Dagblaðið Vísir - DV - 04.07.2011, Blaðsíða 6

6 | Fréttir 4. júlí 2011 Mánudagur
Flugu með lággjaldaflugfélögum í konunglegt brúðkaup:
Forsetahjónin flugu með Iceland Express
Forseti Íslands, Ólafur Ragn­
ar Grímsson, og eiginkona hans,
Dorr it Moussaieff, voru viðstödd
brúðkaup Alberts II af Mónakó og
suðurafrísku sunddrottningarinn­
ar Charlene Wittstock sem fram fór
um helgina.
Hjónin voru boðsgestir í brúð­
kaupinu og fengu gistingu í boði
brúðhjónanna. Flugið þurfti for­
setaembættið hins vegar að borga
en líkt og alls staðar annars stað­
ar er reynt að halda öllum útgjöld­
um embættisins í lágmarki. Af
þeim sökum flaug forsetinn með
lággjaldaflugfélögum alla leið til
Mónakó.
Samkvæmt upplýsingum DV
flaug forsetinn til London með ís­
lenska flugfélaginu Iceland Express
og þaðan með Ryanair. Þetta mun
ekki vera í fyrsta skipti sem forseta­
embættið notar lággjaldaflugfélög
til að halda ferðakostnaði forsetans
í lágmarki.
Það voru þó án efa fáir gestir í
brúðkaupi þeirra Alberts og Charl­
ene sem flugu til Mónakó með lág­
gjaldaflugfélögum. Meðal gesta í
brúðkaupinu voru þjóðhöfðingjar
hinna Norðurlandaþjóðanna auk
margra þekktra einstaklinga.
Albert er þekktur fyrir tengsl sín
inn í Hollywood en hann er sonur
leikkonunnar Grace Kelly sem vakti
mikla athygli þegar hún giftist Rein­
er III af Mónakó árið 1956.
Meðal gesta sem boðnir voru í
brúðkaupið voru ofurfyrirsæturn­
ar Naomi Campbell, sem er fyrr­
verandi kærasta Alberts, og Kar­
olina Kurkova. Auk þess voru þar
fatahönnuðir á borð við Roberto
Cavalli, Karl Lagerfeld og Giorgio
Armani, sem einmitt hannaði brúð­
arkjól Charlene.
Einar Ingimundarson, meðdómari í
Exeter Holdings­málinu, og Atli Örn
Jónsson, eitt af vitnunum í málinu og
einn af eigendum stofnfjárbréfa í Byr
sem seld voru inn í Exeter, eru sam­
starfsfélagar hjá verðbréfafyrirtækinu
Íslensk verðbréf h.f. Þessi staðreynd
varð samt ekki til þess að Einar teld­
ist vanhæfur sem meðdómari í mál­
inu en dómur var kveðinn upp í því
á þriðjudaginn. Einar og Arngrímur
Ísberg, héraðsdómarinn sem valdi
Einar sem meðdómara í málinu,
sýknuðu þá sakborningana þrjá sem
ákærðir höfðu verið fyrir umboðs­
svik í málinu, þá Ragnar Z. Guðjóns­
son, Jón Þorstein Jónsson og Styrmi
Bragason.
Atli Örn var einn af eigendum
Húnahorns, eignarhaldsfélags sem
meðal annars var í eigu Ragnars Z.
Húnahorn seldi stofnfjárbréf sín í Byr
inn í Exeter Holdings með lánveit­
ingu frá Byr síðla árs 2008. Með lán­
veitingunni og sölu bréfanna losnuðu
eigendur Húnahorns við bréfin sín
og sömuleiðis þær ábyrgðir sem þeir
voru í fyrir lánum frá MP Banka sem
félaginu hafði verið veitt til að kaupa
bréfin í Byr. Ef stjórnendur Byrs,
Ragnar Z. og Jón Þorsteinn, hefðu
ekki ákveðið að veita Exeter Holdings
lánið fyrir bréfunum hefði MP Banki
getað gengið að þeim persónulega.
