Dagblaðið Vísir - DV - 08.11.2010, Blaðsíða 15
Takmarka TransfiTusýrur „Neytenda-
samtökin fagna tillögu til þingsályktunar um setningu reglna um
hámarksmagn transfitusýra í matvælum og telja löngu tímabært að
stjórnvöld grípi til aðgerða,“ segir á ns.is. Þar segir líka að samtök-
in hafi ítrekað hvatt til þess að íslensk stjórnvöld fari að dæmi Dana
og setji reglur sem takmarki magn transfitusýra í matvælum. „Það
er óumdeilt að transfitusýrur eru óhollar og því er ábyrgðarhluti hjá
stjórnvöldum að aðhafast ekkert í þessu máli,“ segir á síðunni og bætt
er við að ekki eigi að þurfa að bíða eftir tilskipun Evrópusambandsins.
seldum vörur úT fyrir 50 milljarða
Íslendingar fluttu út vörur fyrir 46,9 milljarða króna í október, sam-
kvæmt tölum Hagstofunnar. Á móti voru innfluttar vörur fyrir 36,9 millj-
arða króna. Fram kemur að afgangur af vöruskiptum sé nokkuð minni
en í október í fyrra, eða um fimm prósentum minni. Það skýrist á aukn-
um vöruinnflutningi sem hafi aukist talsvert umfram það sem útflutn-
ingur hafi gert. „Á föstu gengi var vöruútflutningurinn um það bil 15
prósent meiri í október en á sama tíma í fyrra,“ segir í fréttinni en þetta
er skýrt með auknum tekjum af útfluttum iðnaðarvörum.
bæta aðeins tjón að hluta:
Greiða ekki
að fullu
Flugfarþegar sem urðu fyrir töfum
vegna eldgossins í Eyjafjallajökli
fá ekki að fullu greiddar bætur frá
Icelandair vegna
þeirra útgjalda
sem tafirn-
ar kostuðu þá.
Fram kemur á
vef Neytenda-
samtakanna að
farþegar hafi
þurft að greiða
misjafnlega mik-
ið fyrir gistingu og máltíðir vegna
tafanna en að tjónið verði aðeins
bætt að hluta.
Stjórn Icelandair hefur ákveðið
að greiða bætur að hámarki 90 evrur
(13.967 krónur) fyrir hverja gisti-
nótt og 25 evrur (3.879 krónur) fyrir
máltíðir hvern dag. Á vef Neytenda-
samtakanna segir að framvísa þurfi
kvittunum fyrir gistingu og máltíð-
um. Ef útlagður kostnaður sé lægri
en hámarksbæturnar fái farþeg-
inn þá upphæð endurgreidda en ef
kostnaðurinn sé hærri en hámarks-
bæturnar beri farþeginn mismun-
inn af tjóninu sjálfur. „Samkvæmt
reglugerð um réttindi flugfarþega
sem hér á við er aðeins kveðið á um
að flugrekandi skuli bjóða farþegum
máltíðir/hressingu og gistingu þegar
þess er þörf ef um töf er að ræða og
undir eðlilegum kringumstæðum
hefur því yfirleitt verið framfylgt að
hálfu flugrekenda,“ segir á vefnum
og bætt er við að þá eigi við að flug-
rekandi skuli sjálfur sjá farþegum
fyrir þessari aðstoð.
Fram kemur að mörg hundruð
farþegar hafi verið strandaglópar á
sama tíma þegar eldgosið stóð sem
hæst og að mörgum flugfélögum
hafi verið ofviða að sjá farþegum
sínum fyrir umræddri aðstoð. Því
hafi þeir sjálfir þurft að verða sér úti
um mat og gistingu með tilheyrandi
kostnaði sem margir farþegar hafi
reynt að sækja eftir á.
Borgum lægstu
skattana
Íslendingar og Norðmenn greiða
lægsta tekjuskatt af íbúum Norður-
landanna. Í Noregi nema skattarnir
ásamt tryggingagjöldum 47,8 pró-
sentum en hæst nema skattarnir
46,3 prósentum á Íslandi. Þetta kom
fram í fréttum Bylgjunnar í gær og á
vef Vísis. Þar er fjallað um alþjóð-
lega samantekt KPMG á tekjuskött-
um ríkja. Minnt er á að fyrir skatta-
hækkanir núverandi ríkisstjórnar
hafi tekjuskattur einstaklinga á
Íslandi hæst verið 37,2 prósent með
tryggingagjaldi. Svíar greiða hæstu
tekjuskattana (ásamt trygginga-
gjaldi) af öllum OECD-ríkjunum.
