Akureyri - 13.05.2015, Page 4

4 5. árgangur 18. tölublað 13. maí 2015
Bætt kjör en óbreytt
starfskjör hjá KEA?
Í síðustu viku sýndi Akureyri viku-
blað fram á að yfirlýsing Birgis
Guðmundssonar, stjórnarformanns
KEA og dósents í fjölmiðlafræði
við HA, um starfskjör Halldórs
Jóhannssonar framkvæmdastjóra
KEA væru ekki í samræmi við
upplýsingar í ársskýrslum KEA. Í
yfirlýsingu stjórnarformanns fyrir
um tveimur vikum sem bar yfir-
skriftina: „Vegna fréttar Rúv um
starfskjör framkvæmdastjóra“
segir; „Fyrir einu og hálfu ári eða
ársbyrjun 2014 var endursamið um
starfskjör framkvæmdastjóra fé-
lagsins en kjör hans höfðu staðið
óbreytt frá árinu 2007 eða í rúm-
lega 6 ár.“ Á þeim forsendum hafi
laun hans verið hækkuð um 30%.
Samkvæmt ársskýrslum KEA
höfðu laun framkvæmdastjórans
hins vegar hækkað um 21% undan-
gengin fjögur ár.
Í framhaldi af frétt Akureyrar
vikublaðs af þessu ósamræmi gaf
stjórnarformaðurinn frá sér aðra
yfirlýsingu 8. maí sl. þar sem
fram kom að launahækkanir
framkvæmdastjórans væru
í samræmi við samningskjör
framkvæmdastjórans. Þannig
hefðu laun framkvæmdastjór-
ans verið hækkuð árið 2011
vegna þess að stjórnarlaun
hans frá ónefndum þriðja að-
ila hefðu lækkað, en árið 2013
hefði framkvæmdastjórinn
fengið nýja bifreið til afnota.
„Eftir stendur sú fullyrðing mín
óbreytt, að samningsbundin
starfskjör framkvæmdastjóra
höfðu ekkert breyst frá sept-
ember 2007 til janúar 2014 eða
í rúmlega 6 ár,“ segir í yfirlýsingu
stjórnarformannsins.
Akureyri vikublað hefur ekki
aðgang að ársskýrslu KEA 2007
en samkvæmt tekjublaði Frjálsrar
verslunar 2007 voru laun fram-
kvæmdastjóra KEA áætluð 14,0
milljónir króna. Í tekjublaði Frjálsr-
ar verslunar 2014 voru laun hans
hins vegar áætluð 18,3 milljónir, en
það samsvarar 31% hækkun launa
á þessu tímabili. Samkvæmt árs-
reikningum KEA hækkuðu laun
framkvæmdastjórans um 21% frá
2009 til 2013 en á árinu 2014 voru
laun framkvæmdastjórans hækk-
uð um 30% til viðbótar á þeim
forsendum að kjör hans hefðu verið
óbreytt frá árinu 2007. Samkvæmt
ársreikningi KEA 2014 eru þau nú
23,6 milljónir króna á ári.
Stjórnarformaður KEA kaus að
svara ekki spurningum Akureyr-
ar vikublaðs um launakjör fram-
kvæmdastjórans en vísaði til fyrri
yfirlýsingar sinnar á kea.is. Af fyrir-
liggjandi gögnum virðist hins vegar
ljóst að kjör framkvæmdastjórans
voru bætt í tvígang á umræddu
tímabili. Annars vegar hafi laun hans
frá KEA verið hækkuð til að bæta
honum upp tekjutap frá ónefndum
þriðja aðila árið 2011, en hins vegar
hafi hann fengið nýjan jeppa til
einkaafnota árið 2013. Samkvæmt
yfirlýsingu stjórnarformannsins
voru þessar kjarabætur í sam-
ræmi við ráðningarsamning fram-
kvæmdastjórans og í þeim skilningi
hafi „samningsbundin starfskjör“
hans ekkert breyst í sex ár.
