Vestfirska fréttablaðið - 30.10.1980, Blaðsíða 2

2
Vikublað, kemur út á fimmtudögum kl. 18:00 -
Skrifstofa Hafnarstræti 1, sími 4011 - Opin virka
daga frá kl. 13:00 — 17:00 - Blaðamaður Eðvarð
T. Jónsson, sími 4269 - Útgefandi og ábyrgðar-
maður Árni Sigurðsson, Fagraholti 12, ísafirði,
sími 3100. - Verð í lausasölu kr. 300. Áskriftar-
verð er lausasöluverð, reiknað hálfsárslega
eftirá. - Prentun: Prentstofan ísrún hf., sími 3223
Rækjuveiðar —
slysavarnir.
Síðastliðinn föstudag hófust rækju-
veiðar að nýju hér í ísafjarðardjúpi. Alls
munu um 35 bátar stunda veiðarnar að
þessu sinni, misjafnir að stærð og bún-
aði, eins og gengur. Á undanförnum
árum hefur þróunin orðið mjög í þá átt að
stærri bátar hafa bæst við flotann, eða
endurnýjast fyrir smærri og eldri skip. Nú
munu fimm bátar yfir 30 lestir að stærð
hafa fengið leyfi til veiða, en fyrir tveimur
árum var það skilyrði að bátur væri undir
því stærðarmarki, til þess að fá leyfi.
öllum eru enn í fersku minni þau
hörmulegu slys sem urðu þann 25. febr-
úar s.l., er fjórir dugandi sjómenn á besta
aldri fórust með bátum sínum. Atburðir
sem þessir leiða hugi manna að því,
hvernig best megi tryggja öryggi sæfar-
enda, jafnvel þó um innfirði og flóa sé
farið. Það er alkunna að veður hér á
Djúpinu geta orðið með afbrigðum slæm,
og sjóalög hættuleg.
Kannske er besta slysavörnin, hvað
viðvíkur bátum hér á Djúpinu sú, að
stærri en um leið færri bátar stunduðu
þessar veiðar, og skapa þeim um leið
betri rekstrargrundvöll, sem er þessu að
vísu óskylt mál.
Á stundum sem þeim, þegar Ijóst er að
slys hefur orðið, ríður á mestu að sam-
starf og skipulag þeirra aðila sem að
slysavarnamálum starfa sé sem best. Það
hefur oftlega komið í Ijós, að stjórn á
þessum málum væri best komið á einni
hendi, jafnvel þó deildirnar, í viðkomandi
plássi, væru fleiri.
Enginn efast um góðan vilja þeirra sem
fórna tíma sínum og leggja sig oft á tíðum
í hættu til að bjarga öðrum. Það ætti að
jafnaði að vera þeirra kappsmál að vel til
takist þannig að starfið gangi sem farsæl-
legast fyrir sig.
Sameiginlegir
hagsmunir
Kaupstaðirnir tveir við utanvert ísa-
fjarðardjúp, ísafjörður og Bolungarvík,
eiga sameiginlegra hagsmuna að gæta á
mörgum sviðum, Samgöngulega séð, á
sviði heilbrigðisþjónustu og viðskipta.
Sem dæmi um það má nefna að leið
Bolvíkinga á flugvöll liggur um ísafjarðar-
kaupstað. Sama leið liggur frá báðum til
aðalakvegakerfis landsins. Fjórðungs-
sjúkrahúsið, sem staðsett er á ísafirði
þjónar kaupstöðunum báðum, ásamt
öðrum sveitarfélögum á norðanverðum
VEStíirska
rRETTAELABIS
Vestfjörðum. Verslunarþjónustu sækja í-
búar kaupstaðanna jöfnum höndum í
hvorn þeirra sem er og allskyns viðgerða-
og viðhaldsþjónusta er nýtt af íbúum
beggja á hvorum staðnum sem er.
Þegar þetta er talið, og um leið hugsað
um hin miklu samskipti íbúa kaupstað-
anna á sviði mennta, lista, íþrótta og
allskyns félagsmála þá má augljóst vera
að greiðar og hættulitlar samgöngur eru
íbúum kaupstaðanna tveggja algjör
nauðsyn.
Hér á síðum blaðsins hefur að undan-
förnu verið iðkað heldur undarlegt hnútu-
kast milli formanns bæjarráðs Bolungar-
víkur og vegamálastjóra vegna vegarins
um Óshlíð. Hugmyndir hafa verið uppi
um byggingu vegsvala á ýmsum stöðum
við veginn til þess að auka öryggi vegfar-
enda. Formaður bæjarráðs Bolungarvík-
ur heldur því fram að Vegagerð ríkisins
hafi gefið ákveðin fyrirheit um að hefja
framkvæmdir við vegsvalir í haust, en
vegamálastjóri segir að engin slík fyrir-
heit hafi verið gefin. Stendur þar fullyrð-
ing gegn fullyrðingu í samtölum blaðsins
við þessa menn. I
Hér verður ekki um það fjallað, hvers-
vegna þetta stendur svo, en á hitt skal
bent, að framkvæmdir sem verða mættu
til þess að tryggja öryggi vegfarenda um
Óshlíð eru mun alvarlegra mál en svo, að
þær megi dragast á langinn, eða verða
að þrætuepli sveitarstjórnarmanna og
embættismanna. Þingmenn kjördæmis-
ins ættu sem fyrst að beita sér fyrir því að
farsæl lausn finnist og að unnið verði af
heilindum að þessu öryggis- og hags-
munamáli íbúa kaupstaðanna.
