Dagblaðið Vísir - DV - 19.05.2010, Blaðsíða 19

farteskinu til að dvelja hjá syni sín-
um sem hafði þá fengið inngöngu
í háskóla í Boston, sagði lögfræð-
ingur hennar.
Reynir að halda fjarlægð
Sem fyrr segir sótti hún um hælis-
vist árið 2004, fékk neitun en tókst að
forðast brottvísun. Eftir að vera Zeit-
uni í Bandaríkjunum varð opinber
réð hún sér lögfræðing og sótti um
hælisvist á ný og nú hefur hún upp-
skorið í það minnsta rétt til að sækja
um atvinnuleyfi í Bandaríkjunum.
Þrátt fyrir að Zeituni hafi verið
viðstödd þegar frændi hennar var
settur inn í embætti öldungadeild-
arþingmanns árið 2004 hefur Bar-
ack Obama ávallt fullyrt að honum
hafi verið ókunnugt um að hún væri
búsett ólöglega í Bandaríkjunum.
Zeituni var reyndar einnig viðstödd
þegar Barack Obama var settur inn í
embætti forseta landsins.
Að eigin sögn hefur Zeituni þó
lagt sig fram um að viðhalda ákveð-
inni fjarlægð frá hinum valdamikla
frænda sínum til að fyrirbyggja að
forsetaferill hans verði fyrir skaða. Í
viðtali við WKYC-sjónvarpsstöðina
sagðist hún ekki vilja trufla Obama
„því hann stæði frammi fyrir ærnum
verkefnum“.
Fyrirskipun George W. Bush
Andstæðingar Baracks Obama
hafa sakað hann um ýmislegt en
ekki það að hafa beitt áhrifum sín-
um í þágu frænku sinnar. Sam-
kvæmt embættismönnum í Hvíta
húsinu hefur Obama hvorki beitt
áhrifum sínum né boðist til að
greiða lögfræðikostnað Zeituni.
Eini Bandaríkjaforsetinn sem
talið er að hafi tekið ákvörðun í
máli hennar er forveri Obama,
George W. Bush. Samkvæmt emb-
ættismönnum úr innflytjenda-
eftirlitinu fyrirskipaði Bush að
brottvísanir skyldu frystar fyr-
ir kosningarnar 2008 til að hlífa
Obama við mögulegum vand-
ræðagangi sem brottvísun hennar
kynni að orsaka.
Zeituni fékk í fyrra leyfi frá
bandarískum yfirvöldum til að
dvelja í landinu til ársins 2010, og
af því tilefni sagði Barack Obama
að hann teldi rétt að mál hennar
fengi eðlilega meðferð.
FRÉTTIR 19. maí 2010 MIÐVIKUDAGUR 19
Tveir karlar í Afríkuríkinu Malaví,
sem létu pússa sig saman á dögun-
um, eiga von á því að fá harða refs-
ingu frá yfirvöldum í ríkinu. Mal-
aví er eitt af ríkjum heims þar sem
samkynhneigð er glæpsamleg sam-
kvæmt lögum. Steven Monjenza
sem er 26 ára ákvað að giftast Ti-
wonge Chimbalanga, tvítugum ást-
manni sínum, við hefðbundna at-
höfn á dögunum.
Um leið og fjölmiðlar í landinu
sögðu frá því að mennirnir hefðu
ákveðið að giftast voru þeir báðir
handteknir af lögreglunni í Malaví
og ákærðir fyrir brot á lögum sem
kveða á um að tveir karlar megi ekki
hafa mök hvor við annan. Þeir voru
settir í gæsluvarðhald og þeim neit-
að um lausn úr fangelsi gegn trygg-
ingu. Verði þeir fundnir sekir eiga
þeir yfir höfði sér 14 ára fangelsi.
Handtakan og ákæran gegn körl-
unum hefur vakið gríðarlega hörð
viðbrögð meðal þeirra sem berjast
fyrir réttindum samkynhneigðra.
„Þetta er algjört hneyksli,“ sagði
baráttumaður í samtali við frétta-
stofuna CNN. „Í Malaví fær fólk sem
hefur framið miklu alvarlegri afbrot
að losna úr fangelsi gegn tryggingu,“
sagði baráttumaðurinn.
