Reykjanes - 17.12.2015, Side 2
2 17. Desember 2015
Séra Eva Björk Valdimarsdóttir Keflavíkurkirkju:
Jólahugleiðing um
Pálma og Jóhönnu
Barnshönd snýr við plötu á plötu-spilara. Dýrin í hálsaskógi eru á fóninum og þó svo ég viti vel
framhaldið, ég hef heyrt dýrin finna
bangsa litla ótal sinnum, þá er samt
þessi spenna í maganum við það að
sagan stöðvist í smá stund og haldi svo
áfram þegar nálin er komin á réttan
stað. Ég sest aftur á brúna ríateppið á
stofugólfinu hjá ömmu og afa og hlusta
á seinni helminginn á plötunni. Ég er
um það bil 5 ára og amma er að passa
mig, hún vann nefnilega bara fyrir
hádegi hún amma á fristihúsinu og
passaði mig eftir hádegi. Það má segja
að plötuspilarinn þeirra hjóna hafi líka
passað mig því amma lagði sig oftast
eftir matinn og ég hlustaði á plötu á
meðan. Ég held að þau hafi átt þrjár
barnaplötur Dýrin í Háslaskógi, Kar-
dimommubæjinn og jólaplötu þar sem
Ómar Ragnarsson fer á jólaball. Úti er
snjókoma og aðventuljósið komin út í
glugga. Aðventuljós sem núna er í eld-
húsglugganum hjá mér. Amma ætlar að
leggja sig aðeins en eftir það förum við
að baka. Það var svo notalegt að baka
með ömmu, ég fékk að mæla alls kyns
hráefni sem fóru beint í hrærivélaskál
kichen aid hrærivélarinna sem átti sinn
eigin skáp í eldhúsinnréttingunni með
hillu í sem hægt var að toga upp og út.
Þetta fannst barninu vera mikil tækni.
Enn þann dag í dag hugsa ég til ömmu
þegar ég baka, ég man ekki vel eftir
þessum stundum okkar fyrir utan
hrærivélina en það er eins og þær séu
stimplaðar einhverstaðar á undirmeð-
vitundina og bakstur er ennþá eins og
kyrrðarstund eða hugleiðsla fyrir mig.
Þegar ég var orðin unglingur héld
ég áfram að njóta kyrrðarinnar og
notalegheitanna hjá ömmu og afa.
Þau voru ekkert að flýta sér og það
sem við gáfum hvoru öðru var tími.
Þegar ég var í menntaskóla var stutt
til þeirra og gott að heimsækja þau, fá
sér kaffisopa og spjalla. Ég sagði ömmu
gjarnan hvað ég var að bauka í skóla og
félagslífi og hún mér. Ég sagði henni frá
krökkunum sem ég umgekkst og hún
var fljót að rekja ættir þeirra og segja
mér hvernig við værum skild. Hún
sýndi mér það sem hún var að gera
en hún var oftast að skapa eitthvað,
hún málaði postullín og föndraði hitt
og þetta. Þegar ég ferðast í huganum í
eldhúsið þeirra þá eru snúðar á borðinu
og kaffibollarnir sem amma málaði.
Við amma erum að tala um stráka og
afi er að bauka eitthvað inní bílskúr.
Hann kemur svo inn í eldhús og sýnir
mér stein sem hann var að slípa og vill
gefa mér eða jólaseríu sem hann var
að gera við.
Afi og amma áttu líka fallegasta
jólaskraut í heimi og það var líka alltaf
eins. Fyrir mér var það æva gamallt,
líklega bara úr fjárhúsinu forðum, en
það átti allavega engin eins skraut og
þau. Afi minn var nefnilega rafvirki og
mjög nýtinn maður, ef eitthvað bilaði
þá var það lagað. Serían á jólatréinu var
eins og þið getið séð á Árbæjarsafninu
núna, þessi með marglita vatninu og
loftbólunum.
Þau voru heldur ekki að hlaupa út
í búð og kaupa nýtt ef eitthvað bil-
aði, hlutirnir höfðu jú vissulega betri
endingu hér áður fyrr en þetta er líka
spurning um með hvaða viðhorfi við
umgöngumst hlutina. Fólk af þeirra
kynslóð þekkti einnota eða það ekki
að kaupa bara til þess að kaupa.
Þó svo að gjafir séu það sem öll börn
þrá um jólin þá er það ekki eina sem
þau þurfa. Var það ekki spámaður-
inn Mick Jagger sem sagði, „You can’t
always get what you want. But if you
try sometimes well you might find, You
get what you need“.
