Dagblaðið Vísir - DV - 11.10.2010, Blaðsíða 8

8 fréttir 11. október 2010 mánudagur
Össur Skarphéðinsson svarar framkvæmdastjórum ESB:
Makríllinn íslenskur þegn
Össur Skarphéðinsson utanríkisráð-
herra segir að hvorki dvöl makríls-
ins við Íslandsstrendur né veið-
ar Íslendinga á honum hafi laskað
stofninn. Þetta segir Össur í tilefni
bréfs þriggja framkvæmdastjóra Evr-
ópusambandsins til hans og Jóns
Bjarnasonar vegna makríldeilunn-
ar. Bréfið er meðal annars undirritað
af Maríu Damanaki, fiskveiðistjóra
sambandsins, þar sem fram kemur
að kvóti Íslendinga á markíl sé langt
umfram það sem geti talist sjálfbært.
„Ég held að þessir þremenning-
ar í Brussel séu fyrst og fremst að
friðþægja gagnvart reiðum Skotum
sem sjálfir hafa með öðrum veitt 200
þúsund tonn af makríl umfram það
sem heimilt er. Þá er nú ótalið það
sem ekki kemur fram í löndunartöl-
um. Okkar tölur eru þó öruggar, og
hægt að treysta þeim, en það vita all-
ir, og Evrópusambandið best, að töl-
ur þeirra eru ekki þær nákvæmustu í
heimi,“ segir Össur.
Hann segir að við blasi að makríll-
inn sé búinn að „slá tjöldum sínum
við Ísland til frambúðar“. Það sjáist af
því að hann hrygni nú kringum allt
land. 
„Þar með er makríllinn orðinn ís-
lenskur þegn og eðlilegt að Íslend-
ingar vilji veiða hann í samræmi við
það,“ segir utanríkisráðherra.
„Menn verða að skilja að makríll-
inn er ekki ókeypis túristi í efnahags-
lögsögunni hjá okkur. Þetta er gríðar-
legt magn, eða 1,1 milljón tonna, og
étur eftir því. Vitaskuld er makríllinn
í samkeppni við aðrar tegundir um
fæðu og það sem hann tekur til sín éta
ekki aðrir fiskar eða fuglar. Hann rýrir
því þau verðmæti sem fyrir eru á okkar
fiskimiðum og fullkomlega eðlilegt að
við veiðum hann til að vega það upp.
Við sjáum þetta strax í minnkandi átu,
sem birtist svo í minni stofnum sem
eru í samkeppni við hann.“ simon@dv.is
Svarar gagnrýninni Össur segir að þremenningarnir séu að friðþægja gagnvart
reiðum Skotum.
Bjarni Ármannsson, fjárfestir og fyrr-
verandi forstjóri Glitnis, gerði tilraun
til þess ásamt hópi fjárfesta að eign-
ast sparisjóðinn Byr í mars síðast-
liðnum samkvæmt heimildum DV.
Fjármálaeftirlitið tók sjóðinn yfir
stuttu síðar, í apríl, og rennur kröfu-
lýsingarfrestur í þrotabú hans út á
miðvikudaginn.
Tilgangur Bjarna og viðskipta-
félaga hans með að bera sig eftir
sjóðnum var væntanlega að reyna að
afstýra þessari yfirtöku íslenska ríkis-
ins. Bjarni, og fleiri aðilar á hans veg-
um, funduðu með stjórn og stjórn-
endum Byrs til að ræða þetta mál fyrr
á árinu. Meðal þeirra sem komu að
viðræðunum við Byr ásamt Bjarna
voru aðstoðarmenn hans, Eggert
Þór Kristófersson, fyrrverandi starfs-
maður Glitnis, og Hafliði Helgason,
fyrrverandi viðskiptablaðamaður á
Fréttablaðinu.
Bjarni á 700 milljóna króna
skuldabréf í Byr og var það hluti af
hugmyndum hans að þessari upp-
hæð yrði breytt í stofnfé eftir yfir-
tökuna. Hugmyndin að yfirtökunni
var kynnt þannig að eignarhaldsfé-
lag Bjarna, Sjávarsýn, keypti og héldi
utan um hlut Bjarna í sparisjóðnum.
