Dagblaðið Vísir - DV - 05.12.2008, Side 52

föstudagur 5. desember 200852 Konan
Lengdu endingartímann maskari getur
oft verið dýr fjárfesting og þess vegna er enginn ástæða
til að minnka endingartíma hans. Passaðu þig því á að
pumpa ekki burstann í hylkinu þar sem maskarinn getur
þurrkast upp með tímanum. snúðu burstanum frekar létt
í maskarahylkinu þegar þú dregur hann upp, þá endist
maskarinn mun lengur.
Florence Helga Thibault er alin
upp í Frakklandi en heldur tryggð
við Ísland, land móður sinnar, með
því að senda ungum Íslendingum
bráðskemmtilegar og litríkar Lúl-
úsögur. Florence Helga er afkasta-
mikil ung kona sem býr ekki ein-
göngu til einstaklega fallegar bækur
fyrir yngstu kynslóðina heldur hef-
ur hún líka hannað skartgripi fyrir
Louis Féraud, lampa og aðra skraut-
muni fyrir Soyons Fou og bækling
fyrir 66°N í Lyon. Hún hefur feng-
ið mikið lof fyrir starf sitt, bæði hér
sem erlendis. Bækurnar eru tilvald-
ar til að skoða með fullorðna fólk-
inu og njóta saman ævintýranna
sem birtast á hverri blaðsíðu.
Florence Helga býr með manni
og barni í París, en hefur nú þeg-
ar sent heim 4 skemmtilegar sögur
um kisuna Lúlú: Dagur í lífi Lúlú,
Lúlú kann að telja, Lúlú lærir litina
og síðast en ekki síst Lúlú heldur
jól. Bækurnar eru innbundnar og
20 blaðsíður. hver og henta vel litl-
um höndum til að fletta, klappa og
strjúka. Bókaútgáfan SALKA gefur
út.
Fjórar frábærar bækur komu nýverið út um kisuna Lúlú eftir Florence Helgu Thibault.
Dagur í lífi Lúlú, Lúlú kann að telja Lúlú, lærir litina og síðast en ekki síst Lúlú heldur jól
LúLú kemur
tiL ísLands
umsjón: kolbrún Pálína helgadóttir, kolbrun@dv.is
einLæg kurteisi
er faLLeg
ragnhildur magnúsdóttir, útvarps-
kona á bylgjunni.
Hvað borðar þú í morgunmat?
„ef ég hef lyst á morgnana þá eru það
vínber.“
Hver er uppáhaldsdrykkurinn
þinn?
„kaffi - ég og kaffi eigum vel saman.“
Hvar líður þér best?
„innan um gott fólk, þegar ég er að
hlaupa, í íslenskri náttúru og í new
York.“
Hvaða bók er á náttborðinu
þínu?
„4 bækur núna, meðal annars the
tipping Point og bók um engla sem
marsibil, vinkona mín, gaf mér.“
Hvernig heldur þú þér í formi?
„Ég hleyp hátt í klukkutíma í senn, fer
í ræktina eða geng á fjöll.“
Hvaða snyrtivörur notar þú
dagsdaglega?
„maskara, augnblýant og varasalva /
gloss.“
Hvar kaupir þú helst föt?
„finnst gaman að kaupa föt heima í
kalíforníu en er alveg opin gagnvart
þessu, adidas, juicy Couture, marc
jacobs, eitthvað á flóamarkaði,
breytir engu ef ég fíla það. uppá-
haldssokkabuxurnar mínar fékk ég til
dæmis bara í apóteki.“