Byr hluthafi í Íslenskum
verðbréfum
Þessi óheppilegu tengsl Einars við eitt
af vitnunum í málinu bætast við önn­
ur tengsl sem voru í umræðunni fyrir
helgi: Fyrirtækið Íslensk verðbréf hf.
er að hluta til í eigu sparisjóðsins Byr.
Atli Örn er nefndur á nafn í dómn­
um vegna vitnisburðar síns um Ex­
eter Holdings­málið. Í dómnum
kemur fram að Húnahorn, sem var í
eigu fyrrverandi yfirmanna í Spari­
sjóði vélstjóra, hefði fengið að eign­
ast stofnfjárbréfin þegar Sparisjóður
vélstjóra rann saman við Sparisjóð
Hafnarfjarðar og úr varð Byr. í dómn­
um kemur fram að Jón Atli hafi borið
því við að hann hafi ekkert vitað um
afdrif bréfa Húnahorns í Byr fyrr en
Ragnar sagði honum frá því að MP
Banki hefði leyst bréfin til sín. Jón Atli
er því beintengdur við Exeter Hold­
ings­málið og hann og einn af dóm­
urunum þremur starfa hjá sama fyrir­
tækinu.
Arngrímur skipaði Einar
Skipun Einars bar að með þeim hætti
að Arngrímur Ísberg, dómarinn í mál­
inu, bað um meðdómara sem væri
sérfræðingur í verðbréfaviðskiptum.
Dómarar biðja gjarnan um slíkt ef
þeir meta það sem svo að sérþekk­
ingu á einhverju ákveðnu sviði þurfi
til að dæma í tilteknum málum. Dóm­
arinn sjálfur skipar þá einn utanað­
komandi meðdómara og dómstjór­
inn við héraðsdóminn, í þessu tilfelli
Helgi I. Jónsson, skipar þriðja með­
dómarann úr röðum héraðsdómara.
Lendingin í þessu tilfelli varð sú að
Arngrímur skipaði Einar sem dómara
vegna þekkingar hans á hagfræði og
verðbréfaviðskiptum – Einar er bæði
menntaður í hagfræði og lögfræði –
og Helgi skipaði Ragnheiði Harðar­
dóttur sem þriðja dómara.
Engin athugun fór hins vegar fram
á hæfi Einars Ingimundarsonar áður
en Arngrímur skipaði hann sem dóm­
ara og var ákvörðun hans um það ein­
hliða. Í slíkum tilfellum ber þeim sem
skipa á sem meðdómara að greina
dómaranum frá tengslum sínum við
málið. Einar hefur borið því við í fjöl­
miðlum að hann ynni hjá fyrirtæki
sem tengdist Byr og að Arngrímur
hefði ekki gert neinar athugasemdir
við það.
Þekkti Einar ekki
Aðspurður um tengslin við Atla í gegn­
um Íslensk verðbréf segir Einar að hann
hafi ekki vitað að Atli Örn tengdist mál­
inu sem einn af hluthöfum Húnahorns
og sem vitni. „Ég vissi ekki að Atli þessi
væri í málinu þegar hann [Arngrímur,
innskot blaðamanns] bað mig um að
taka þarna sæti,“ segir Einar.
Hann segir að hann telji að þessi
tengsl skipti ekki máli og geri það
ekki að verkum að hann sé vanhæf­
ur í málinu – Hæstiréttur getur skot­
ið málum aftur til héraðsdóms ef það
telst sannað að dómari hafi verið van­
hæfur. „Ég þekki Atla þannig séð ekki
neitt. Ég vinn á Akureyri og hann
starfar í Reykjavík. Og þessi tengsl, að
við vinnum hjá sama fyrirtæki, skipta
engu máli. Atli var ekki ákærður í mál­
inu og ég hef ekki nein tengsl við neinn
hinna ákærðu í málinu,“ segir Einar.