Skatthlutfall þar er 56,6 prósent.
Inn í þeirri tölu eru líka lífeyris-
sjóðsgreiðslur sænskra launþega.
mánudagur 8. október 2010 neyTendur 15
Þetta eru bestu raftækin
besta alhliða myndavélin:
Canon EOS 550D
Verð: 159.100 kr. hjá Nýherja
Í umsögn EISA segir að myndavélin sé framúrskarandi fyrir byrjendur í ljósmyndun og
áhugaljósmyndara. Vélin bjóði upp á mikið úrval af eiginleikum, hún sé afar vel hönn-
uð og notendavæn. Í vélinni megi taka upp hágæða myndbönd (HD) auk þess sem
valmöguleikinn á handvirkri stjórn á lýsingu og fókus sé fyrir hendi. Vélin sé raunar
góð fyrir byrjendur sem reyndari ljósmyndara. Hún skartar 18 mexapixla upplausn,
getur tekið allt að 8 ramma á sekúndu og býður upp á ótal stillingar og valmöguleika
fyrir þá sem vilja prófa sig áfram.
PhiliPs
42Pfl6805
Verð: 229.990 kr. hjá Sjónvarpsmið-
stöðinni
EISA segir að þetta tæki frá Philips slái
öll fyrri met þegar kemur að orkusparn-
aði í sjónvarpstækjum. Notkunin sé
aðeins 40 vött þegar tækið sé stillt á
„eco-mode“ eða umhverfisvæna still-
ingu. Framleiðandinn taki á heildrænan
hátt til umhverfissjónarmiða, sem
sjáist til dæmis á því að fjarstýringin sé
knúin sólarorku og bæklingurinn með
tækinu sé á rafrænu formi. EISA segir
að rúsínan í pylsuendanum sé að öll
umgjörð tækisins sé úr endurunni áli
en ekki hefðbundnu svörtu plasti eins
og sjónvarpstæki samkeppnisaðilanna.
lG Gd510
Verð: 24.990 kr. hjá buy.is
LG-síminn, sem er kallaður Pop, fær
umhverfisverðlaun EISA að þessu
sinni. Hann er búinn öllum nýjustu og
flottustu eiginleikum sem snjallsímar
eru með í dag. Hann fær verðlaunin
fyrir það
hversu lítill
síminn er, hve
léttur og
hve nettar
umbúðir
eru utan um
símann. Í
umsögn segir
að síminn
beri höfuð
og herðar
yfir aðra
þegar komi
að notkun á
málum á borð
við gull, kopar
og silfur. Auðvelt sé að endurvinna öll
efni sem í símanum séu. Augljóst sé
að umhverfissjónarmið þurfi ekki að
standa í vegi fyrir góðri hönnun og
flottri tækni.
umhverfisverðlaun eisa
besti síminn:
Sony Ericsson Xperia
X10 mini
Verð: 59.900 kr. hjá Símanum
EISA segir að Xperia X 10 mini sé ákaflega nettur og stílhreinn
farsími. Þrátt fyrir það sé hann með afbirgðum góður. Hann hafi
fjölmarga eiginleika á borð við GPS, Wi-Fi, 3G og fimm megapixla
myndavél með flassi. Síminn hafi Android-stýrikerfi sem gefi
honum eiginleika sem aðeins stærri símar hafi. Snertiskjárinn þykir
þægilegur í notkun þó lítill sé. EISA segir að vegna þess hve síminn
er smágerður og hversu hönnunin sé vönduð sé hann ákaflega vel til
þess fallinn að kynna snjallsíma fyrir konum.
besta lCD-sjónvarpið:
Philips 46PFL9705
Verð: 699.990 kr. hjá
Sjónvarpsmiðstöðinni
Að sögn EISA er Philips almennt talið
vera leiðandi framleiðandi þegar kemur
að frumlegum og nýstárlegum lausnum
í rafbúnaði. Þetta tæki, sem reyndar
kostar skildinginn, er sagt frábært alhiða
sjónvarpstæki; hljóðgæðin séu frábær og
myndin sérleg skörp – sérstaklega séu
dekkstu litirnir skarpir. Í tækinu er góð
þráðlaus nettenging með aðgengilegum
vafra og hægt er að kaupa þrívíddar
viðbót með sjónvarpinu. Sjónvarpið er
besta LCD-tæki sem er á markaði, að mati
EISA.