Dagblaðið Vísir - DV - 25.06.2012, Page 24

24 Sport 25. júní 2012 Mánudagur
Þ
að er ekkert annað í
kortum Evrópumóts­
ins í knattspyrnu en
að í úrslitum mætist
landslið Þýskalands
og Spánar og þar fari Þjóð­
verjarnir með sigur af hólmi
að mati Hermanns Gunnars­
sonar, fjölmiðlamanns og
knattspyrnuhetju til margra
ára. Hermann telur lítinn
vafa leika á að Þjóðverjar
vinni sigur í undanúrslitum
hvort sem andstæð ingurinn
eru Englendingar eða Ítal­
ir og á hinn bóginn sé lið
Portú gal einfaldlega ekki
nógu sterkt til að eiga við
stórkostlegt landslið Spán­
verja.
Spánn betri en Portúgal
Aðspurður um Evrópumótið
í knattspyrnu segir Hermann
það mikið til eftir bókinni og
segir kannski það eina sem
komið hafi honum á óvart
sé að Rússar hafi ekki farið
lengra en raun bar vitni en
það landslið komst ekki upp
úr riðli sínum eftir frábæra
byrjun. Að sama skapi sé fátt
að koma á óvart varðandi
þau landslið sem eftir séu og
enginn hefði unnið fúlgur fjár
að spá fyrir um undanúrslit
og úrslit EM að þessu sinni.
„Eina spurningin sem
eft ir er að svara finnst mér
sú hvort Spán verjarnir séu
orðn ir pakksaddir. Landslið
þeirra hefur unnið bæði tit­
ilinn á EM fyrir fjórum árum
og Heimsmeistaratitilinn fyrir
tveimur árum og mér fyndist
það ekki ólíklegt að þeir séu
ekki jafn hungraðir og þeir
þurfa að vera til að endurtaka
leikinn nú. Það sést einna best
á því að þeir eru í vandræðum
með framherja; hvort spila
eigi Fabregas frammi eða
prófa Torres og þetta verður
vandamál áfram. Ekki þar fyr­
ir að Spánn sé ekki betra lið
með betri leikmenn en Portú­
gal og jafnvel þó Portúgal státi
af öðrum besta leikmanni
heims um þessar mundir
dugar það varla til gegn Spán­
verjunum sem kunna lausnir
á öllum vandamálum. Ég held
að Spánn sé bara of stór biti
fyrir Portúgal og þeir eru ekki
jafn góðir ef bornir eru saman
leikmenn liðanna.“
Þjóðverjar sigla í úrslitin
„Það virðist sama hvaða lið
Þjóðverjarnir senda til leiks
á stórmótum. Þar sér maður
bráðunga og efnilega stráka
sem eru fullfærir að takast á
við þá bestu í heimi og hafa
sjálfstraust til. Það er ótrúlegt
að sjá til þeirra og nú er bara
komin ný kynslóð leikmanna
sem eru hver öðrum betri hjá
Þjóðverjunum. Einu gildir þó
andstæðingurinn setji mark
eða mörk gegn þeim, þeir
keyra áfram í sama gír og hafa
betur þegar upp er staðið.