Arngrímur og Einar sýknuðu svo
Jón Þorstein, Ragnar Z. og Styrmi
Bragason í Exeter­málinu á meðan
Ragnheiður vildi sakfella Ragnar Z.
og Jón Þorstein. Með sýknudómnum
voru Arngrímur og Einar því að segja
að engin lögbrot hefðu átt sér stað í
viðskiptunum með Byrbréfin sem seld
voru inn í Exeter Holdings.
Ingi Freyr Vilhjálmsson
fréttastjóri skrifar ingi@dv.is
n Meðdómari í Exeter-málinu starfar með vitni í málinu n Segist ekki hafa vitað að
samstarfsmaðurinn væri vitni n Meirihluti dómsins sýknaði sakborningana þrjá
„Ég vissi ekki að Atli
þessi væri í málinu.
Atli Örn Jónsson Var einn af eigendum
Húnahorns.
Einar Ingimundarson Er samstarfs-
félagi vitnis í málinu.
Vissi ekki um tengsl
meðdómara síns
Vissi ekki að Atli væri vitni Einar Ingi-
mundarson, meðdómari í Exeter-málinu,
segist ekki hafa vitað að Atli Örn Jónsson,
samstarfsfélagi hans hjá Íslenskum verð-
bréfum, væri vitni í málinu.
Sparnaður Forsetinn og eiginkona hans létu sér nægja að fljúga með lággjaldaflug-
félögum til Mónakó. Mynd SIgtryggur ArI
Slagsmál brutust
út í samkvæmi
Einn var fluttur á slysadeild eftir að
slagsmál brutust út í samkvæmi í
Reykjavík aðfaranótt sunnudags.
Lögreglan á höfuðborgarsvæðinu
var kölluð að heimahúsi í Hjalla­
landi í Fossvoginum um klukkan 2
vegna samkvæmis sem hafði farið úr
böndunum. Að sögn lögreglunnar
var einn maður fluttur á slysadeild
eftir að slagsmál brutust út en eng­
inn var handtekinn.
Sjónarvottar segja að töluverður
viðbúnaður hafi verið og að sex lög­
reglubílar hafi mætt á svæðið ásamt
sjúkrabíl.
Lést af slysförum
í Sviss
Íslenska konan sem lést í bílslysi í
Basel í Sviss síðastliðinn laugardags­
morgun hét Bergþóra Bachmann.
Hún var þrjátíu og eins árs gömul
og búsett í Basel og var einhleyp og
barnlaus. Bergþóra var á reiðhjóli
þegar ekið var á hana
Arnþrúður hjólar
í Hauk
„Ef hann vill vernda barnaníðinga,
þá er það hans mál,“ segir Arnþrúð­
ur Karlsdóttir, útvarpsstjóri á Útvarpi
Sögu, um yfirlýsingu Hauks Holm
sem hann sendi út um helgina þar
sem hann fordæmdi mynd­ og nafn­
birtingu Útvarps Sögu á meintum
barnaníðingi frá Vestmannaeyjum.
Haukur, sem var áður fréttastjóri
hjá útvarpsstöðinni, segir í yfirlýs­
ingunni: „Ég fordæmi [...] umrædd
vinnubrögð á sama tíma og ég ítreka
að þau eru ekki á mínum vegum,
þrátt fyrir að ég sé ranglega og enn
titlaður fréttastjóri á fréttastofu Út­
varps Sögu.“
Arnþrúður er ósammála Hauki.
„Það eru almannahagsmunir að
menn viti hverjir séu líklegir til þess
að gera svona. Hæstiréttur ákvað að
þessi maður skyldi í gæsluvarðhald
og við erum bara að framfylgja því.
Það er það sem Útvarp Saga er að
gera,“ segir Arnþrúður.
„Það er kominn tími til þess að
hætta allri þöggun. Það er alltaf ver­
ið að vernda og hlífa alls konar kvik­
indum sem ganga laus,“ segir Arn­
þrúður enn fremur.