Dagblaðið Vísir - DV - 16.04.2008, Síða 21

Hótel Rangá er lúxushótel, staðsett rétt utan við Hellu.
Hótelið tók þátt í keppni á sjónvarpsstöðinni World
GMTV árið 2007 og var af áhorfendum valið annað
besta brúðkaupshótelið í heiminum það árið.
Kirkjustaðurinn Oddi, sem er frægur sögustaður, er í aðeins
fimm mínútna akstursfjarlægð frá hótelinu og er kirkjan þar
afarfalleg.
Á Hótel Rangá eru 37 herbergi. Auk þess býðst Forsetasvítan
sem leigð er út til brúðhjóna. Svítan, sem er mjög glæsilega
útbúin, býður upp á fagurt útsýni yfir Eystri-Rangá, Heklu og
Sólheimajökul, svo eitthvað sé nefnt. Hornbaðker er í öllum
herbergjum, auk þess sem heitir pottar fyrir utan hótelið
standa gestum til boða. Starfsfólk Hótel Rangár er þekkt
fyrir ríka þjónustulund. Þá er herbergisþjónusta til taks allan
sólarhringinn.
I sumar verður herbergjum hótelsins fjölgað um 14. Þar af
verða tvær stórar og glæsilegar svítur og fimm junior-svítur,
auk þess sem nýr salur verður tekinn í notkun. Hægt er að
leigja allt hótelið ef óskað er eftir því en gestir eru hvattir til
að gera slíkt með góðum fyrirvara, enda hótelið yfirleitt vel
bókað. Prýðisaðstaða er fyrir hljómsveit og dans.
Veitingarnará Hótel Rangá eru í sérflokki og ekkert til sparað.
Sem dæmi þá er hægt að fá fimm rétta brúðkaupsmatseðil
sem ákveðinn er í samvinnu við brúðhjónin í hvert skipti en
auðvitað er komið til móts við óskir hvers og eins.
I nánasta umhverfi hótelsins er afþreying af ýmsum toga.
Má þarnefna útreiðatúra,jeppaferðir,veiði,snjósleðaferðirog
göngutúra.
Hótel Rangá er fyrsta íslenska hótelið sem hefur fengið
inngöngu í samtökin Special Hotel ofthe World 2008. Sextíu
og átta af bestu hótelum heimsins eru í þessum samtökum.
HOTEL RANGA
LUXþlRY HOTEL & DINING
Suðurlandsvegur-851 Hella
S(mi 487 5700 • Fax 5870570
hotelranga@hotelranga.is
www.allseasonhotel.is