Ég held að engu skipti hvaða
landslið mæti þeim í und­
anúrslitunum. Eng lendingar
eru fastir í fortíðinni og ekkert
nýtt þar og þó Ítalir hafi verið
aðeins frískari þá er það sama
uppi á teningnum þar. Hvor­
ugt liðið mun hafa nokkuð í
Þjóðverja að gera.“
Spyrjum að leikslokum
„Einasta spurningin sem
svara þarf varðandi úrslita­
leikinn sjálfan að mínu viti
er hvort leikmenn Spán­
verja séu komnir með nóg og
ekki nógu hungraðir. Því það
þurfa þeir að vera gegn Þjóð­
verjum sem spila sinn leik
hvað sem tautar og raular og
ég held að þeir með sína eld­
fljótu og leiknu vængmenn
geti leikið bakverði Spán­
verja nokkuð grátt mætist
þessi landslið. Spánverjarnir
eru miklu flinkari með bolt­
ann og geta haldið honum
þetta 60 til 80 prósent í hverj­
um leiknum á fætur öðrum
en þessi vandræði þeirra í
fremstu víglínu hafa varla
farið framhjá nokkrum og
gegn Þjóðverjum þá duga
engin vettlingatök ætli menn
að skora gegn þeim. Ef ég
ætti að setja þúsund krón­
ur á hver stendur uppi sem
Evrópumeistari þetta árið
set ég þann pening á Þýska­
land.“
n Hermann Gunnarsson veðjar á að Þýskaland vinni Evrópumeistaratitilinn 2012
Pakksaddir
sPánverjar?
Albert Eyþórsson
albert@dv.is
Blindur Arsene
Wenger?
Fáir, ef nokkrir, sóknarmenn
hafa verið gagnrýndir jafn
heiftarlega á yfirstandandi
EM en Robin van Persie sem
þykir hafa leikið langt undir
getu fyrir hollenska lands­
liðið. Þjálfari Hollendingsins
hjá Arsenal, Arsene Wenger,
er þessu innilega ósammála
og segir þvert á móti Persie
hafa verið einn allra heitasta
framherjann á mótinu.
„Hann er gagnrýndur allt of
harkalega að mínu mati. Ef
leikir Hollands eru skoðað­
ir og litið sérstaklega á þátt
Persie þá var allt sem hann
gerði; hlaup og sendingar
mjög góðar. Hann nýtti
vissulega ekki öll sín færi í
leikjum Hollendinga en ég
skrifa það frekar á þreytu
en nokkuð annað. Hann er
skör ofar knattspyrnulega en
Klaas­Jan Huntelaar [annar
framherji Hollands].“
Barist um
Falcao
Einn allra hættulegasti fram­
herjinn í Evrópu á liðinni
leiktíð var hinn kolumbíski
Radamel Falcao hjá Atletico
Madrid. Í fyrra blómstraði
Falcao einnig með liði Porto
í Portúgal og þykir aldeil­
is hafa sannað sig í Evrópu­
boltanum. Svo mjög að full­
yrt er á Spáni að fjögur af
stærstu liðum álfunnar séu
með drenginn í sigtinu fyr­
ir næstu leiktíð. Eiga það að
vera Chelsea og Manchest­
er City í Englandi og stórliðin
spænsku Real Madrid og
Barcelóna. Næsta óhætt er að
útiloka Real Madrid því rígur
Real og Atletico er slíkur að
sala leikmanns milli þeirra er
fáheyrð. Sjálfur er Falcao að
sögn sáttur hjá Atletico enda
oft betra að vera stór fiskur í
lítilli tjörn en öfugt.
Goðsögn fær
fyrir hjartað
Þó að helsta goðsögn Portú­
gal í boltanum, Cristiano
Ronaldo, sé hluti af leik­
mannahóp þess landsliðs eru
aðrar tvær helstu goðsagn­
ir þess lands sem fylgst hafa
með liðinu úr áhorfenda­
stúkum alla Evrópukeppn­
ina. Það eru þeir Luis Figo
og Eusebio en sá síðarnefndi
var lagður inn á sjúkrahús
um helgina eftir að hafa feng­
ið mikla brjóstverki. Karlinn
sem er orðinn 70 ára eyðir
sífellt meiri tíma á sjúkrahús­
um en þangað hefur hann
þurft að leita alls fjórum
sinnum bara á þessu ári.
Hemmi Gunn Ljóst er orðið hvaða
landslið mætast í undanúrslitum
Evrópukeppninnar í knattspyrnu árið
2012 og nokkuð eftir bókinni að sögn
Hermanns Gunnarssonar.