Vestfirska fréttablaðið - 29.11.1984, Blaðsíða 2
2
vestfirska 1 Vestfirska fréttablaðið kemur út á fimmtudögum kl. 17:30. Ritstjórnarskrifstofa og auglýsingamóttaka að Hafnarstræti 14 er opin virka daga kl. 10:00 til 12:00 og 13: til 17:00. Síminn er 4011. Ritstjóri: Árni Sigurðsson. Blaðamaður Yngvi Kjartansson Stórholti 17. Fjármál og dreifing: Guðrún Halldórsdóttir. Útgefandi og ábyrgðarmaður: Árni Sigurðsson, Fagraholti 12, (safirði, sími 3100. Prentun: Prentstofan (srún hf. ísafirði. Verð í lausasölu kr. 25,00. Auglýsingaverð kr. 130,00 dcm. Áskriftarverð er lausasöluverð reiknað hálfsárslega eftirá.
BililHdWíÞIW'll’H
1 <jördæmisráðstefnur stjórnmálaflokkanna
Allir vilja þeir
bættan hag
sjávarútvegsins
— Spurningin er: Fá þeir því ráðið?
Nú hafa Alþýðuflokkur, Al-
þýðubandalag, Framsóknar-
flokkur og Sjálfstæðisflokkur
haldið sínar ráðstefnur í Vest-
fjarðakjördæmi og sent frá sér
stjórnmálaályktanir. Þar er lýst
yfir stuðningi við stefnu flokk-
anna og tekið á ýmsum þeim
málum sem ofarlega eru á baugi
hér á Vestfjörðum og sýnist sitt
hverjum, eins og við er að búast.
— Menn skiptast jú í flokka
vegna mismunandi skoðana.
Kjördæmisráð Sjálfstæðis-
flokksins fagnar þeim árangri
sem ríkisstjórnin hefur náð í
viðureign sinni við verðbólg-
una, hvetur til þess að gerð séu
hallalaus fjárlög, mælir með
niðurskurði í ríkisrekstri og lýsir
yfir stuðningi við stefnu Sjálf-
stæðisflokksins í öryggis- og
varnarmálum.
Kjördæmisþing framsóknar-
manna fagnar þeim áfanga sem
náðst hefur í baráttunni við
verðbólguna og bendir á að
hann hafi náðst án þess að til
atvinnuleysis þyrfti að koma.
Þingið gagnrýnir það að „alls
konar viðskipta- og þjónustu-
starfsemi, einkum á suðvestur-
homi landsins, virðist nú bera
sig betur en sjávarútvegurinn,
og fremur en hann geta greitt há
vinnulaun, sem eru í engu sam-
ræmi við almenna
kjarasamninga.“
í stjórnmálaályktun kjör-
dæmisráðstefnu Alþýðubanda-
lagsins á Vestfjörðum, sem
haldin var 25. og 26. ágúst er
m.a. bent á að á innan við
tveimur árum hafa kjör alls
launafólks verið skert um 25 —
30% á meðan verði á vörum og
þjónustu hefur verið sleppt
lausu. „Þetta bitnar harðast á
lágtekjufólki, öryrkjum, öðrum
sjúklingum og ellilífeyrisþeg-
um, þar sem laun og lífeyris-
greiðslur nægja langt í frá orðið
til brýnustu lífsnauðsynja.“
í stjórnmálaályktun sinni
segir Kjördæmisþing Alþýðu-
flokksins m.a. að við upphaf
núverandi stjórnarsamstarfs
hafi stjórnarflokkarnir boðað
að ráðist skyldi gegn Verðbólg-
unni með samvinnu allra í
þjóðfélaginu, en raunin hafi
hins vegar orðið sú að launþeg-
ar hafi orðið að taka megnið af
þunganum yfir á sig í formi
kjaraskerðingar. Á meðan
blómstri verslun og alls kyns
milliliðastarfsemi á höfuðborg-
arsvæðinu. Alþýðuflokksmenn
vilja að gengið verði fram í því
að jafna orkuverð til þess að
koma í veg fyrir að fólk flýi
Vestfirði vegna hárra orku-
reikninga.
