Dagblaðið Vísir - DV - 02.03.2012, Blaðsíða 12

12 Fermingar 2.–4. mars 2012 Helgarblað
Heitustu fermingargjafirnar
n Vantar þig hugmynd að fermingargjöf?
Spjaldtölvur
n Þó að spjaldtölvur kosti alla jafnan mikið eru
þær skemmtileg tæki. Spjaldtölvur voru valdar
jólagjöf ársins um síðustu jól og þrátt fyrir að
margir hafi furðað sig á því að svo dýr gjöf yrði
fyrir valinu kom í ljós eftir jólin að slíkar tölvur
voru mikið keyptar sem jólagjöf. Það er hins
vegar ljóst að margir fengu ekki slíkan grip í
jólapakkann og vildu án efa flestir fermingarung-
lingar gjarnan fá slíkt tæki í fermingarpakkann.
Skartgripir
n Það er alltaf gaman að opna pakka sem inniheldur
fallegan skartgrip. Bæði strákar og stelpur kunna að meta
fallega hluti og er hægt að finna ógrynni af fallegum
skartgripum í íslenskum verslunum. Úr, eyrnalokkar,
hálsmen og armbönd þurfa ekki endilega að kosta mikið
þrátt fyrir að hafa útlitið með sér. Íslenskir skartgripir eru
sérstaklega sniðugir í fermingarpakkann.
Bækur
n Þó að alla jafnan finnist unglingum ekki
endilega áhugaverðast að fá bækur í gjöf er
góð hugmynd að gefa veglega bók. Bækur
sem eru vandaðar og vel gerðar eru gjöf sem
fylgir fermingarunglingnum líklega um
ókomin ár. Þó að skáldsögur og ævisögur
geti verið áhugaverðar er sniðugra að gefa
fermingarunglingum ríkulega myndskreytta
listaverkabók eða eitthvað í þeim dúr.
Íslensk hönnun
n Árið 2009 var íslensk hönnun valin jólagjöf ársins. Það er enn
gott og gilt og á alveg eins vel við fermingargjöf og jólagjöf. Íslensk
hönnun hefur verið sérstaklega vinsæl á undanförnum árum og er
mikil gróska í þeim geira. Hægt er að finna mjög fallega muni víða
um landið sem ekki kosta mikið.
Upplifun
n Það er fátt skemmtilegra en eftirminnileg
upplifun. Ferðir til útlanda, út á land, í
leikhús eða í raun hvert sem er geta verið
góðar fermingargjafir og þurfa ekki endilega
að kosta mikið. Ferð til Grænlands eða Færeyja
getur til dæmis verið lífsreynsla sem endist
fermingarunglingum ævilangt. Að sama skapi
getur verið ævintýri að fara út á land og upplifa
ekta íslenska skemmtun, hvort sem það er í litlu
sjávarplássi eða í menningarferð á Akureyri.
Rúm
n Rúm hafa í gegnum árin verið klassísk
fermingargjöf. Vönduð rúm geta enst
í langan tíma og er oft það húsgagn
sem fylgir fólki þegar það flytur fyrst að
heiman. Fjöldi verslana bjóða rúm á sér-
stöku fermingartilboði og er því tilvalið
fyrir þá sem hafa tök á að gefa eitt slíkt
í fermingargjöf. Það er þó mikilvægt að
vanda valið vel því rúmið verður líklega
ekki endurnýjað á næstunni.