Dagblaðið Vísir - DV - 14.08.2013, Blaðsíða 11

Fréttir 11Miðvikudagur 14. ágúst 2013
Sagt að hylja
húðflúrið
eða fara út
Mér var sagt að hylja handleggina
eða mér yrði hent út,“ segir Berg­
lind Jóhannesdóttir sem var
gestur á skemmtistaðnum Loftinu
í Austurstræti á laugardagsnótt.
Barþjónn og dyravörður á staðn­
um gáfu sig á tal við Berglindi að
hennar sögn og tilkynntu að ef
hún hyldi ekki húðflúr á hand­
leggjum sínum þyrfti hún að yfir­
gefa staðinn. Berglind segir að
ekki hafi verið höfð afskipti af öðr­
um gestum sem voru með húðflúr
auk þess sem afgreiðslustúlka á
barnum hafi verið með húðflúr á
handleggnum.
Í byrjun júlí komst það í fréttir
þegar listakonunni Herdísi Stefáns
og vinkonum hennar var gert að
yfirgefa borð á staðnum sem þær
höfðu setið við í nokkra stund þar
sem að stjörnukokkurinn Gordon
Ramsey væri á leiðinni.
Berglind var stödd á Loftinu
á laugardagsnótt ásamt vinkonu
sinni þegar starfsmenn staðar­
ins nálguðust hana. „Það kom
til mín maður og spurði hvort ég
væri með yfirhöfn. Hann sagði
mér að það væri „dress code“ á
staðnum og að ég þyrfti að hylja
húðflúr sem ég er með á hand­
leggjunum eða yfirgefa staðinn,“
segir Berglind sem á ekki orð yfir
þessari framkomu. „Það sat mað­
ur við borðið fyrir aftan mig sem
var á stuttermabol og með húðflúr
á handleggnum. Þegar ég sagði
honum frá þessu varð hann svo
móðgaður að hann yfirgaf staðinn.
Í þokkabót var stúlka að afgreiða á
barnum sem var með húðflúr.“
E
ftir átta ára starf sem verk­
efnastjóri í Opna háskólan­
um í Háskólanum í Reykjavík
ákvað Elísabet Þorvaldsdóttir
að söðla um og sagði starfi
sínu lausu til þess að selja ferðamönn­
um samlokur við Seljalandsfoss.
Einn vinsælasti viðkomustað-
urinn
Ferðamenn streyma til landsins og
fjöldi þeirra hefur meira en tvöfald­
ast frá árinu 2000. Ef fram heldur
sem horfir verða ferðamenn ríflega
ein milljón árið 2020, en þeir voru
673 þúsund árið 2012. Ísland er það
land í Evrópu þar sem ferðamönnum
fjölgaði langmest hlutfallslega á síð­
asta ári, hér fjölgaði þeim um 20 pró­
sent en Litháen kom næst á eftir með
um tólf prósenta fjölgun ferðamanna.
Sökum þessa er ferðaþjónustan vax­
andi grein hér á landi.
Þegar Elísabet hóf meistaranám í
verkefnastjórn samhliða vinnunni í
fyrravetur ýtti það við henni að drífa
sig af stað og láta gamlan draum ræt­
ast, enda góður tímapunktur til þess
að hefja þjónustu við ferðamenn.