Það sem þau þurfa er tími, tími
með foreldrum ömmum og öfum eða
frænkum og frændum. Tími með fólki
sem er ekki alltaf á hlaupum og er ekki
alltaf með jæja og drífa sig á vörunum.
Ég held reyndar að þið vitið þetta því
það er endalaust verið að hamra á
þessum skilaboðum. Ég held reyndar
að gæðastundir og samverudagatal
fyrir börn séu nýju 18 sortirnar. Við
erum búin að komast að því að við
þurfum ekki að baka 18 sortir fyrir
jólin og við þurfum heldur ekki að þrífa
allt hátt og lágt í svartasta skammdeg-
inu þegar við sjáum hvort sem er ekki
nógu vel til þess. En nýjasta pressan
fyrir jólin eru allar dásamlegu gæða-
stundirnar sem myndast nógu vel svo
hægt sé að birta þær á facebook. Ég er
ekki að tala um þær. Ég er að tala um
að staldra við og gefa börnunum tíma
og fyrirhöfn.
Því það er þessi fyrirhöfn og dýr-
mætu tengsl sem gera okkur að
manneskjum. Þess vegna er svo mikill
ábyrgðarhlutur að vera foreldri og upp-
alandi. Ég veit að þið hafi heyrt þetta
áður, en elskurnar, hægið á ykkur. Jólin
eru ekki kapphlaup um gæði. Njótum
samvista við hvert annað og kennum
börnum hver hin raunverulega verð-
mæti eru.
Þá erum við tilbúin til þess að með-
taka dýrmætan boðskap jólanna um
að allar manneskjur eru merkilegar,
það merkilegar að Guð ákvað að gerast
maður og koma til okkar sem lítið barn.
Amma og afi eru ein af þeim mann-
eskjum sem gáfu mér þetta.
Megi Guð gefa ykkur gleði og frið á
aðventunni og gleðileg Jól.
REYKJANES 18. TBL. 5. ÁRGANGUR 2015
ÚTGEFANDI: Pressan ehf. Kringlunni 4-6, 103 Reykjavík. Björn Ingi Hrafnsson, netfang: bjorningi@pressan.
Auglýsingastjóri: Ámundi Ámundason, Suðurlandsbraut 54, 108 Reykja vík. Auglýsingasími: 578 1190, netfang: auglysingar@fotspor.is.
Ritstjóri: Sigurður Jónsson, netfang: asta.ar@simnet.is, sími: 847 2779. Myndir: Ýmsir. Umbrot: Prentsnið
Prentun: Landsprent. Upplag: 10.000 eintök. Dreifing: Íslandspóstur. Vefútgáfa PDF: www. fotspor.is
REYKJANES ER DREIFT Í 10.000 EINTÖKUM ÓKEYPIS Í ALLAR ÍBÚÐIR Á REYKJANESI.
Frí blað ið Reykja nes vill gjarn an kom ast í sam band við íbúa Suð ur nesja. Seg ið ykk-
ar skoð un með því að senda inn pist il. Send ið inn fyr ir spurn. Vin sam leg ast send ið
okk ur tölvu póst á net fangið asta. ar@sim net.is eða hring ið í síma 847 2779.
VILTU SEGJA SKOÐUN ÞÍNA?
Píratar hafa síðustu mánuðina verið á mikilli siglingu.Það er mjög merki-legt að þeir virðast hafa náð svo sterkri stöðu að þriðjungur kjósenda myndi styðja þá í kosningum ef kosið væri núna.Þessi staða er með
ólíkindum eða hvað? Veit einhver hvaða stefnu Píratar hafa í stóru málunum?
Er það eitthvað í þeirra stefnu sem sýnir að þeir myndu ráða við stjórn landsins?
Veit einhver hver þeirra stefna er í efnahagsmálum? Held að hann sé vand-
fundinn sem gæti skýrt það út. Í kvótamálum hafa þeir boðað að bjóða eigi
aflaheimildir upp á markaði. Halda þeir að með því muni minni útgerðar eiga
mikla möguleika. Það liggur í augum uppi að þeir stóru sem hafa fjármagnið
kaupa upp allan kvótann og allt færist á mun færri hendur en nú er. Er það
þetta sem kjósendur eru að styðja hjá Pírötum?
Hvað vilja þeir í utanríkismálum? Vilja Píratar opna landið svo öllum sé frjálst
að koma hingað án nokkurs eftirlits?
