Lögmannablaðið - 01.10.2015, Blaðsíða 23
Í umboði til Bárðar kom fram að auk
greiðslu fyrir útlagðan kostnað næmi
lögmannskostnaður kr. 16.500,- per
klukkustund, auk vsk.
Í tölvupóstsamskiptum, sem fram
fóru eftir greinargerðarskil, lýsti kærandi
áhyggjum af því að þegar væri búið að
skrifa 25 tíma vinnu á málið. Bárður
skrifaði kæranda tölvupóst og fullvissaði
hann um að ekkert benti til annars en
að fyrri áætlun myndi standast.
Dómsmálið vannst og var tildæmdur
málskostnaður kr. 800.000,-. Gaf
Bárður þá út nýjan reikning vegna
29 tíma vinnu. Þannig var kærandi á
endanum rukkaður um 54 klukkustunda
lögmanns vinnu, eða yfir kr. 900.000,-
auk vsk. Í máli úrskurðarnefndar nr.
20/2014 gerði kærandi kröfu um lækkun
þóknunar. Bárður taldi hins vegar fráleitt
að hann hafi gefið bindandi yfirlýsingu
um endanlegan kostnað málsins á fyrstu
stigum málsins.
Nefndin taldi að niðurstaða héraðs-
dóms um málskostnað bæri ekki annað
með sér en að endanleg gjaldtaka
Bárðar hafi verið innan þess sem við
mátti búast. Hins vegar taldi nefndin að
af skeytum lögmannsins um áætlaðan
kostnað, og staðfestingu á áætluninni í
kjölfar greinargerðarskila, hefði kærandi
mátt ætla að ekkert benti til annars en
að áætlunin myndi standast.
Úrskurðarnefndin vísaði í þau
ákvæði sem lúta að endurgjaldi fyrir
lög mannsstörf, svo sem 24. gr. lög-
manna laga um hæfilegt endurgjald og
áætlun, 2. mgr. 10. gr. siðareglna um
að lögmanni beri að gera skjólstæðingi
grein fyrir áætluðum kostnaði að
tiltölu við hagsmuni sem í húfi væru
og á hvaða grundvelli þóknun væri
reiknuð, auk reglna Neytendastofu
um verðupplýsingar og laga um
þjónustukaup.
Bárður var ekki talinn hafa sýnt
fram á að þörf hefði verið á frekari
rannsóknarvinnu eftir að greinargerð
var skilað. Lögmanninum var því
gert að axla ábyrgð á yfirlýsingu um
væntanlegan heildarkostnað með því að
taka á sig lækkun á þóknun, sem ella
hefði ekki talist úr hófi. Þótti hæfileg
fjárhæð lokareiknings vera kr. 350.000,- í
stað kr. 478.500,-auk vsk.
Eva Halldórsdóttir hdl.
Nöfn málsaðila eru uppdiktuð af höfundi, enda
eru úrskurðir úrskurðarnefndar lögmanna ætíð
nafnlausir.
UMFJÖLLUN