17. maí en samkvæmt upplýsing-
um frá lögreglu hafa Ellert og vitni
í málinu verið yfirheyrð að undan-
förnu. Að öðru leyti verst lögregla
allra frétta af framgangi málsins
vegna rannsóknarhagsmuna.
Ellert hefur ekki hlotið dóma
fyrir afbrot, svo vitað sé, en árið
2006 var karlmaður dæmdur í 12
mánaða fangelsi fyrir að hafa ráð-
ist á Ellert í heimahúsi í Keflavík á
nýársnótt. Í dómnum kemur fram
að hann hafi verið í veislu heima
hjá foreldrum félaga síns. Slagsmál
hafi brotist út og hann hafi reynt
að stía mönnunum í sundur. Hann
hafi farið með annan þeirra sem
tók þátt í slagsmálunum afsíðis til
þess að róa hann niður, en þá hafi
hann skyndilega skallað Ellert eða
slegið í andlitið með þeim afleið-
ingum að fjórar framtennur hans
brotnuðu auk þess sem hann skarst
á neðri vör. Sá sem réðst á Ellert er
margdæmdur glæpamaður.
Fjölskylda Ellerts hefur ekki
viljlað ræða við fjölmiðla og vísað
á lögregluna og fjölskylda fórnar-
lambsins hefur beðið fjölmiðla um
frið.
MANNDRÁP
FYRIR MISSKILNING
Vettvangur glæpsins
HEIMILI ELLERTS
HÉR FANNST
HAUKUR LÁTINN
VALGEIR ÖRN RAGNARSSON
blaðamaður skrifar: valgeir@dv.is
Eyjabyggð Haukur fannst látinn nokkur
hundruð metrum frá heimili Ellerts, sem
býr við Suðurvelli. MYND GOOGLE MAPS
Frá vettvangi Lögreglan lokaði
götunni. Ellert býr steinsnar frá
staðnum þar sem maðurinn fannst
látinn. Hann var sofandi á heimili sínu
þegar lögreglan handtók hann.
Vinstri-græn hengja framboðsauglýsingar yfir listaverk:
Ósáttir við auglýsingu
Frambjóðendur vinstri-grænna fyrir
bæjarstjórnarkosningarnar á Akur-
eyri hafa hengt upp framboðsaug-
lýsingar á vegg í bænum þar sem
hingað til hafa verið sýnd listaverk.
Listamenn á Akureyri eru ekki sátt-
ir við það hvernig frambjóðendurn-
ir nýta sér vegginn, sem ætlaður er
listafólki, til að auglýsa framboð sitt.
Veggurinn sem um ræðir er við
Drottningarstíg í miðbæ Akureyrar.
Hann ber nafnið Veggverk og hefur
í nokkur ár verið opinn vettvangur
fyrir listamenn til að koma á fram-
færi list sinni.
Ósáttur listunnandi frá Akureyri
hafði samband við DV og sagði þetta
algjörlega ólíðandi. Á sama tíma og
verið væri að skera töluvert niður í
listum væru frambjóðendur að nýta
sér þessa aðstöðu listamanna í eigin
þágu. Þetta sé nánast eina aðstaðan
í bænum þar sem listamenn fái að
sýna list sína. Hann taldi þetta sýna
óvirðingu í garð listamanna á Akur-
eyri og ekki vera frambjóðendunum
til framdráttar. Listamenn í bænum
eru að vonum ósáttir og hafa tjáð þá
skoðun sína með því að skrifa á vegg-
inn undir auglýsingunni: „Make art
not politics“ eða eins og það er þýtt
yfir á íslensku: „Búum til list ekki
stjórnmál.“
Hallur Gunnarsson, umsjónar-
maður Veggverks, segir ekkert óeðli-
legt við það að stjórnmálaflokkar
eða aðrir fái að kaupa auglýsingu á
veggnum. Það hafi ekki verið neitt
listaverk á veggnum í vetur og því
hafi verið í lagi að nota vegginn undir
auglýsingar. Gróðinn af auglýsingun-
um fari meðal annars í að borga fyrir
málningu til að mála yfir verk þegar
nýtt verk komi á vegginn. viktoria@dv.is
Auglýsingar yfir list Á myndinni sést
hvar frambjóðendur fyrir bæjarstjórnar-
kosningarnar á Akureyri hafa hengt upp
framboðsauglýsingu sína.