TEKJUTRYGGING FRAM-
KVÆMDASTJÓRA KEA
Í yfirlýsingu stjórnarformanns
KEA vegna fréttaflutnings Akur-
eyrar vikublaðs kemur fram að í
starfssamningi framkvæmdastjóra
KEA sé gert ráð fyrir því að laun
vegna stjórnarsetu í öðrum fyrir-
tækjum komi til frádráttar launum
hans. „Þetta er gert til að forðast
þann hvata að framkvæmdastjóri
hverju sinni geti ekki (sic) bætt
starfskjör sín með því að horfa til
mögulegra stjórnarlauna þegar t.d.
fjárfestingarákvarðanir eru teknar.
Fyrirkomulagið er beinlínis haft
þannig að sjálftökuhvatar séu ekki
fyrir hendi.“
Upplýsingar tekjublaðs Frjálsr-
ar verslunar benda til þess að laun
framkvæmdastjóra KEA sveiflist
umtalsvert milli ára og samanburð-
ur við ársskýrslur KEA bendir til
þess að framkvæmastjórinn hafi
þegið 3-6 milljónir króna í laun frá
öðrum aðilum á tímabilinu 2007 –
2010 en lítið eftir það. Hins vegar
virðist sem samningurinn tryggi
að laun hans séu að lágmarki 18
milljónir króna fremur en að launin
væru þau að hámarki eins og Birgir
Guðmundsson, stjórnarformaður
KEA hefur haldið fram. Þannig hafi
laun Halldórs hjá KEA hækkað
þegar önnur laun minnkuðu en ekki
lækkað þegar tekjur frá öðrum aðil-
um jukust. Ekki er ljóst hvernig slík
tekjutrygging getur komið í veg fyr-
ir að framkvæmdastjóri taki fjár-
festingarákvarðanir í því skyni að
bæta heildarlaun sín eins og stjórn-
arformaðurinn heldur fram.Í kjöl-
far efnahagshrunsins þurftu margir
launamenn að þola minnkaða yf-
irvinnu eða jafnvel skert starfs-
hlutfall. Störf framkvæmdastjóra
KEA fyrir aðra aðila drógust einnig
saman en KEA bætti honum það
vinnutap með launahækkun. Í því
fólst kjarabót sem nam 1,9 milljón-
um króna á ári í formi sömu launa
fyrir væntanlega minni vinnu.
UMFERÐARÖRYGGI
HALLDÓRS TRYGGT
Í janúar árið 2013 greindi Ak-
ureyri vikublað frá því að fram-
kvæmdastjóri KEA hefði fengið
til fullra afnota nýjan Land Rover
jeppa sem kostaði rúmlega 12 millj-
ónir króna. Þáverandi stjórnarfor-
maður, Hannes Karlsson, vísaði þá
til öryggissjónarmiða sem réttlætu
kaupin. Félagssvæði KEA væri
stórt og víðfeðmt og gott hafi verið
fyrir Halldór að aka um það á ör-
uggum bíl.
Það að hafa bifreið til einka-
afnota sparar framkvæmdstjóra
kaup á slíkri bifreið. Þau hlunn-
indi teljast tekjur í skilningi
skattalaga og eru færð sem laun
og önnur hlunnindi í árs-
reikningi viðkomandi fyrir-
tækis.Endurskoðendur sem
Akureyri vikublað hefur rætt
við segja að einu gildi hvort
kjarabót fólks felist í hlunn-
indum líkt og bílafríðindum
eða fleiri krónum beint inn
á tékkareikninginn. Hvort
tveggja sé kjarabót. Fríðindi
og hlunnindi séu ekki síðri en
grjótharðir peningar þegar öll
útkoma sé skoðuð.
Kaup og afborganir af bif-
reið eru stór liður í mánað-
arlegum útgjöldum flestra
launamanna. Eftir efnahags-
hrunið hækkuðu bílalán margra og
nýjar bifreiðar urðu dýrari í inn-
kaupum. Framkvæmdastjóri KEA
fékk nýjan jeppa frá KEA til einka-
afnota. Í því fólst kjarabót sem nam
1,3 milljónum króna á ári í formi
lúxusbifreiðar til einkanota.