Bjarni stjórnarformaður
Bjarni lýsti hugmyndum sínum
þannig að hann, og þeir fjárfestar
sem ætluðu að kaupa sparisjóðinn
með honum, vildu greiða kröfuhöf-
um Byrs sem næmi um 10 prósentum
upp í útistandandi kröfur á hendur
sparisjóðnum. Endurheimtur kröfu-
hafa Byrs hefðu því orðið tíu prósent
en samkvæmt fréttum sem sagð-
ar hafa verið af endurskipulagningu
Byrs er talið að kröfuhafarnir ættu að
fá á milli 40 og 50 prósent upp í kröf-
ur sínar á hendur sparisjóðnum.
Stærsti kröfuhafi er þýski bankinn
Bayerische Landesbank en íslenskir
lífeyrissjóðir eiga einnig háar kröfur
í bú sparisjóðsins.
Í hugmyndunum fólst jafnframt
að stofnfé þáverandi stofnfjáreig-
enda, sem meðal annars var fjöldinn
allur af óbreyttum borgurum sem
áttu stóra og litla hluti í sparisjóðn-
um, yrði skrúfað niður. Þetta gerðist
reyndar eftir yfirtöku íslenska ríkis-
ins á sparisjóðnum tveimur mánuð-
um síðar og var orðið nokkuð ljóst á
þeim tíma sem Bjarni setti tilboð sitt
fram að stofnfé sjóðsins yrði skrúfað
niður. Þessi hluti tilboðs hans er því
ekki óeðlilegur þegar litið er til þess-
arar stöðu.
Bjarni lýsti því jafnframt yfir þeg-
ar hann ræddi við stjórnendur Byrs
að hann ætlaði sér að verða stjórnar-
formaður eftir yfirtöku nýju eigend-
anna.
Hluti af hugmyndum Bjarna og
viðskiptafélaga hans, sem meðal
annars voru Norðmenn, var svo að
breyta Byr í hlutafélag með tíð og
tíma.
Kröfuhafarnir samþykktu ekki
boðið
Kröfuhafar Byrs voru ekki hrifnir af
tilboði Bjarna og var það á endan-
um viðhorf þeirra sem kom í veg fyrir
að gengið yrði lengra með viðræður
um kaup Bjarna og félaga. Ef gengið
hefði verið að hugmyndum Bjarna
hefði það líka þýtt að kröfuhafarnir
hefðu fengið minna upp í kröfur sín-
ar en talið hafði verið raunhæft. Ekk-
ert varð því úr hugmyndum Bjarna.
Staða Byrs er þannig um þess-
ar mundir, samkvæmt frétt á Stöð 2
á laugardaginn, að hugsanlegt er að
ónafnfgreindur þýskur banki verði
stærsti hluthafi nýs Byrs en Íslands-
banki og Landsbankinn munu einn-
ig hafa áhuga á sparisjóðnum.
DV hafði samband við Jón Finn-
bogason, forstjóra Byrs, en hann vildi
hvorki játa né neita því að hann hefði
rætt við Bjarna Ármannsson sérstak-
lega um aðkomu að sparisjóðnum
fyrr á þessu ári. „Ég svara því ekki.“
Fyrrverandi stofnfjáreigendur í
Byr munu funda í dag, mánudag, í
Flísabúðinni við Gullinbrú til þess
að ræða um kröfulýsingar í þrotabú
Byrs. Jafnframt munu þeir ræða um
möguleg skaðabótamál á hendur
fyrrverandi stjórnendum Byrs.
ingi f. vilhjálmSSon
fréttastjóri skrifar: ingi@dv.is
BJARNI VILDI FÁ
BYR FYRIR SLIKK
Bjarni ármannsson fjárfestir gerði tilraun til
að kaupa sparisjóðinn Byr áður en íslenska
ríkið yfirtók sjóðinn í apríl. Tilboð Bjarna
hljóðaði upp á að greiða kröfuhöfum Byrs 10
prósent upp í kröfurnar á hendur sparisjóðn-
um. Norskir fjárfestar stóðu að tilboðinu
með Bjarna. Hann átti að verða stjórnarfor-
maður eftir yfirtökuna en til stóð jafnframt
að breyta Byr í hlutafélag. Forstjóri Byrs ját-
ar hvorki né neitar að hafa rætt við Bjarna.
