Dagblaðið Vísir - DV - 05.09.2011, Side 8

8 | Fréttir 5. september 2011 Mánudagur
A
uglýsingaherferð á vegum
Sjálfstæðisflokksins hefur
vakið athygli en í henni gagn-
rýnir flokkurinn meðal ann-
ars árangur ríkisstjórnarinn-
ar og hvetur til þess að skattar verði
lækkaðir. Þá segist flokkurinn vilja
skapa ný störf og draga þannig úr at-
vinnuleysi.
Bjarni Benediktsson, formaður
Sjálfstæðisflokksins, segir það alvana-
legt í starfi flokksins að notast reglu-
lega við auglýsingar.
Spurður um það hvers vegna gripið
sé til þess ráðs segir Bjarni sjálfstæðis-
menn eiga samtöl við fólkið í landinu
með margvíslegum hætti.
„Við höldum opna fundi og við gef-
um út okkar eigin efni og það kemur
fyrir að við minnum á okkar skilaboð
með þessum hætti. Þetta er hefðbund-
inn liður í okkar kynningarstarfi. Við
höfum oftar en einu sinni á undan-
förnum árum minnt á okkar lykilskila-
boð með þessum hætti og nú þegar
þingið er að koma aftur til starfa þá
verða efnahagsmálin í brennidepli.
Við viljum minna á áherslur okkar í
þeim efnum. Við höfum á undanförn-
um tveimur árum lagt mikla áherslu á
það að sköttum væri haldið í lágmarki
á fólk og fyrirtæki og teljum að ríkis-
stjórnin hafi gengið alltof langt í sín-
um skattbreytingum, bæði með því
að kynna til sögunnar nýja skatta og
hækka þá sem fyrir voru. Síðan teljum
við það vera algert lykilatriði að hér
skapist skilyrði fyrir því að hagvöxtur
fari hér í gang og að ný störf verði til.“
Bjarni vill kosningar
Bjarni segist helst vilja fá kosningar
áður en kjörtímabilinu lýkur.
„Ég sé að kjósendur eru búnir að
afskrifa ríkisstjórnina því hún nýt-
ur stuðnings sem er í sögulegu tilliti
langt fyrir neðan það sem hefðbund-
ið er. Auðvitað er ég þeirrar skoðunar
að þetta stjórnarsamstarf geti lengst
lifað fram að næstu kosningum. En
helst vildi ég fá kosningar fyrr heldur
en 2013.“
En er Bjarni ánægður með fylgi
stjórnarandstöðunnar? „Fyrir mitt
leyti er ég það, því auðvitað get ég ekki
verið annað en ánægður með að við
höfum bætt við okkur stuðningi um
50% frá því það var gengið síðast til
kosninga.“
Bjarni segist ekki hræðast það að
ný framboð taki af flokknum fylgi. „Það
hafa komið fram ný framboð á síðast-
liðnum 20 árum og sum horfið jafnóð-
um af sjónarsviðinu. Flokkarnir tveir
sem stýra landinu í dag eru sem stjórn-
málahreyfingar tiltölulega nýir. Sjálf-
stæðisflokkurinn hefur haldið sinni
stöðu þrátt fyrir ný framboð. Það er
engin ástæða fyrir Sjálfstæðisflokkinn
að óttast neitt slíkt.
Ef við horfum bara á þetta út frá
lýðræðinu í landinu þá finnst mér það
mikið merki um heilbrigði að menn
telji sig geta sett af stað nýjar hreyfingar
og fengið til sín fylgi. Ef ég á að horfa á
þetta sem formaður í stjórnmálaflokki
þá tel ég að ég hafi ekkert að óttast. Það
hreyfir ekkert við mér að fólk geri til-
raunir til þess að stofna nýjan flokk.“
Það er mikil gerjun í stjórnmálum
almennt, segir Birgir Guðmundsson
stjórnmálafræðingur. Hann telur mik-
ilvægar spurningar hafa vaknað um
flokkakerfið og ljóst sé að ný framboð
gætu verið á næsta leiti. Hann telur að
svigrúm fyrir miðju- eða hægrisinn-
aðan frjálslyndan stjórnmálaflokk sé
til staðar og þangað horfi Guðmundur
Steingrímsson. Evrópusinnaðir hægri
menn eigi sér hvergi samastað í dag.
