Dagblaðið Vísir - DV - 12.05.2010, Blaðsíða 7

FRÉTTIR 12. maí 2010 MIÐVIKUDAGUR 7
„Mér finnst þetta æðislegt,“ seg-
ir Haukur Tómasson sjómaður sem
undanfarin fimm ár hefur búið í hjól-
hýsi úti á Granda. Þar líkar honum
lífið vel og er frelsinu feginn. Hann er
feginn að þurfa ekki að hafa áhyggjur
af því að eiga fasteign.
Lengst af bjó Haukur á Patreks-
firði þar sem hann stundaði sjóinn
en það hefur hann gert í tæpa fjóra
áratugi. Fyrir fimm árum flutti hann
til höfuðborgarinnar og ákvað þeg-
ar að koma sér fyrir á Grandanum í
hjólhýsinu sínu. Þar hefur hann búið
síðan og kann vel við. Hjólhýsið seg-
ir hann bjóða upp á nóg pláss og öll
helstu þægindi sem Haukur þarfn-
ast. Aðspurður ætlar hann sér að búa
í hjólhýsinu eins lengi og mögulegt
er.
Allt árið um kring
„Ég er búinn að vera þarna í mörg
ár, ein fimm ár. Ég vil ekki draga ein-
hvern steinkofa á eftir mér og með
þessu get ég farið þangað sem ég vil.
Þetta er mjög sniðugt,“ segir Haukur.
Síðastliðin fimm ár hefur Hauk-
ur notið aðstoðar nágranna sinna í
Stálsmiðjunni en hjá starfsmönn-
um hennar kemst hann í rafmagn.
Hann segir sambúðina af hinu góða
fyrir báða aðila. „Ég er heppinn að
komast þarna í rafmagn. Þetta eru
góðir félagar mínir sem hjálpa mér
með rafmagnið. Fyrir það er ég þeim
þakklátur og beini viðskiptum til
þeirra í staðinn,“ segir Haukur.
Mælir með þessu
Haukur býr í hjólhýsinu allt árið um
kring og segir ekki væsa um sig þó
kalt sé úti. Hann hvetur sem flesta til
að losa sig við steinsteypuskuldir og
skella sér á hjólhýsi. „Ég er með allt
í þessu hjólhýsi, öll þægindi. Þannig
er ég með sjónvarp og nægan hita til
að geta sofið þarna allan veturinn.
Það er fínn hiti. Ég er búinn að vera
á sjó í nærri fjörutíu ár og hjólhýs-
ið hentar sjómannslífinu mjög vel.
Þarna bý ég nálægt skipinu og hef allt
til alls,“ segir Haukur.
„Það er bara mjög gott að búa
svona og ég finn enga annmarka
á því. Ég finn ekki fyrir nokkrum
þrengslum, síður en svo. Mér finnst
akkúrat ekkert að þessu og mæli hik-
laust með því fyrir sem flesta að losa
sig við steinkofana.“
Mér finnst akkúrat ekkert
að þessu og mæli
hiklaust með því fyrir
sem flesta að losa sig
við steinkofana.
Sjómaðurinn Haukur Tómasson hefur búið í hjólhýsi á Grandanum síðastliðin fimm
ár og líkar það vel. Þegar hann flutti í bæinn frá Patreksfirði ákvað hann að þetta væri
best í stað þess að draga á eftir sér steinsteypu. Hauki líkar frelsið sem þessu fylgir og
mælir með því að sem flestir búi í hjólhýsum.
BÝR Í HJÓLHÝSI
ÚTI Á GRANDA
TRAUSTI HAFSTEINSSON
blaðamaður skrifar: trausti@dv.is
Á Cadillac Haukur býr í hjólhýsinu allt árið um kring og um götur bæjarins ekur
hann á þessum fallega Cadillac.
Öll þægindi Í hjólhýsinu
segist Haukur hafa öll þægindi
sem hann þarfnast og þar ætlar
hann sér að búa um ókomin ár.
Eignir verði
kyrrsettar
Ragnar Önundarson viðskiptafræð-
ingur segir að kyrrsetja þurfi eignir
erlendra banka og kröfuhafa hér á
landi. Telur Ragnar að Íslendingar
eigi mögulega rétt á bótum vegna
bankahrunsins og vill hann að lög-
fróðir menn kanni grundvöll fyrir
því að sækja skaðabætur. Þetta kom
fram í grein sem Ragnar skrifaði í
Morgunblaðið í gær. Rifjar Ragnar í
þessu samhengi upp Enron-málið
sem kom upp árið 2001. Í því máli
samþykktu fjölmargar stórar fjár-
málastofnanir að greiða skaðabætur
vegna viðskipta sinna við félagið.