Þrátt fyrir mismunandi skoð-
anir og stefnumörkun flokk-
anna, virðist þó vera eitt mál
sem allir eru á svipuðu máli um,
en það eru sjávarútvegsmálin.
Allir vilja þeir að gerðar verði
ráðstafanir til að bæta rekstrar-
stöðu sjávarútvegs í landinu.
Alþýðuflokkurinn mótmælir
því stefnuleysi í sjávarútvegs-
málum sem hefur leitt af sér það
kvótakerfi sem nú er í gildi.
Kjördæmisráð Sjálfstæðis-
flokksins í Vestfjarðakjördæmi
vill vekja sérstaka athygli á
þeirri stór-alvarlegu rekstrar-
stöðu sem nú ríkir í sjávarútvegi
landsmanna. Að þeirra mati eru
ástæður vandans margar, m.a.
margra ára núllrekstrarstefna
vinstri aflanna í landinu,
þrengingar á erlendum mörk-
uðum og takmarkanir á heimil-
uðum afla. „Aðalfundurinn
hvetur því til skjótra viðbragða
af hálfu stjómvalda er miði að
því að skapa heilbrigðan starfs-
grundvöll fyrir sjávarútveginn,
landi og þjóð til heilla.“
í stjórnmálaályktun kjör-
dæmisþings framsóknarmanna
á Vestfjörðum segir m.a.:
„Þingið óttast að of mikill
fjöldi fólks geri sér hvorki ljósa
þá hættu sem nú steðjar að
undirstöðuatvinnuvegum þjóð-
arinnar víðs vegar um land,
m.a. vegna verðfalls og sölu-
tregðu á fiskafurðum og tak-
markaðs þorskafla, né heldur
átti það sig á því hvílík nauðsyn
sé að útflutningsatvinnuvegun-
um sé gert kleift að bera sig, en
það geta þeir ekki gert um
þessar mundir.“
Kjördæmisráðstefna Al-
þýðubandalagsins á Vestfjörð-
um segir í stjórnmálaályktun
sinni um kjör frumatvinnuveg-
anna:
„Þrátt fyrir gífurlegar fórnir,
sem launafólk hefur verið látið
færa, hefur það ekki leitt til
bættrar stöðu frumatvinnuveg-
anna, sjávarútvegs og landbún-
aðar. Frá miðju s.l. ári, hafa
tekjur fiskvinnslufyrirtækja
hækkað um 6%, en útgjöld
þeirra önnur en laun hafa
hækkað um yfir 30%. Er nú svo
komið, að fjöldi slíkra fyrir-
tækja er kominn í þrot.“
Ennfremur segir í ályktun-
inni:
„Kjördæmisráðstefnan gerir
þá kröfu, að rekstrargrundvöll-
ur frumatvinnuveganna verði
tryggður og jafnframt tryggt að
þeir aðilar sem nú hagnast stór-
lega á rangri stjórnarstefnu,
verði látnir skila þeim ránsfeng
til baka og fjármunir notaðir til
að tryggja launafólki bætt
kjör.“
bit
Höfum opnað á
ný á fyrstu hæð
eftir breytingar og stækkun
Þar eru á boðstólum
alls kyns ritföng og
skólavörur.
Jólakort og jóladaga-
töl í miklu úrvali hafa
verið tekin fram.
Á 2. hæð eru Jóla-
bækumar, þær berast
nú að í stríðum
straumum.
Opið laugardag 1. des. kl. 10:00 — 16:00
í nýju búðinni:
Mikið úrval af mynda-
römmum, smellurammar, 12
stærðir, filmur og aðrar ljós-
myndavörur
Bókav.
Sími 3123
Eftir örfáa daga fömm við að taka
á móti filmum til framköllunar hjá
LEO og þá fáið þið myndirnar af-
greiddar eftir einn dag
Isafirði