Veitingastaður draumurinn
Eiginmaður Elísabetar er Heimir
Hálfdánarson frá Seljalandi og eru
þau hluti af landeigendahópnum
þar. „Við vorum búin að tala um það
í nokkur ár að gera eitthvað hérna á
svæðinu. Síðan fengum við vinafólk
okkar til liðs við okkur, æskuvinkonu
mína, Kristínu Guðbjartsdóttur og
eiginmann hennar Atla Má Bjarna­
son. Við skiptumst á að standa vakt­
ina,“ segir Elísabet. Aðspurð svarar
hún því hlæjandi að það gangi bara
ótrúlega vel að vera í svo nánu sam­
starfi við bæði eiginmanninn og
æskuvinkonuna. „Við erum nokkuð
samheldin. Hingað til hefur enginn
ágreiningur komið upp, við stefnum
öll að sama marki.“
Það er að koma upp veitinga­
stað á svæðinu. „Það er framtíðar­
draumurinn. Það er verið að gera
nýtt deiliskipulag á svæðinu, Hamra­
görðum sem eru hér við hliðina og
hluta af þessari jörð, sem við eigum
með öðrum. Við myndum gjarna
vilja byggja hér í framtíðinni en það
yrði þá gert í samvinnu við sveitar­
félagið og aðra landeigendur. Það er
erfitt að ætla sér að stóla á veðrið á
Íslandi. Það væri skemmtilegra að
geta boðið fólki upp á að setjast inn
þegar svo ber undir.“
Komu á þyrlum
En einhvers staðar urðu þau að byrja.
Veitingavagninn fundu þau í Dan­
mörku, fluttu hann heim með Nor­
rænu og létu laga hann til. Frá því í júní
hafa þau svo staðið vaktina frá morgni
til kvölds, smurt samlokur, lagað súp­
ur og bakað ofan í ferðamenn.
Vagninn er alla jafna opinn til
klukkan átta á kvöldin en þegar blaða­
mann ber að garði er klukkan farin að
nálgast tíu. Þá höfðu sársvangir ferða­
menn fundið þau Elísabetu og Heimi
og beðið um að fá eitthvað að borða
þannig að þau gerðu sér lítið fyrir
og opnuðu vagninn fyrir þá. Ferða­
mennirnir sátu síðan og hámuðu í sig
samlokur og skyr án þess að mæla orð
af vörum, klæddir í spandexgalla og
litríka regnstakka með fararskjótann
sér við hlið, reiðhjólið.
„Ferðamátinn er allavega,“ segir
Elísabet. „Hér stoppa þyrlur, síðast
í gær komu tvær og lentu rétt hinum
megin við veginn til þess að fólk gæti
fengið sér að borða. Þær hafa stoppað
hérna áður. Síðan kom hingað hóp­
ur af Rússum, þeir voru sex saman og
ætluðu að hlaupa hringinn í kringum
landið. Þeir stoppuðu hér á öðrum
degi og fengu sér að borða. Þannig að
þetta er alls konar.“
Handgerðir munir úr sveitinni
Fyrir utan léttar veitingar, te og kaffi,
eru minjagripir einnig seldir í vagn­
inum. Margir þeirra eru gerðir í
sveitinni, mágkona Elísabetar hefur
gert myndir úr þæfðri ull af fossin­
um og prjónað húfur og sokka líkt og
fleiri konur í sveitinni sem þær selja
í veitingavagninum. Mágur hennar
hefur einnig látið til sín taka og gert
litla steina úr hraunmolum úr Eyja­
fjallajökulsgosinu. „Það er pínu
fjölskyldustemning í þessu,“ segir
Elísabet og bætir því við að vegna
þrengsla sé vöruúrvalið takmarkað.
„En við höfum selt allt sem við höf­
um stillt upp. Vinsælast er allt sem er
með lunda, lundakort, lundalykla­
kippur, lundabangsar og lundabollar.
Útlendingum finnst lundar greini­
lega mjög spennandi fuglar.“
Annars slá samlokur með laxi
líka alltaf í gegn. Reyndar kom það
líka á óvart hversu vinsælar íslensku
pylsurnar eru. „Ég velti því fyrir
mér hvort fararstjórar séu að segja
útlendingum frá þeim því ferða­
mennirnir koma alltaf og biðja um
„one with everything“. Það kom mér
pínu á óvart.“
Annað sem hefur komið Elísabetu
á óvart er hvað umgengnin á svæð­
inu hefur batnað með tilkomu vagns­
ins. „Konan sem sér um að þrífa sal­
ernin hefur einnig gengið um svæðið
og hirt upp rusl. Hún vill meina að
eftir að við komum hafi umgengn­
in batnað til muna, bæði af því að
nú eru fleiri ruslafötur á svæðinu og
við alltaf á staðnum. Ég er sammála
því, þetta er ekki eins og áður þegar
rusli var kannski hent á jörðina. Mér
blöskraði stundum þegar ég kom og
sá hvað það var mikið rusl sem fauk
hér um. Þetta heyrir sögunni til.“
Eintóm gleði
Eins og fyrr segir þá sagði Elísabet
upp í vinnunni til þess að sinna
veitingasölunni. Það ætlar hún að
gera eins langt fram á haustið og
aðsóknin leyfir. Síðan ætlar hún að
snúa sér að náminu en hún stefnir
að því að skrifa lokaritgerð um upp­
byggingu á svæðinu.
