Hagskýrslur um utanríkisverslun - 1967, Page 10

8*
Verzlunarskýrslur 1966
og afurðir af selveiðum voru undanþegnar útflutningsgjaldi. Tekjum af
gjaldi þessu er að nær % hlutum varið til greiðslu á vátryggingariðgjöld-
um fiskiskipa, en að öðru ieyti visast til 3. gr. nefndra laga um ráðstöfun
á þeim. Nýtt gjald var lagt á útfluttar síldarafurðir með lögum nr.
40/1966, um smíði síldarleitarskips og um síldargjald. Samkvæmt þeim
skyldi greiða síldargjald af fob-verði útfluttra síldarafurða, 0,3% af
mjöli og lýsi en 0,2% af öðrum síldarafurðum. Undanþegin gjaldinu
eru niðursoðin og niðurlögð sild og einnig ný sild af miðum. — önnur
gjöld á sjávarafurðum héldust óbreytt, sem hér segir: 1%% af fob-verði
annarra sjávarafurða en þeirra, sem koma frá hvalveiðum og selveiðum,
til aflatryggingarsjóðs (heitir svo samkvæmt lögum nr. 77/1962, leysti
af hólmi hlutatryggingarsjóð með svipuðu verkefni). 0,15% til fersk-
fiskmats samkvæmt lögum nr. 42/1960. 2% af saltsíld til Síldarútvegs-
nefndar og auk þess matsgjald, 50 au. á tunnu, ef síldin er metin.
Við ákvörðun á útflutningsverðmæti isfisks í verzlunarskýrslum
gilda sérstakar reglur, sem gerð er grein fyrir í kaflanum um útfluttar
vörur síðar í inngangi þessum.
Allmikið er um það, að útflutningsverðmæti sé áætlað í skýrslunum,
þ. e. að reiknað sé með því verðmæti, sem tilgreint er í útflutningsleyfi
útflutningsdeildar viðskiptamálaráðuneytisins. Fer svo, þegar látið er
uppi af hálfu útflytjanda, að varan sé flutt út óseld. Eru ekki tök á að
lagfæra þetta síðar, og er hér um að ræða ónákvæmni, sem getur mun-
að miklu.
Það segir sig sjálft, að í verzlunarskýrslur koma aðeins vörur, sem
afgreiddar eru af tollyfirvöldum á venjulegan hátt. Kaup islenzkra skipa
og flugvéla erlendis á vörum til eigin nota koma að sjálfsögðu ekki i
verzlunarskýrslum, og ef slikar vörur eru fluttar inn í landið, koma þær
ekki á skýrslu, nema að svo miklu leyti sem þær kunna að vera teknar
til tollmeðferðar.
Þyngd útfluttrar vöru hefur ávallt verið tekin nettó í verzlunar-
skýrslur. Innfluttar vörur voru taldar nettó fram að 1951, en frá og með
þvi ári voru þær taldar brúttó, þ. e. með ytri umbúðum. Ástæða þessarar
breytingar var aðallega sú, að illa gekk að fá nettóþyngdina upp gefna
í tollskýrslum, þar sem hún skipti ekki máli við tollafgreiðslu. Hins
vegar var brúttóþyngd yfirleitt tilgreind í tollskýrslu, vegna þess að vöru-
magnstollur var miðaður við hana. Með nýjum tollskrárlögum, sem komu
til framkvæmda 1. mai 1963, var vörumagnstollur felldur niður á öllum
vörum, nema á salti og eldsneyti, þar sem þýðingarlaus vörumagnstollur
var látinn haldast óbreyttur, og á kartöflur og á lýstar og framkallaðar
kvikmyndafilmur var lagður vörumagnstollur í stað verðtolls. —• Vegna
ýmissa annmarka á að miða innflutning við brúttóþyngd, var ákveðið að
reikna þyngd hans nettó frá og með 1. mai 1963, er nýja tollskráin kom
til framkvæmda. 1 þvi sambandi er rétt að geta þess, að i verzlunarskýrsl-
uni flestra landa er innflutningur miðaður við nettóþyngd.