Malavískur dómstóll hefur
hreinlega neitað að taka mál karl-
anna fyrir. Þeir hafa þó ekki fengið
eins mikla samúð í heimalandinu
og þeir hafa fengið erlendis. Um
helmingur Malavíbúa telst íhalds-
samur og kristinn. Þeir leggjast gegn
hjónaböndum samkynhneigðra.
Meðal þeirra hefur handtakan feng-
ið mikinn stuðning. „Flestir íbú-
ar Malaví telja samkynhneigð vera
andstyggilega. Fólk kemur ekki út
úr skápnum vegna þess að almenn-
ingur er á móti samkynhneigð,“ seg-
ir malavískur prestur í samtali við
CNN.
Hjónaband tveggja karla er stórglæpur í Afríkuríkinu Malaví:
Settir í 14 ára fangelsi fyrir að giftast
Rekin fyrir að tjá
sig á Facebook
Þjónustustúlka í Norður-Karólínu
missti vinnuna eftir að hafa skrifað
um viðskiptavini sína á Facebook.
Ashley Johnson á Brixx Pizza þurfti
að vinna klukkutíma lengur en vakt-
planið sagði til um vegna hjóna sem
hún þjónaði í þrjá tíma. Þau gáfu
henni einungis fimm dali í þjórfé.
„Takk fyrir að borða á Brixx,“
skrifaði þjónustustúlkan á Face-
book, „þið ódýru útilegumenn.“
Rekstrarstjóri staðarins tók eftir
skrifum hennar, sem brjóta gegn
stefnu fyrirtækisins um að starfsfólk
gagnrýni ekki viðskiptavini eða komi
illa út fyrir hönd fyrirtækisins á síð-
um eins og Facebook.
Ekki taka fartölv-
una með í rúmið
Ef þú vilt fá góðan nætursvefn skaltu
sleppa því að fara með fartölvuna
eða nýja og fína iPad-inn upp í rúm
á kvöldin. Þetta leiðir ný rannsókn
bandarískra vísindamanna, sem
rannsökuðu áhrif tölvugláps á heil-
ann, í ljós. Samkvæmt rannsókninni,
sem vísindamenn við Northwestern-
háskólann framkvæmdu, gefa tölvu-
skjáir frá sér svo skært ljós að heilinn
ruglast í ríminu, verður stilltur inn
á að það sé dagur en ekki kvöld eða
niðdimm nótt. Telja vísindamenn-
irnir að þetta auki hættuna á svefn-
leysi.
Mannskæð árás
í Afganistan
Afganskur uppreisnarmaður ók
Toyota-sendiferðabíl, troðfullum af
sprengiefni, inn í bandaríska bílalest
sem ók í gegnum Kabúl á þriðjudag.
Bíllinn sprakk í loft upp og er talið
að átján manns hafi legið í valn-
um, þeirra á meðal fimm banda-
rískir hermenn. Um fjörutíu og sjö
óbreyttir borgarar slösuðust alvar-
lega í árásinni. Gríðarleg sprenging
varð þegar bíllinn keyrði inn í lest-
ina, að sögn sjónarvotta.
Engar viðræður
Ríkisstjórn Taílands hefur hafnað
viðræðum við andspyrnuhreyfingu
Rauðu skyrtnanna, sem hefur háð
blóðuga baráttu við herinn síðustu
daga. Forsætisráðherra Taílands vill
ekki neinar viðræður við andspyrnu-
hreyfinguna og segir að blóðbaðið
muni aðeins enda ef mótmælend-
ur hætti aðgerðum sínum í miðborg
Bangkok. Á fimmta tug óbreyttra
borgara hafa farist í ófriðnum sem
geisað hefur í Taílandi síðustu daga.
Malaví Þeir sem koma út úr skápnum í Malaví eiga harða refsingu yfir höfði sér.
FRÆNKA OBAMA FÆR HÆLISVIST
Obama Bandaríkjaforseti Gerði mikið
úr þætti Zeituni í endurminningum
sínum. MYNDIR AFP
Í viðtali við WKYC-sjónvarps-stöðina sagðist hún ekki
vilja trufla Obama „því hann stæði
frammi fyrir ærnum verkefnum“.