Dagblaðið Vísir - DV - 22.11.2013, Síða 2
2 Bækur 22.–24. nóvember 2013 Helgarblað
Ruddalegur eftirmáli
n Sagan um fjárdráttinn er vísbending um að Hemmi dragi ekkert undan
H
emmi Gunn er einn þeirra
fáu sem standa undir þeim
titli að vera sonur þjóð-
ar. Það er því réttnefni á
ævisögu hans. Ævisaga
hans, Hemmi Gunn - Sonur þjóð-
ar, kom út á dögunum, nokkrum
mánuðum eftir andlát hans. Lífs-
hlaup Hemma er afar margbrotið.
Hann var skærasta sjónvarpsstjarna
Íslands og á árum áður einn fremsti
knattspyrnumaður þjóðarinnar.
En líf hans var ekki aðeins bað-
að frægðarljóma og sælu. Þar er að
finna skuggahliðar rótlauss manns
sem glímir allt sitt líf við alkóhól-
isma.
Fjárdráttur
Fyrri hluti bókarinnar er í senn
skemmtilegur og einlægni sögu-
persónunnar vekur athygli. Hann
lýsir því til dæmis hiklaust þegar
hann starfaði sem gjaldkeri hjá
Póstinum og var staðinn að því að
draga sér fé. Hann var þá mikið á
ferðinni milli Akureyrar og Reykja-
víkur og launin dugðu ekki fyr-
ir öllu því umstangi. Hann gerðist
því fingralangur. En til þess að bak-
tryggja sig ef til skyndirannsóknar á
kassa hans kæmi var hann með óút-
fyllta ávísun frá félaga sínum, Bergi
Guðnasyni. Svo rann upp stundin
þegar talið var úr kassanum.
Hemmi náði að fylla út ávísunina en
hún þótt undarlega há og auk þess
reyndist ekki vera innistæða í bank-
anum. Það komst upp um kaupa.
„Ég játaði á mig yfirdráttinn og mér
til undrunar var ekki mikið gert úr
málinu,“ segir Hemmi sem hætti hjá
Póstinum og fékk mun skemmtilegri
vinnu hjá skattinum í staðinn. Sagan
um fjárdráttinn er vísbending um að
Hemmi dragi ekkert undan.
Grallarinn Hemmi
Það eru margar grallarasögur í
bókinni eins og Hemma er von og
vísa. Hann segir frá því þegar hann
bankaði upp á hjá föður sínum í
dulargervi og ræddi við hann um
heima og geima. Pabbinn botnaði
ekkert í því að þessi ókunnugi mað-
ur vissi deili á hinum og þessum úr
frændgarði hans. Óborganleg saga
er af því þegar Hemmi var í boltan-
um og skaut á mark andstæðings-
ins. Markmaðurinn varði fimlega.
Hemmi strunsaði þá inn í markið
og tók vatnsflösku markvarðarins
og teygaði úr henni. Markvörður-
inn brást ókvæða við og stormaði
inn í markið til að taka í lurginn á
Hemma. Vandinn var sá að hann
kom með boltann í fanginu og dóm-
arinn dæmdi umsvifalaust mark.
Þetta er örugglega eitt frumlegasta
mark Íslandssögunnar.
Fráfall unnustunnar
Hemmi átti afskaplega gott með
að umgangast börn og viðtöl hans
í þáttunum Á tali eru á meðal
gullmola íslenskrar sjónvarpssögu.
En þótt hann ætti gott með að ná
til annarra barna var því ekki að
heilsa með hans eigin afkvæmi.
Hann eignaðist sex börn sem fæst
höfðu eitthvað af honum að segja
í uppvextinum. Hann viðurkennir
fúslega í bókinni að hafa ekki bor-
ið gæfu til þess að ná sambandi við
börn sín fyrr en þau urðu fullorðin.
Og hann eignaðist börnin sex með
jafnmörgum konum. Lýst er frum-
skógi af ástkonum sem maður
botnar lítið í. Samböndin halda illa
og Hemmi endar alltaf einn.
Hann gerir upp sársaukann
þegar hann missti austurríska kær-
ustu sína, Maríu Steiner, í bílslysi.
Þegar harmleikurinn átti sér stað á
hraðbrautinni höfðu þau ákveðið
að ganga í hjónaband. Hermann
var atvinnumaður í Eisenstadt í
Austurríki. Hann lýsir fráfalli unn-
ustu sinnar sem áfalli sem hann
hafi aldrei komist yfir. Eftir dauðs-
fallið flosnaði hann upp úr atvinnu-
mennskunni og fór heim til Ís-
lands. Hann langaði ekki til að spila
knattspyrnu framar.
Baráttan við Bakkus
Það er sniðugt hjá höfundinum að
flétta inn í frásögn Hemma vitn-
isburði vina hans og ættingja.
Slíkt gefur bókinni dýpt og les-
andinn fær skýrari mynd af sögu-
hetjunni. Sá hluti bókarinnar þar
sem Hemmi hefur orðið er ágætur
og líflegur. Ekki verður annað séð
en hann segi af einlægni frá sigr-
um og ósigrum. Hann teiknar upp
baráttuna við Bakkus í sterkum lit-
um og lýsir þeirri eymd sem við var
að glíma. Þá segist hann að mestu
hafa verið edrú frá því að hann „dó“
árið 2003. Hann undanskilur þó tvö
til þrjú tilvik þar sem hann féll eftir
2003. Sem sagt: Hann viðurkennir
að hafa fallið eftir 2003. Það vekur
spurningar um framkomu höf-
undar í lokakafla bókarinnar. Heilt
yfir er fátt nýtt að finna í ævisögu
Hemma. Flest hefur komið fram
í ótal viðtölum sem hafa birst við
hann í gegnum tíðina.