En hvað sem því líður þá er hún
sátt við sumarið og þessa ákvörðun.
„Við renndum blint í sjóinn og viss­
um ekkert hvernig þetta myndi ganga
en við höfum fengið gríðarlega góðar
mót tökur og það hafa allir verið mjög
jákvæðir. Það gefur mér mjög mikið
þegar það er alltaf verið að hrósa okkur
fyrir framtakið, mér þykir vænt um það.
Ég er viðskiptafræðingur að
mennt og hef aldrei komið nálægt
neinu svona áður. Í hartnær tuttugu
ár hef ég setið á bak við skrifborð en
þetta er eitt besta skref sem ég hef
tekið í mínu lífi. Það hefur verið ótrú­
lega gaman að vera hérna og hitta
alla þessa útlendinga sem eru dol­
fallnir yfir náttúrunni og fegurðinni.
Það er ótrúlega skemmtilegt, ég kem
alltaf glöð heim á kvöldin því hér eru
allir alltaf svo glaðir og það er svo
gaman.“ n
Sagði starfi sínu lausu
til að selja samlokur
n Selur veitingar við Seljalandsfoss ásamt eiginmanni og vinahjónum
Ingibjörg Dögg Kjartansdóttir
blaðamaður skrifar ingibjorg@dv.is
„ Í hartnær tuttugu
ár hef ég setið á
bak við skrifborð en þetta
er eitt besta skref sem ég
hef tekið í mínu lífi.
Veitingavagninn Seljalandsfoss er einn
vinsælasti viðkomustaðurinn á Suðurlandi.
Þar er nú búið að koma upp veitingavagni sem
selur einnig handgerða muni úr sveitinni.
Mynd: ElísabEt ÞorValdsdóttir
aldrei hamingjusamari Elísabet segir að það
hafi verið ein besta ákvörðun lífsins að hætta í
vinnunni til að sinna veitingavagninum. Nú kemur
hún alltaf glöð heim á kvöldin því við fossinn eru
allir alltaf glaðir.
Ferð ráðherra
kostaði milljón
Sigurður Ingi Jóhannsson, sjávar­
útvegs­ og landbúnaðaráðherra,
er staddur í Berlín á heimsmeist­
aramóti íslenska hestsins þar sem
keppnislið frá 17 löndum leiða
saman hesta sína. Mun Sigurður
funda með forsvarsmönnum FEIF,
alþjóðasamtökum íslenska hests­
ins, á föstudaginn. Samkvæmt
upplýsingum frá ráðuneytinu
fóru Sigurður og eiginkona hans í
ferðina ásamt starfsmanni ráðu­
neytisins. Kostnaður við flug
þeirra þriggja er 344 þúsund krón­
ur. „Dvalarkostnaður liggur ekki
fyrir en gera má ráð fyrir að hann
geti verið allt að 300.000 miðað
við reglur fjármálaráðuneytisins
um ferðakostnað,“ segir í svari við
fyrirspurn DV auk þess sem fram
kom að ráðherra hefði haldið boð
fyrir skipuleggjendur mótsins sem
áætlað væri að kostaði 2.500 evr­
ur eða um 400 þúsund krónur. Má
því gera ráð fyrir að heildarkostn­
aður verði um það bil ein milljón
króna.