Smáauglýsingar
TIL SÖLU
Sarner ace skíðl, 205 cm.
með Hope bindingum og
Caper skóm, form 350 nr. 11
ásamt stöfum. Sem nýtt. Gott
verð.
Upplýsingar í síma 4039
TIL SÖLU
Eldhúsborð, kringlótt, 110
cm. og fimm kollar.
Upplýsingar í síma 4090
TIL SÖLU
er ný sambyggð lítil trésmíða-
vél „Scheppach.“
Upplýsingar í síma 4113
TIL SÖLU:
Mótatimbur, einnotað, ca
1500 m. 1x 6 tommu. Einnig
rafmagnstafla fyrir vinnuskúr.
Upplýsingar í síma 3139 á
daginn
TIL SÖLU:
Isskápur, selst ódýrt.
Upplýsingar í síma 4026 eða
3574
TIL SÖLU
Nýleg nagladekk, felgustærð
13 tommur.
Upplýsingar í síma 7149
TIL SÖLU
Oldsmobile Cutlass, árgerð
1974, sjálfskiptur, 8 cylindra.
Verð ca. 3 millj. Fæst á góð-
um greiðsluskilmálum.
Upplýsingar í síma 7355
BARNAVAGN ÖSKAST
til kaups. Einnig er til sölu
sem nýr Roale kerruvagn og
baðborð.
Vinsamlegast hringið í síma
3889 fyrir hádegi eða eftir kl.
19:00
TILSÖLU:
Phillips magnari og plötu-
spilari, hvorttveggja lítið og
nett. Selst ódýrt, saman eða
sitt í hvoru lagi. Einnig 1 stk.
14 tommu sólað sumardekk
og 1 vetrardekk af sömu
stærð.
Upplýsingar gefur Eggert í
síma 3895 eða 3141.
Vandar-
högg
Umsagnir fimm Vest-
firðinga
Sigríður Ragnar kennari:
Mér fannst leikritið fáránlegt
og lítið í því sem minnti á Jökul
Jakobsson. Sumt þótti mér vel
gert af leikenda hálfu og annað
miður, en sem heild fannst mér
sjónvarpsleikritið lítið áhugavert
og heldur ómerkileg hrollvekja.
Halla Sigurðardóttir, form. Litla
Leikklúbbsins:
Mér fannst leikritið gott. Það er
sérstaks eðlis og gleymist ekki í
bráð og það vekur ýmsar spurn-
ingar. En satt að segja þótti mér
Ijótleikinn í því vera dáiítið mik-
ill. Leikritið var mjög vel unnið
og leikstjórinn hefur þarna gert
mjög góða hluti og leikararnir
sömuleiðis.
Hannes Friðriksson, form. Leik-
félagsins Baldurs á Bíldudal:
Leikritið olli mér geysilegum
vonbrigðum. f fyrsta lagi finnst
mér ég ekki kannast við Jökul
Jakobsson í þessu verki. Leikar-
arnir stóðu sig vel og ég vil taka
það fram að mér finnst alltaf
gaman að horfa á leikrit og það
leikrit er ekki til, sem mér finnst
leiðinlegt. En einhvernveginn
komst ég aldrei inn í efnisþráð
leiksins, skildi ekki hvað var verið
að fara og svona leikrit eru ekki
við mitt hæfi.
Bjarni Pálsson, skólastjóri á
Núpi:
Ég sá obbann af þessu leikriti í
sjónvarpinu og þótti það ómerki-
legt. Mér virtist þetta vera hálf-
gerð stæling á ýmsum erlendum
óhugnaðarkvikmyndum, sem hér
ganga. Ég hef séð önnur leikrit
Jökuls Jakobssonar á sviði og þau
eru gjörólík þessu.
Sr. Gunnar Björnsson:
Það sýnist fljótt á litið vera
ákaflega rangsnúið og guðisvipt
mannlíf, sem höfundur er að lýsa
í Vandarhögg. En þar er talað í
gátum og áhorfandinn kynnist í
rauninni engri persónu leiksins að
neinu ráði. Andrúmsloft Ibsens er
þannig víðsfjarri í stofunni á
bernskuheimili Lárusar Ijós-
myndara. Ekkert er krufið til
mergjar heldur aðeins tæpt á við-
fangsefnunum. Kannske er ekki
út í hött að ímynda sér, að hugs-
anir um hlutverk og gerð kynj-
anna, karls og konu, leiti á höf-
und verks á borð við Vandarhögg
einmitt nú á tímum þegar gömul
skil á milli kynjanna eiga í vök að
verjast og við erum um hríð kom-
in óraveg í burtu frá afstöðu
manna eins og Páls postula, sem
hafði svo glöggar hugmyndir um
þessi mál, að hann sagði m.a., að
konan ,ætti að þegia í kirkjunni.
Ég sá leikritið Rommí í Iðnó á
dögunum og þar fannst mér
koma í ljós glíma við þetta sí-
stæða viðfangsefni, karl og konu,
nema þar gerði höfundur karl-
manninn mjög virkan og raunar
skapandi en konuna aftur mikinn
þolanda og andlag t verkinu. Það
má segjá, að í Vandahöggi sé
þessu að nokkru leyti snúið við og
það er athyglisvert að Lárus Ijós-
myndari er dagfarslega þessi
prúði og góði drengur, en hann
Framhald á bls. 3
Þurrkuð
blóm
í úrvali
Blómabúðin
ísafirði sími 4134