ESB-andstæðingar ofan á
„Þjóðernisvinkillinn er eitthvað sem
kemur alls staðar upp þegar rætt er
um Evrópusambandið. Það gerðist í
Noregi og hefur gerst víðar. Þetta snýst
auðvitað um framsal á fullveldi og það
er því eðlilegt að þetta komi sterkt inn
í umræðuna hér,“ segir Birgir og bend-
ir á að fullveldissaga Íslands sé tiltölu-
lega stutt. Forystumenn Framsóknar-
flokksins og Sjálfstæðisflokksins hafa
undanfarið talað eindregið gegn Evr-
ópusambandinu og armur Evrópu-
andstæðinga hefur orðið ofan á í báð-
um flokkum. Birgir segir að þess vegna
upplifi frjálslyndir menn í Framsókn-
ar- og Sjálfstæðisflokknum sig sem
landlausa. „Þetta er tilfinningaþrung-
ið mál hjá okkur og það er eðlilegt að
menn séu á varðbergi gagnvart fram-
sali á fullveldinu.“ Hann segir að það
sem endurspegli þessa tilfinninga-
semi hvað best sé ef til vill megrunar-
kúr formanns Framsóknarflokksins,
sem snúist um að borða bara íslenskan
mat. „Framsóknarflokkurinn gæti allt
eins í dag tekið upp slagorðið frá árinu
1991: XB en ekki EB,“ segir hann í létt-
um dúr.
Spurður álits á væntu framboði
Besta flokksins á landsvísu seg-
ist hann alls ekki spá því jafngóðu
gengi og í borginni. Nú sé ekki sami
grundvöllur í þjóðfélaginu fyrir grín-
eða mótmælaframboði og var í fyrra.
„Það verður að vera einhver stefna.
Fólk vill lausnir en ekki bara eitt-
hvað,“ segir hann og spyr hvað sé
nýtt eða ferskt við Besta flokkinn í
dag.
Ný framboð erfið
Nokkur umræða hefur verið um
framboð stjórnlagaráðsfulltrúa en
Birgir segir ekki sjálfgefið að flokkur
sem nokkrir stjórnlagaráðsfulltrúar
kunni að stofna verði vinsæll. Raun-
ar sé fremur erfitt fyrir nýja flokka
að koma fram á sjónarsviðið eins og
staðan sé í dag.
„Ef það kæmi nýr flokkur fljótlega
fram á sjónarsviðið þá þyrfti hann að
marka sér skýra stöðu og taka þátt í
pólitískri umræðu. Það hefur oftast
reynst nýjum framboðum best að
koma fram frekar stuttu fyrir kosn-
ingar,“ segir hann.
Átök og samningaviðræður
Umræða um ný framboð er ekki
það eina sem hefur einkennt stjórn-
málaumræður undanfarið. Átök og
samningaviðræður hafa einkennt
stjórnarsamstarfið.
Birgir segir ríkisstjórnina hafa
í raun allt frá byrjun haft einkenni
minnihlutastjórnar. Hún hafi þurfi
umboð meirihluta í hverju málinu á
fætur öðru.
„Það er orðið mjög áberandi
núna. Það eru bullandi átök og mik-
ið um samningaviðræður.“ Það þýð-
ir að ríkisstjórnin þarf að undirbúa
mál sín betur og afla þeim fylgis. Í
því felst ákveðin lýðræðisumbót en
það þýðir líka að það bitni á skil-
virkni þingsins. Spurður hvort hann
spái því að stjórnin lifi af kjörtímabil-
n Sjálfstæðisflokkurinn í auglýsingaherferð n Ný framboð í undirbúningi n Átök og
samningaviðræður hafa einkennt stjórnarsamstarfið n Sjálfstæðismenn vilja kosningar
kosningabaráttan er hafin
F
jórflokkurinn er algjör orma-
gryfja,“ segir Þór Saari þing-
maður Hreyfingarinnar. „Þess
vegna er Guðmundur Stein-
grímsson að skilja sig frá hon-
um og þess vegna vill Besti flokkur-
inn bjóða fram. Það er þörf á því að
gera afar róttækar breytingar. Við höf-
um talað fyrir þeim en það hefur lítið
gengið og það þarf meira til,“ segir Þór.
„Alþingi er ónýtt sem stofnun. Það
er ekki að sinna sínu hlutverki. Þing-
menn og ráðherrar framfylgja ekki
starfi sínu sem fulltrúar þjóðarinnar.