Kannabis í
Kópavogi
Lögreglan á höfuðborgarsvæðinu
stöðvaði kannabisræktun í húsi í
Kópavogi síðdegis á mánudag. Við
húsleit á áðurnefndum stað fund-
ust tæplega 120 kannabisplöntur. Á
sama stað var einnig lagt hald á 70
kannabisfræ og eitthvað af mari-
júana. Húsráðandi, karl á fertugs-
aldri, játaði aðild sína að málinu.
Fyrrnefnd aðgerð er liður í að hamla
gegn sölu og dreifingu fíkniefna en
sem fyrr minnir lögreglan á fíkni-
efnasímann 800-5005. Í hann má
hringja nafnlaust til að koma á fram-
færi upplýsingum um fíkniefnamál.
Íslenskir karlar
næstelstir
Íslenskir drengir geta við fæðingu
vænst þess að verða tæplega átt-
ræðir en stúlkur rúmlega 83 ára.
Þetta kemur fram í nýjum tölum
frá Hagstofu Íslands. Á undan-
förnum árum hefur nokkuð dreg-
ið saman með kynjunum en á
sjöunda og áttunda áratug liðinn-
ar aldar var um sex ára munur á
meðalævilengd karla og kvenna.
Nú er munurinn hins vegar kom-
inn niður í 3,6 ár.
Lífslíkur karla hafa batnað mik-
ið á undanförnum árum en um
aldamótin gátu drengir vænst
þess að verða um 77 ára. Aðeins
svissneskir drengir geta vænst
þess að verða eldri en þeir ís-
lensku.
Reiðhjólaþjófur
handtekinn
Lögreglan á höfuðborgarsvæðinu
handtók á þriðja tímanum í fyrrinótt
kvenmann sem stolið hafði tveimur
reiðhjólum. Það voru vegfarend-
ur sem tilkynntu um grunsamleg-
ar mannaferðir í garði við Básenda.
Konan fannst svo á Sogaveginum
og reyndist hún vera í annarlegu
ástandi. Auk þess að stela tveim-
ur reiðhjólum hafði hún brotist inn
í bifreið og stolið því sem þar var
að hafa, meðal annars slökkvitæki.
Konan fékk að eyða því sem eftir lifði
nætur í fangageymslum lögreglu.
Sleppur við mörg útgjöld fasteignaeigenda:
Sparar sér allt að tíu milljónir
Með því að búa í hjólhýsi spar-
ar Haukur Tómasson sér ýmsan
kostnað sem eigendur íbúðar-
húsnæðis þurfa að greiða. Má þar
nefna afborganir af íbúðarlánum,
hita, rafmagn, fasteignaskatt, lóð-
arleigu, vatnsgjald, urðunargjald,
sorphreinsunargjald og fráveitu-
gjald. Ef Haukur myndi sem dæmi
búa í 70 fermetra íbúð á Seltjarn-
arnesi þyrfti hann að greiða um
120 þúsund krónur á mánuði af
verðtryggðu íslensku íbúðarláni
sem gerir um 1.400 þúsund krón-
ur á ári. Miðað við fimm ár myndi
hann því spara sér sjö milljón-
ir króna í afborganir af íbúðar-
láni. Rafmagn og hiti kostar að
lágmarki fimm þúsund krónur á
mánuði. Það er 60 þúsund krónur
á ári sem gerir 300 þúsund krónur
á fimm árum.
Í fasteignaskatt, lóðaleigu,
vatnsgjald, urðunargjald, sorp-
hreinsunargjald og fráveitugjald
þyrfti hann að borga um 100 þús-
und krónur á ári. Það gerir 500 þús-
und krónur yfir fimm ára tímabil.
Talið er að viðhaldskostnað-
ur fasteigna sé um tvö prósent af
fasteignamati þeirra árlega. Mið-
að við 20 milljóna króna íbúð gerir
það um 400 þúsund krónur á ári. Á
fimm árum gerir það tvær milljónir
króna. Þegar allur þessi kostnaður
er tekinn saman má áætla að Hauk-
ur hafi sparað sér nærri tíu milljón-
ir króna á fimm ára tímabili með því
að búa í hjólhýsi í stað hefðbundins
íbúðarhúsnæðis. as@dv.is

Tíu milljónir Haukur sparar sér að minnsta kosti tíu milljónir króna.