Hagskýrslur um utanríkisverslun - 1981, Qupperneq 19

Verslunarskýrslur 1980
17*
þús. kr., 1 sviffluga frá Finnlandi að verðmæti 2 079 þús. kr., 2 flugvélar frá
Svíþjóð að verðmæti 78 483 þús. kr., 3 svifflugur frá V-Þýskalandi að verðmæti
20 153 þús. kr., 24 flugvélar og 1 þyrla frá Bandaríkjunum að verðmæti
9 875 858 þús. kr. (þar af 1 Boeing 727-200 að verðmæti 8 384 326 þús. kr. og 1
Lockheed L-188A að verðmæti 994 050 þús. kr.) og 2 flugvélar frá Suður-Kóreu
(Fokker 27-200) að verðmæti 1 466 680 þús. kr. Með innflutningi desember-
mánaðar eru taldar 11 flugvélar, 1 ósamsett sviffluga og 1 þyrla frá Bandaríkj-
unum að verðmæti 1 958 796 þús. kr.
í 3. yfirliti er sýnd árleg neysla nokkurra vara á hverju 5 ára skeiði, síðan um
1880 og á hverju ári síðustu árin, bæði í heild og á hvern einstakling. Að því er
snertir kaffi, sykur og tóbak er miðað við innflutt magn og talið, að það jafngildi
neyslunni. Sama er að segja um öl framan af þessu tímabili, en eftir að komið var á
fót reglulegri ölframleiðslu í landinu hefur hér verið miðað við innlent fram-
leiðslumagn. Síðan árið 1972 hefur innflutningur á óáfengu öli (í tollskrárnr.
22.03) verið talsverður (381 tonn 1980), og er það innflutta magn talið með í
tölum um ölneysluna síðan 1972. Aðflutt áfengt öl kemur ekki fram í innflutn-
ingstölum. — Vert er að hafa það í huga, að innflutt vörumagn segir ekki rétt til
um neyslumagn, nema birgðir séu hinar sömu við byrjun og lok viðkomandi árs,
en þar getur munað miklu.
Tölurnar, er sýna áfengisneysluna, þarfnast sérstakra skýringa. Árin
1881—1935 er miðað við innflutt áfengismagn og talið, að það jafngildi
neyslunni. Þá er og allur innfluttur vínandi talinn áfengisneysla, þó að hluti hans
hafi farið til annarra nota. Upplýsingar eru ekki fyrir hendi um, hve stór sá hluti
hefur verið, en hins vegar má gera ráð fyrir, að meginhluti vínandans hafi á þessu
tímabili farið til drykkjar. — Frá árinu 1935 er miðað við sölu Áfengisverslunar
ríkisins á sterkum drykkjum og léttum vínum og hún talin jafngilda neyslunni, en
vínandainnflutningurinn er ekki meðtalinn, enda er sá hluti hans, sem farið hefir
til framleiðslu sterkra drykkja hjá Áfengisversluninni, talinn í sölu hennar á
brenndum drykkjum. Þó að eitthvað af vínandainnflutningi hennar kunni að hafa
farið til neyslu þar fram yfir, er ekki reiknað með því í töflunni, þar sem ógerlegt er
að áætla, hversu mikið það magn muni vera. Hins vegar má gera ráð fyrir, að það
sé mjög lítið hlutfallslega. — Innflutningur vínanda síðan 1935 er sýndur í
töflunni, en hafður í sviga, þar sem hann er ekki með í neyslunni. — Það skal tekið
fram, að áfengi (þar með áfengt öl), sem áhafnir skipa og flugvéla og farþegar frá
útlöndum taka með sér inn í landið, (síðan á hausti 1979 hafa farþegar getað haft
með sér áfengt öl inn í landið), er ekki talið í þeim tölum, sem hér eru birtar, en þar
mun vera um að ræða mikið magn. Þetta ásamt öðru, sem hér kemur til greina,
gerir það að verkum, að tölur 3. yfirlits um áfengisneysluna eru ótraustar, einkum
seinni árin. — Mannfjöldatalan, sem notuð er til þess að finna neysluna á mann
hvert ár, er meðaltal fólksfjölda í ársbyrjun og árslok. Fólkstala fyrir 1980, sem
við er miðað, er 228 200.
Kaffibœtir („brennt kaffilíki"), sem alla tíð hefur verið talið með kaffi í þessu
yfirliti, hverfur þaðan frá og með 1980. Framleiðslu þessarar vöru var hætt hér á
landi 1979, eftir að hún hafði dregist mjög saman á síðari árum (árið 1950 nam
hluti kaffibætis af kaffineyslunni 22%, en aðeins 0,2% árið 1979). Neysla kaffi-
extrakts o. þ. h. hefur hins vegar aukist mjög undanfarin ár (innflutt magn 1980
var 52,0 tonn), og er hún frá og með árinu 1980 talin með ,,almennu“ kaffi í 3.
yfirliti.
2