Fulltrúalýðræðið er marklaust og hef-
ur verið það lengi. Það komu 27 nýir
þingmenn á þing, 23 þeirra fóru beint
í gömul hjólför. Allt þetta nýja ábúðar-
mikla og sperrta samfylkingarfólk sem
kom inn. Það tók svona einn dag að
berja það til hlýðni.“
Barnalegur sandkassaleikur
Þór segir Alþingi vera niðurdrepandi
vinnustað sem þyki ekki eftirsóknar-
verður. „Alþingi er skipulagslaust og
dagskráin er sundurleit. Skipulags-
leysið á rætur að rekja til þess að meiri-
hlutinn vill halda minnihlutanum í
óvissu. Það er til dæmis þingfundur
á mánudagsmorgun og minnihlutinn
veit ekki ennþá um hvað hann snýst.
Ég get ekkert undirbúið mig fyrir
þennan fund en það getur meirihlut-
inn því hann veit hvað er á dagskrá.
Þetta er barnalegur sandkassaleikur
og barátta um völd.“
Yfirstétt á Alþingi
Þór segir ástæðuna fyrir því að nýtt
fólk falli í gamalt far vera þá að inni
á Alþingi sé ákveðin yfirstétt. Henni
þurfi að koma frá. „Yfirstéttin er sam-
safn af skrifstofustjórum og þing-
mönnum sem hafa verið viðloðandi
þingstörf árum saman. Þetta eru
sterkir íhaldsmenn og þeir hafa áhrif á
framgöngu annarra. Það þarf að gera
gagngera uppstokkun.“ kristjana@dv.is
Alþingi er niðurdrep-
andi vinnustaður
Barnalegur sandkassaleikur og
barátta um völd Þór Saari þingmaður Hreyf-
ingarinnar styður ný framboð og viðurkennir að
Hreyfingunni hafi gengið hægt að koma í gegn
breytingum á Alþingi. Meira þurfi til.
Baldur Guðmundsson
blaðamaður skrifar baldur@dv.is
Kristjana Guðbrandsdóttir
blaðamaður skrifar kristjana@dv.is
ið segist hann ekki þora að spá því að
hún geri það ekki.
Sjálfstæðismenn vígbúast
Auglýsingaherferð á vegum Sjálf-
stæðisflokksins hefur vakið athygli
en í henni gagnrýnir flokkurinn ár-
angur ríkisstjórnarinnar og hvetur til
þess að skattar verði lækkaðir. Birgi
finnst það frekar óvenjulegt að beita
slíkum aðferðum og segist spyrja sig
hvort menn telji að hefðbundinn mál-
flutningur fái ekki hljómgrunn í fjöl-
miðlum, hvort þeir séu ekki sáttir við
þá útbreiðslu þar sem þeir hafa ein-
hver ítök, eða haldi að greinar eða
málflutningur virki ekki eins og skyldi.
Birgi finnst auglýsingaherferðin enn-
fremur boða ákveðna stemningu fyrir
þingið. „Það er óvenjulegt að búa sér
til vígstöðu fyrir þingumræðurnar,“
segir Birgir.
Þreyta í stjórnarsamstarfinu
Á dögunum stilltu Vinstri græn sér
upp gegn Samfylkingunni með afger-
andi hætti í samþykkt flokksins um
nýskipaða stjórn Byggðastofnunar.
Birgir segist finnast Vinstri græn vera
farin að ögra Samfylkingunni og að
þreyta sé komin í samstarfið.
„Mér finnst Vinstri græn vera far-
in að ögra Samfylkingunni það oft að
maður er farinn að spyrja sig hvort
það búi eitthvað alvarlegt að baki,“
segir hann „Það er greinileg þreyta
innan VG. Spurningin er aðeins
hversu mikil sú þreyta er,“ bætir hann
við.
Aðspurður segir hann að ef ríkis-
stjórnin myndi falla þætti honum
líklegra að innri brestir stjórnarsam-
starfsins yrðu til þess – frekar en að
stjórnarandstaðan myndi bola henni
frá.
2001 2002 2003 2004 2005 2006 2007 2008 2009 2010
20%
40%
60%
80%
2011
Stuðningur við ríkisstjórn
Stuðningur
við stjórnar-
andstöðuna
Stuðningur
við ríkis-
stjórnina
32
,7
%
42
,4
%
Hlutfall sem telur
að stjórnarandstað-
an myndi stjórna
landinu betur.
Hlutfall sem telur
að ríkisstjórnin
myndi stýra
landinu betur.
H
Ei
M
il
d
: M
M
R