Dagblaðið Vísir - DV - 18.08.2008, Side 12

mánudagur 18. ágúst 200812 Fréttir
Kanadíski barnaníðingurinn
Christopher Paul Neil, sem Int-
erpol gerði alþjóðlega leit að á
síðasta, ári hefur verið dæmdur í
rúmlega þriggja ára fangelsi fyr-
ir hafa misnotað 13 ára dreng á
Taílandi. Hann hafði starfað sem
enskukennari víðs vegar um Asíu
þegar hann var handtekinn. Þetta
er aðeins fyrsti dómurinn af mörg-
um sem gætu fylgt í kjölfarið eft-
ir áralanga alþjóðlega kynferð-
isglæpahrinu Kanadamannsins
gegn ungum drengjum.
Féll á eigin bragði
Neil, sem er 32 ára kennari frá
Kanada, náðist eftir að Interpol
tókst að afrugla nokkrar af þeim
200 myndum sem birst höfðu af
honum á netinu í viðurstyggileg-
um kynlífsathöfnum með börn-
um. Þýskum rannsóknarlögreglu-
mönnum tókst að afrugla andlit
Neils á myndunum með aðstoð
tölvutækninnar. Var þar aðferð-
inni sem beitt hafði verið til að
rugla myndirnar einfaldlega snúið
við. Í kjölfarið birti Interpol mynd-
irnar í öllum helstu fjölmiðlum
og upphófst mikil leit sem skil-
aði árangri aðeins ellefu dögum
síðar þegar hann var handtekinn
í október á síðasta ári í bæ nærri
Bankok á Taílandi. Myndirnar
sem komu upp um Neil eru tald-
ar hafa verið teknar í Kambódíu
á árunum 2002 og 2003. Neil ját-
aði sök í málinu sem nú hefur ver-
ið dæmt í, en upphaflegur dómur
yfir honum hljóðaði upp á sex og
hálft ár í fangelsi, en sá dómur var
mildaður eftir að hann játaði sök.
Mun hann því sitja inni í þrjú ár
og þrjá mánuði fyrir brot sín gegn
drengnum.
Misnotaði bróðurinn líka
Máli Neil er þó hvergi nærri
lokið því hann er enn ákærður fyr-
ir misnotkun á yngri bróður 13 ára
stráksins á Taílandi. Í því máli lýsir
hann yfir sakleysi sínu, en gæti átt
yfir höfði sér allt að 20 ára fangelsi
fyrir brot sín gegn honum. Yngri
bróðirinn var níu ára gamall þegar
meint brot áttu sér stað, en þar er
Neil meðal annars sakaður um að
hafa misnotað drenginn kynferð-
islega, tekið athæfið upp á mynd-
band og haldið drengnum gegn
vilja sínum. Drengurinn segir að
Neil hafi borgað honum 1.200 til
2.400 krónur fyrir munnmök árið
2003. Réttað verður í því máli þann
7. október næstkomandi.
Aðeins byrjunin
Eftir réttarhöldin var Neil leidd-
ur glottandi úr réttarsalnum í fylgd
lögreglu, íklæddur appelsínugul-
um fangabúningi með ökklajárn.
Túlkur hans sagði við fréttamenn
eftir að dómurinn hafði verið
kveðinn upp að Neil myndi ekki
áfrýja þessum dóm. Hann virtist
taka dómnum ágætlega og einu
tilsvör hans til fréttamanna fyr-
ir utan dómssalinn voru: „Ókei“.
Hann var færður rakleiðis í fang-
elsi í Bankok þar sem hann mun
hefja afplánun dómsins. Rosalind
Prober, forseti kanadísku barna-
verndunarsamtakanna Beyond
Borders, sagði að dómurinn hefði
mátt vera þyngri. En hún minnti
á að þetta væri aðeins byrjunin
á réttarferlinu yfir Neil. „Þetta er
fyrsta smáskrefið í átt að því að
gera Christopher Neil ábyrgan
fyrir áralöngum kynferðisbrotum
sínum víðs vegar um heiminn,“
sagði Prober. „Allur heimurinn
fylgist með af áhuga til að sjá hvort
pólitískur vilji sé til að málið haldi
áfram,“ bætti Prober við. Enn er
möguleiki á að Neil verði látinn
svara til saka fyrir aðra kynferðis-
glæpi gegn börnum víðs vegar um
Asíu, þar á meðal Víetnam.