Uppjör höfundar
Ævisagan er ekki hefðbundin í þeim
skilningi að Hemmi hefur ekki einn
orðið heldur afgreiðir höfundurinn
hann í sérstökum eftirmála. Lýsir
hann söguhetjunni sem ósanninda-
manni þar sem hann hafi drukkið
í Taílandsferðum sínum. „Hemmi
faldi drykkjuna þar fyrir öllum
heima á Íslandi,“ segir höfundur-
inn og áréttar að með því að leyna
drykkju sinni hafi hann svikið það
loforð að draga ekkert undan í frá-
sögn sinni. Þar með tekur höfund-
urinn völdin og segir það sem hann
telur eðlilegt að upplýsa þjóðina
um. Skrásetjarinn segir jafnframt
frá því að eftir lát Hemma hafi hann
komist að því að heimili hans væri
eins og geymsla. „Íbúðin minnti um
margt meira á geymslu en heim-
ili og var í hróplegu ósamræmi við
snyrtimennið Hemma Gunn,“ skrif-
ar höfundurinn í eftirmálanum sem
er í besta falli undarlegur ef litið er
til þess að trúnaðarsamband átti
að ríkja á milli höfundar og sögu-
persónu. Hann beinlínis valtar yfir
minningu Hemma og brýtur þannig
sjálfur gegn samkomulagi þeirra.
Það er hulin ráðgáta hvort það bæti
einhverju við söguna að Hemmi hafi
drukkið oftar á Taílandi en lýst er. Og
það er beinlínis furðulegt að draga
heimili hans inn í myndina og lýsa
með svo grófum hætti.
Niðurstaðan er sú að rudda-
legur eftirmálinn varpar dimm-
um skugga á annars sæmilega bók.
Bókin fær þrjár stjörnur. n
Hemmi Gunn
Sonur þjóðar
Höfundur: Orri Páll Ormarsson
Útgefandi: Sena
372 blaðsíður
Reynir
Traustason
rt@dv.is
Dómur „Einlægni sögu-
persónunnar
vekur athygli.
Sérstakar
og öðruvísi
neglur
N
aglaskraut er litrík og
skemmtileg bók sem inni-
heldur allt sem þú þarft
að vita varðandi umhirðu
nagla ásamt því að vera með
meira en 50 hugmyndir af flottum
nöglum. Bókin er skrifuð af systr-
unum Donne og Ginny Geer en
þær reka vinsæla naglasnyrtistofu
í Kaliforníu. Þær eru þekktar fyr-
ir að gera sérstakar og öðru-
vísi neglur. Í þessari bók deila
þær helstu hugmyndum sínum.
Margar þeirra eru mjög flottar og
skemmtilegar. Sumar hugmynd-
irnar eru samt frekar flóknar og
eru alls ekki allir sem geta gert þær
en margt af þessu er auðveldlega
hægt að gera. Farið er yfir hvern-
ig naglaskrautið er gert skref fyrir
skref með myndum og texta sem
gerir það eins auðvelt og hægt er.
Í kaflanum um umhirðu nagla er
að finna allt sem þarf að vita til
að halda nöglunum heilbrigðum
og fallegum. Bókin er vel upp sett
og vel þýdd. Myndirnar eru lit-
skrúðugar og skemmtilegar. Sumt
af naglaskrautinu krefst mikill-
ar þolinmæði og einbeitingar en
þó ættu flestir að geta gert margt
af þessu. Ég mæli hiklaust með
bókinni fyrir alla sem vilja læra að
gera flottar neglur.
Harpa Mjöll Reynisdóttir
Naglaskraut
Höfundar: Donne og
Ginny Geer
Útgefandi: Vaka Helgafell
144 blaðsíður
Brauð- og eftir-
réttir Kristu
Í dag, föstudag, kemur út bókin
Brauð- og eftirréttir Kristu. Bók-
in er eftir Maríu Kristu Hreiðars-
dóttur sem haldið hefur út
vinsælli bloggsíðu um lágkol-
vetnamataræði. Bókin inniheld-
ur uppskriftir að brauð- og eftir-
réttum sem innihalda ekki sykur,
hveiti, ger eða glútein.
Í umfjöllun hjá Bókaútgáfunni
Sölku kemur fram að bókin sé
jafnt fyrir þá sem vilja fylgja lág-
kolvetnamataræði og þá sem
berjast við sykursýki, bólgusjúk-
dóma eða glúteinóþol – eða þá
sem vilja takmarka neyslu á hvít-
um sykri og sterkju í mataræði
sínu. „Hér sýnir Krista að sætindi
og eftirréttir þurfa alls ekki að
vera bragðlausir og óspennandi
þótt í þá vanti allan sykur, ger
og hveiti. Auðveldir, fljótleg-
ir og gómsætir eftirréttir; kökur,
konfekt og brauðréttir – bæði í
veisluna, nestistöskuna, barnaaf-
mælin og saumaklúbbinn. “ segir
í kynningu á bókinni á vef Sölku.