SORGLEGT EÐA EÐLILEGT?
KEA er fyrirtæki þúsunda Eyfir-
ðinga, saga þess er samofin sögu
svæðisins, þeir milljarðar sem fé-
lagið hefur til ráðstöfunar urðu til
með svita almennings í formi sam-
eignar. KEA fer með ítök í mörgum
helstu fyrirtækjum á starfsvæði
sínu og er vafamál hvort kjarabætur
framkvæmdastjórans á grundvelli
ráðningarsamnings teljist „óbreytt
starfskjör“ sem réttlæti svo verulega
launahækkun sem ágreiningslaust
er að nú hafi orðið. Flestir launa-
menn myndu í það minnsa fagna
slíkum „óbreyttum starfskjörum“.
Ein þeirra spurninga sem Birgir
Guðmundsson kaus að svara ekki
laut að hver rökstuðningurinn væri
að baki þess verðmætamats sem
lagt væri á einn mann sem fengi svo
há laun greidd úr almannasjóðum
KEA. Sú orðræða varð þekkt fyrir
hrun þegar ofurlaun bankastjór-
anna voru réttlætt.
Af viðbrögðum óbreyttra fé-
lagsmanna í KEA sem fjölmargir
hafa haft samband við Akureyri
vikublað liggur fyrir að Halldór
Jóhannsson framkvæmdastjóri
KEA hefur í huga a.m.k. hluta fé-
lagsmanna KEA rofið mörk með
þeim launum sem hann er á í dag.
Þess sér sem dæmi stað í gagnrýni
Rögnu Ragnarsdóttur í síðasta
blaði og Hjálmar Pálsson, íbúi á
Akureyri, segir í ummælum á ak-
ureyri.net vegna fréttar blaðsins
um launahækkanir Halldórs í síð-
ustu viku: „Það að félagsmenn í
KEA samþykki að borga nokkrum
manni 23 milljónir á ári finnst mér
alveg fáránlegt og jafnvel bara
sorglegt.“ Önnur spurning sem
Birgir kaus að svara ekki var hvort
til greina kæmi að endurskoða laun
framkvæmdastjórans. a
FRÉTTASKÝRING BJÖRN ÞORLÁKSSON
Birgir
Guðmundsson
Halldór
Jóhannsson
NT 35/1 Tact
Ryksugar blautt og þurrt
Fylgihlutir
Barki 35mm 2,5m,
málmrör, 30mm
gólfhaus og mjór
sogstútur.
NT 45/1 Tact Te
Ryksugar blautt
og þurrt
Fylgihlutir
Barki 35mm 2,5m,
málmrör, 30mm
gólfhaus og mjór
sogstútur,
rafmagnstengill.
NT 55/1 Tact
Ryksugar blautt og þurrt
Fylgihlutir
2,5m 35mm barki, málmrör,
30mm gólfhaus og mjór
sogstútur.
NT 25/1 Ap
Ryksugar blautt
og þurrt
Fylgihlutir
Barki 35mm 2,5m,
málmrör, 30mm
gólfhaus og mjór
sogstútur. Takki
fyrir hreinsun
á síu.
Iðnaðarryksugur
Fyrir bæði blautt
og þurrt
Sjálfvirk
hreinsun á síu
Tengill
Skeifan 3E-F · Sími 581-2333 · rafver@rafver.is · www.rafver.is
K Ä R C H E R S Ö L U M E N N
V E R T U Á Ö R U G G U M S T A Ð
Eigum allar síur í New Holland og JCB á lager
Skeiðarás 3 Garðabær Sími 5272600 velavit@velavit.is
Útvegum olíuverk í flestar gerðir bíla og tækja
Varahlutir - Viðgerðir
Vélavit útvegar varahluti í flestar gerðir traktora,
sérhæfum okkur í JCB, Hydrema, Iveco, New
Holland og Case
Vélavit
Hafið samband og látið okkur aðstoða við
að útvega réttu varahlutina
Oftast ódýrastir!
Erum einnig með alla varahluti í JCB vinnuvélar