Ég svara því ekki.
vildi verða stjórnar-
formaður Bjarni vildi
verða stjórnarformaður
Byrs eftir yfirtökuna sem
átti að fela það í sér að
kröfuhafarnir fengju greidd 10
prósent af kröfum sínum.
Svefnmótmæli
halda áfram
Boðað hefur verið til svefnmót-
mæla við Stjórnarráðið aðfaranótt
þriðjudags. Athygli vakti aðfaranótt
1. október síðastliðins þegar hópur
fólks ákvað að leggjast til svefns við
Alþingishúsið. Nú munu spjótin
beinast að Stjórnarráðinu en í til-
kynningu á Facebook-síðu hópsins
kemur fram að verið sé að mótmæla
Alþjóðagjaldeyrissjóðnum.
„Við höfum ekki efni á að taka við
fleiri loforðum frá stjórnmálamönn-
um sem hafa látið Alþjóðagjaldeyr-
issjóðinn binda hendur sínar. Þess
vegna ríður á að við stöndum saman
og trommum kröfum okkar um heið-
arlegt uppgjör, mannsæmandi kjör og
framtíð landsins inn í Stjórnarráðið.“
Spánarveður
um helgina
Veður var með eindæmum gott víða á
landinu um helgina og komst hitinn í
17 stig á nokkrum stöðum. Þannig fór
hitinn í 17,2 gráður á Gemlufallsheiði
á Vestfjörðum samkvæmt Veðurstofu
Íslands. Á Norðurlandi var hlýjast í
Ásbyrgi þar sem hitinn fór í tæplega
17 gráður. Á Þingvöllum mældust
einnig 17 gráður og eins á Eyrar-
bakka. Þá var heiðskýrt nánast á öllu
landinu nema allra syðst. Veðurstofan
spáir áframhaldandi hlýindum víðast
hvar í vikunni þó ekki verði jafnsólríkt
og um helgina.
Aldrei fleiri
brautskráðir
Brautskráðir nemendur af fram-
haldsskólastigi hafa aldrei verið
fleiri, samkvæmt tölum Hagstof-
unnar. Þar kemur fram að alls hafi
brautskráðst 5.689 nemendur af
framhaldsskólastigi með 6.404 próf
skólaárið 2008–2009. Þetta er fjölg-
un um 150 nemendur frá fyrra ári,
eða 2,7 prósent. Aldrei áður hafa svo
margir nemendur útskrifast af fram-
haldsskólastigi á einu skólaári síðan
gagnasöfnun Hagstofu Íslands hófst
árið 1995. Ástæðan er meðal annars
sú að stórir árgangar eru að fara í
gegnum framhaldsskólann.
Kólígerlar fund-
ust í ísnum
Þrjátíu íssölur í Reykjavík stóðust
árlega könnun á gæðum og um-
gengni við ísvélar og ísblöndur
sem Matvælaeftirlit Reykjavík-
ur framkvæmdi fyrir skemmstu.
Tekin voru sýni hjá 42 íssölufyr-
irtækjum til að kanna gerlamagn
í ísnum. Af þeim þrjátíu sem
stóðustu prófið voru átján með
fullnægjandi niðurstöður og tólf
fengu eina athugasemd. Önnur
tólf fyrirtæki stóðust ekki kröfur í
fyrstu umferð en fengu tækifæri
til að gera úrbætur.
Þrjú fyrirtæki voru enn með
ófullnægjandi niðurstöður eftir
aðra sýnatöku og var íssala þeirra
stöðvuð tímabundið. Eitt þeirra
hætti störfum en hin fullnægðu
skilyrðum eftir þriðju eða fjórðu
sýnatöku. Kólígerlar eru algeng-
asta ástæða þess að fyrirtæki falla
á sýnatökum.