Svona væri hægt að telja upp áfram. Merkilegt að flokkur skuli ná þriðjungs
fylgis án þess að hafa stefnu.Internetið,sem er þeirra helsta baráttumál leysir
varla öll vandamál landsins.
Hvað sagði Landsfundur Sjálfstæðisflokksins
Í samþykktum Landsfundar Sjálfstæðisflokksins sem fram fór nýlega segir
m.a. “Lækka Þarf tryggingagjaldið”. Nú hefur það verið gefið út af formanni
flokksins að það standa alls ekki til að lækka það á næsta ári. Eins og allir
vita var samið um miklar launahækkanir. Atvinnurekendur gerðu það í ljósi
þeirra loforða að tryggingajldið myndi lækka. Atvinnurekendur hafa tekið á
sig miklar launahækkanir og hátt tryggingagjald kemur sérstaklega illa fyrir
lítil og meðalstór fyrirtæki.Það hlýtur þvðí að vera eðlileg krafa að þetta gjald
lækki. Launþegahreyfingin styður þessa kröfu.
Það gengur ekki að kalla fleiri hundruð trúnaðarmenn Sjálfstæðisflokksins
til Landsfundar,ef það á svo ekkert að fara eftir samþykktum og ályktunum
fundarins.
Kjaradómur ákveði greiðslur til eldri borgara
Dæmin hafa svo sannarlega leitt það í ljós að það gengur ekki lengur að Alþingi
ákvarði greiðslur til eldri borgara.Vinstri stjórnin skar niður kjör eldri borgara
í síðustu ríkisstjórn. Núverandi ríkisstjórn hefur ekki skilning á kjörum margra
eldri borgara. Það hlýtur að vera réttlætismál að eldri borgarar landsins fá
sömu leiðréttingar og afturvirkni og aðrir þegnar landsins.
Það hlýtur því að vera krafa að kjararáð eða kjaradómur taki ákvarðanir um
breytingar á kjörum aldraðra. Það verður að taka þennan pakka frá stjórn-
málamönnum. Það getur ekki gengið að stjórnmálamennirnir á þingi séu að
taka þessar ákvarðanir.
Sigurður Jónsson, ritstjóri
Leiðari
Stuðningur
við hvað?
Reykjanes kemur næst út
fimmtudaginn 14. janúarNÆSTA BLAÐ
Lítil hjartnæm jólasaga
Þessi saga gerðist fyrir mörgum árum. Maður nokkur refsaði lítilli dóttur sinni fyrir að eyða
heilli rúllu af gylltum pappír. Ekki var
mikið til af peningum og því reiddist
hann þegar barnið reyndi að skreyta
lítið box til að setja undir jólatréð.
Engu að síður færði litla stúlkan föður
sínum boxið á aðfangadagskvöld og
sagði: „Þetta er handa þér pabbi‘‘. Við
þetta skammaðist faðir stúlkunnar
sín fyrir viðbrögð sín daginn áður.
En reiði hans gaus upp aftur þegar
hann áttaði sig að boxið var tómt.
Hann kallaði til dóttur sinnar og
sagði: veistu ekki að þegar þú gefur
einhverjum gjöf, þá á eitthvað að vera
í henni? ‘‘ Litla stúlkan leit til pabba
síns með tárin í augunum og sagði: „Ó
pabbi boxið er ekki tómt. Ég blés fullt
af kossum í það. Bara fyrir þig pabbi. ‘‘
Faðirinn varð miður sín. Hann tók
utan um litlu stúlkuna sína og bað
hana að fyrir gefa sér. Það er sagt að
mörgum árum seinna, þegar faðir
stúlkunnar lést, og hún fór í gegnum
eigur hans, hafi hún fundið gyllta
boxið frá því á jólunum forðum við
rúmstokkinn hans, þar hafði hann
haft það alla tíð; þegar honum leið
ekki vel gat hann tekið upp ímyndaðan
koss og minnst allrar ástarinnar sem
barnið hans hafði gefið honum og sett
í boxið. Í vissum skilningi höfum við
allar lifandi mannverur tekið á móti
gylltum boxum frá börnunum okkar,
fjölskyldum og vinum, fullum af skil-
yrðislausri ást og kossum. Það getur
enginn gefið dýrmætari gjöf.
Í dag skaltu gefa þér augnablik og
njóta stórrar handfylli af minningum.
Og mundu að þær verma hjarta þitt og
bráðna þar, en ekki í höndum þínum.
Höfundur:
Sigmar Þór Sveinbjörnsson