Hvað gerir þú þegar þú vilt
dekra við sjálfa þig?
„fer til útlanda eða í árbæjarlaugina
og slaka á.“
Hvert er þitt helsta fegurðarráð?
„mér finnst fólk sem er eðlilegt og
tilgerðarlaust fallegt. kurteisi er falleg
þegar hún er einlæg, annars er hún
bara kjánaleg.“
Hver er þín fyrirmynd?
„tina turner er ein af þeim og svo á
ég eina vinkonu sem er hreinlega
fullkomin manneskja og góður
karakter.“
Kona viKunnar Styrktarfélagið gefur nú fyrir jólin út óróann „Grýlu” en hún er hluti af „jólasveinaseríu”
félagsins. Þetta er í þriðja sinn sem óróinn kemur út en óróarnir frá félaginu hafa síðustu
þrjú ár prýtt jólatré Reykvíkinga, Óslóartréð. Katrín Ólína Pétursdóttir og Hallgrímur
Helgason leggja félaginu lið þetta árið, hann fæst við orðin en hún við stálið.
kvenLegur
frumkraftur grýLu
NÚ GETUR
ÞÚ LESIÐ DV
Á DV.IS
DV er aðgengilegt
á dv.is og kostar
netáskriftin 1.490 kr.
á mánuði
NÚ GETUR
ÞÚ LESIÐ DV
Á DV.IS
DV er aðgengilegt
á dv.is og kostar
netáskriftin 1.490 kr.
á mánuði
„Óróinn er þriðji hluti í seríu sem
Styrktarfélag lamaðra og fatlaðra
hefur staðið að síðustu þrjú ár.
Hugmyndin er að í hvert skipti leggi
saman krafta sína rithöfundur sem
yrkir jólakvæði og hönnuður sem
vinnur með hringform og myndgerir í
því séríslenskar hugmyndir um jólin,“
segir Katrín Ólína iðnhönnuður með
meiru því einnig fæst Katrín við
sköpun á mjög víðu sviði.
Katrín Ólína og Hallgrímur
Helgason fengu það hlutverk að
leggja félaginu lið þetta árið og
fengu frjálsar hendur við verkið. „Við
Hallgrímur drógumst að Grýlu í stað
þess að taka jólasvein fyrir og það á
ágætlega við á þessu ári. Það mætti
eiginlega segja að Grýla hafi ákveðið
að koma til byggða sjálf á þessu ári.
Hún á kannski von á að komast í
feitt að þessu sinni,“ segir Katrín um
hugmyndina á bak við óróann.
Aðspurð segir Katrín það vissulega
vandaverk að gera jólaskraut úr
vondri Grýlu, því kröfur til skrauts
eru þær að það fegri umhverfið.
„Grýla hefur verið með okkur
svo lengi í anda að nú er kannski
kominn tími til að viðurkenna hana
og taka hana í sátt í eitt skipti fyrir öll.
Tilefnið er ærið því að þessu sinni er
hún komin til að styrkja fötluð börn
og ungmenni, henni er því ekki alls
varnað, greyinu.“ Katrín Ólína var
með alls konar hugleiðingar um
Grýlu á meðan á hönnun óróans
stóð. „Það fór ýmislegt í gegnum huga
minn um þetta hryllilega fyrirbæri
sem greipt er í meðvitund okkar, á
hlaupum með poka yfir öxl á eftir
börnum í teikningum eins og þessari
eftir Tryggva Magnússon í bókinni
Jólin koma eftir Jóhannes úr Kötlum
til dæmis. En þegar aðeins lengra er
hugsað er vel líklegt að Grýla standi
fyrir frumkraft sem er kvenlegur í eðli
sínu og tengist nóttinni, tunglinu,
móður náttúru, innsæi og þess háttar
krafti sem hefur í gegnum söguna
þótt stórhættulegur.“
Katrín Ólína segir samstarfið við
Hallgrím hafa gengið eins og við var
að búast. „Það gekk eins og í sögu
að vinna með Hallgrími. Hann orti
magnað Grýlukvæði. Grýlan sem
ég bjó til minnir á næturhimin,
grýlukerti, tungl og glettna kellu með
langt nef.“
Ásamt því að eiga heiðurinn af
þessum glæsilega óróa sem hægt
verður að nálgast í verslunum
Epal og Casa er Katrín Ólína með
sýningu í Listasafni Reykjavíkur
um þessar mundir. „Á þessari
sýningu sýni ég 85 fermetra
teikningu og teiknimyndaverk í F-sal
Hafnarhússins. Sýningin mín er hluti
af stærri samsýningu, ID-lab sem Ólöf
K.Sigurðardóttir er sýningarstjóri
að. Verkið er fantasíuheimur og
kallast Ugluspegill og er vísun í
spegilmyndina samanber upphaf/
endi meðal annars.
Verkið er óður til tunglsins,
náttúrunnar, tilfinninganna og
draumsins,“ segir hönnuðurinn og
listamaðurinn Katrín Ólína að lokum
um leið og hún býður alla velkomna
á sýninguna.
kolbrun@dv.is
GRÝLA
grýla bíður bakvið horn
á brókarsíðum frakka.
hún er gömul galdranorn
sem gleypir vonda krakka.

gnístir saman tönnum tveim,
með tungulöngu slefi
vætir hár á vörtum þeim
sem vaxa á hennar nefi.

eyrnalöng með loðin brjóst
og ljóta fúaleggi.
gerir myrkrið morgunljóst
mygluskán í skeggi.

í bensínstybbu bíður hún
í bílastæðahúsum
með úldið glott og ygglibrún,
eyrun full af músum.
Þann neysluóða nöldursegg
sem nýtur þess að væla
og pantar á jólum páskaegg
á pönnu mun hún spæla.

en næpuhvítan nammigrís
í nestisboxið setur
og þá sem borða bara ís
hún bryður líkt og hnetur.

í skammdeginu skjót sem ör
hún skýst á milli bíla.
Þar sem spenna spillir för
spennir beltið grýla.

og fim sem köttur kerling er,
í kveiktum jólaljósum
á milli húsa hún sveiflar sér
og safnar frekjudósum.

Því frekjan á sinn fastagest
í formóður sinni, grýlu.
en þó finnst henni bragðast best
börn sem eru í fýlu.
Við skulum því ekki hafa hátt
og hátíðlega lofa
foreldrum okkar friði og sátt
og fara snemma að sofa.

og ef við verðum áfram góð
eftir næturhvílu
við sjáum hvar fennir um foldarslóð
í fýlusporin grýlu.
Hallgrímur Helgason