Raðníðingur og kennari
Fórnarlamb kynferðis-
glæpanna í Bankok sem Christop-
her Neil hefur nú verið dæmdur
fyrir, sagði í réttarhöldunum að
misnotkunin hafi átt sér stað í íbúð
hans í Bankok. Fórnarlambið er nú
18 ára gamalt. Var Neil sakfelldur
fyrir að hafa misnotað dreng undir
lögaldri, dreifingu klámefnis þess
eðlis og ólöglegt brottnám á barni
frá foreldrum þess. Fleiri myndir
af Neil í kynferðislegum athöfnum
með börnum voru einnig lagð-
ar fyrir dómstólinn. Hann viður-
kenndi með aðstoð túlks að hafa
tekið myndirnar, en neitaði að
hafa sett þær á netið. Christopher
hafði starfað sem enskukennari í
grunnskólum víðs vegar um Asíu
þegar hann var loks handtekinn
þann 19. október á síðasta ári.
Christopher Paul Neil sem handtekinn var á síðast ári í Bankok á Taílandi fyrir stórfelld kynferðisbrot
gegn ungum drengjum og framleiðslu barnakláms var fyrir helgi dæmdur í rúmlega þriggja ára fangelsi.
Hans bíða enn ákærur víðs vegar um Asíu fyrir misnotkun á ungum drengjum.
KanadísKi
Kennarinn
dæ dur Glottandi níðingur Christopher neil sýndi engin merki iðrunar er hann var leiddur fyrir rétt í járnum.
MyNd AFP
SiGuRðuR MikAel jóNSSoN
blaðamaður skrifar: mikael@dv.is
Afruglaður Interpol birti
þessa mynd á heimsvísu sem
varð til að neil var handtekinn.
Qantas fatast flugið
Vélarlúga rifnaði af risaþotu ástr-
alska flugfélagsins Qantas sem var
á leið til Singapúr á föstudaginn
og vandræði flugfélagsins halda
áfram. Flugvirkjar komust að vél
þotunnar í gegnum lúguna sem
rannsóknarmenn tóku eftir að
hafði rifnað af. Qantas hefur verið
í sviðsljósinu eftir að nauðlenda
þurfti þotu félagsins þegar spreng-
ing varð um borð í vélinni í lok júlí.
Talsmenn félagsins segja að öryggi
vélarinnar hafi ekki verið stofnað í
hættu vegna atviksins á föstudag-
inn. Þetta er fjórða vandamálið
sem kemur upp hjá Qantas á stutt-
um tíma.
Borgarvíxl í Birmingham
Borgarráðsmenn í Birmingham
á Englandi voru ansi skömm-
ustulegir á dögunum eftir að upp
komst að þeir notuðu ranga mynd
á þúsundir kynningabæklinga
sem dreift var í borginni. Bækling-
arnir eru liður í endurvinnsluátaki
borgarinnar, en undir fyrirsögn-
inni „Takk fyrir Birmingham“ var
birt mynd af Birmingham í Ala-
bamafylki Bandaríkjanna í stað
ensku borgarinnar. Borgaryfir-
völd hafa viðurkennt mistökin, en
hyggjast ekki endurkalla bækling-
ana þar sem skilaboðin séu það
mikilvæga í málinu en myndin
óheppileg.
Bush skammar rússa
George W. Bush ávítti Rússa um
helgina fyrir kaldastríðslega fram-
göngu sína gagnvart Georgíu í
átökum þeirra. Sakaði hann Rússa
um einelti og kúgun í garð Georg-
íumanna, sem eru yfirlýstir banda-
menn Bandaríkjanna. Rússar hafa
verið með látlausa viðveru í borgun-
um Gori og Poti frá því í síðustu viku
þegar átök þjóðanna náðu hámarki
í kringum Suður-Ossetíu. Bush lýsti
því yfir að Bandaríkin stæðu með
fólkinu í Georgíu og lýðræðislega
kjörinni ríkisstjórn landsins. Dimitry
Medvedev forseti Rússlands lofar
frið en telur óvíst hvort Rússar hörfi
frá Georgíu.
Hin 102 ára Ivy Bean frá Yorkshire í
Bretlandi er orðin elsta manneskjan á
Facebook. Fröken Bean ákvað að skrá
sig eftir að hafa heyrt af síðunni frá
starfsfólki hjúkrunarheimilisins þar
sem hún býr. Starfsfólkið aðstoðaði
þá gömlu við að koma sér upp sínum
eigin aðgangi að Facebook, sem hún
notar nú eins og ekkert sé til að hafa
samband við fjölskyldu og vini. „Þetta
er vissulega skárra en að skrifa þeim
bréf á gamla mátann,“ sagði sú gamla
eldhress, og bætti að við að næst ætl-
aði hún að prófa Nintendo Wii.
102 ára á Facebook