Vestfirska fréttablaðið - 20.04.1988, Side 6

6
I vEstlirska ~
Isafjarðarkaupstaður
Hjúkrunarfræðingur
Bæjarsjóður ísafjarðar auglýsir eftir deildar-
hjúkrunarfræðingi við Elliheimili ísafjarðar.
Umsóknarfrestur er til 25. apríl n.k.
Nánari upplýsingar veitir bæjarstjórinn á ísa-
firði á bæjarskrifstofunum eða í síma 3722,
og Snorri Hermannsson formaður öldrunar-
ráðs í síma 3526.
Bæjarstjórinn á ísafirði.
Leikskólar — Dagheimili
Eftirtaldar stöður eru lausar til umsóknar:
Bakkaskjól: 100% staða forstöðumanns.
50% staða í stuðning.
Hlíðarskjól: 50% staða fyrir hádegi.
50% staða eftir hádegi.
Nánari upplýsingar veita forstöðumenn við-
komandi heimila eða dagvistarfulltrúi í síma
3722 frá kl. 10 til 12 daglega.
Dagvistarfulltrúi.
ATVINNA!
Starfsmenn óskast til verslunar og
skrifstofustarfa hálfan eða allan daginn.
Við leitum að rösku fólki með reynslu
í erilsöm og krefjandi störf.
Pensillinn
SVÆÐISSTJÓRN MÁLEFNA FATLAÐRA
VESTFJÖRÐUM
BRÆÐRATUNGA
400 ÍSAFJÖRÐUR
Forstöðumaður
Bræðratun^a, þjálfunar- og þjónustumiðstöð
fatlaðra á Isafirði, óskar eftir að ráða forstöðu-
mann til starfa frá 15. júní n.k. eða eftir nánari
samkomulagi.
Æskilegt er að umsækjandi sé þroskaþjálfi, eða
hafi aðra uppeldislega menntun.
Einnig er óskað eftir að ráða þroskaþjálfa í al-
menn störf.
Umsóknarfrestur um ofangreind störf er til 15.
maí n.k. Nánari upplýsingargefurforstöðumað-
ur Bræðratungu í s: 94-3290 og formaður
Svæðisstjórnar, Magnús ReynirGuðmundsson,
s: 94-3722.
Starfskraftur óskast
í HN búðina
frá 16. maí.
Vinnutímifrákl. 13:00 til 18:30.
Upplýsingar
gefur verslunarstjóri
í síma 4013 og 4006.
VIÐTALIÐ
Yngsti starfandi sveitarstjóri á landinu situr íSúðavík. Hann heitir Guðmund-
ur Heiðarsson og er 22 ára gamall. Hann er sonur Guðlaugar Þórðardóttur
og Heiðars Guðbrandssonar bryta í Reykjanesi við ísafjarðardjúp. Heiðar
faðir Guðmundar er þekktur uppreisnarmaður bæði innanþorps í Súðavík
og einnig í Framsóknarflokknum þar sem hann starfaði um árabil áður en
hann gekk til liðs við Þjóðarflokkinn fyrir síðustu kosningar. Heiðar sat um
tíma í hreppsnefnd í Súðavík og var einn þeirra sem beittu sér hvað harðast
í átökunum um hlutabréfasölu Frosta h/f til Togs h/f sem þar hafa staðið.
Guðmundur Heiðarsson er að eigin sögn Framsóknarmaður menntaður í
Samvinnuskólanum á Bifröst þar sem hann lauk almennu námi 1984 og tók
síðan framhaldsnám þar 1986. Guðmundur telur Samvinnuskólann vel til
þess fallinn að mennta menn til stjórnunarstarfa. Sumir hafa sagt í hálfkær-
ingi að Samvinnuskólinn sé útungunarstöð fyrir kaupfélagsstjóra og kallað
hann „heilaþvottastöð Sambandsins“. Guðmundur segir ekki stundaðan
áróður fyrir stefnu flokksins í skólanum, en vitnar í könnun sem gerð var á
pólitískri afstöðu nemenda í kringum síðustu kosningar þar sem fram kom
að um helmimgur nemenda studdi Framsóknarflokkinn. „Æskilegt hlutfall.
Svona ættiþað að vera úti íþjóðfélaginu“ segir Guðmundur ogglottir. „Þetta
er mjög uppbyggjandi skóli þar sem öflugt félagslíf verður nemendum hollt
veganesti“ bætir hann við.
j|
Guðmurn í <
i %
Lands
’ er
ölm
®§ Byggðastefna e
t t . eigi þjóðin
Er bara framkvæmdastjóri
fyrir hreppsnefndina
Þrátt fyrir tengsl sín við Súðavík
hefur Guðmundur aðeins verið
búsettur þar þann tíma sem hann
hefur gegnt starfi sveitarstjóra,
aðeins komið þangað á sumrum.
Tengslin við staðinn hafa verið
honum til góðs í starfinu vegna
smæðar staðarins. í Súðavík eru
nú 243 íbúar, og þar vantar bæði
fólk til starfa og húsnæði fyrir það.
Starf sveitarstjóra er í rauninni
framkvæmdastjórn í umboði
hreppsnefndar. Hreppsnefnd á-
kveður hvað gera skuli og þá er
það sveitarstjórans að sjá um að
fylgja málinu eftir. Hann er fyrst
og fremst bundinn af samþykktum
hreppsnefndar.
Ráðning Guðmundar til starfans
vakti á sínum tíma nokkra athygli.
Hann segir ungan aldur sinn vera
bæði kost og galla í þessu starfi.
„Það kemur sér illa að vera ungur.
Manni er ekki gefið sama tækifæri.
Það á við hvaða starf sem er. Aftur
á móti hafa ungir menn oft skoðan-
ir sem ekki eru njörvaðar niður af
venjum og siðum.“
Pólitískur málari truflar viðtalið.
„Hvað eru þínir menn að gera ?“
Þegar hér er komið sögu blandar
viðstaddur málari sér í umræðurn-
ar. Sá er að mála skrifstofur
hreppsins. Hann heldur stutta
ræðu um stjórnmálaástandið sem
er afar dökkt. Einkum óskar hann
Framsóknarmönnum alls hins
versta. „Þetta eru þínir menn sem
eru að fara með þetta allt til helvít-
is“, segir málarinn og otar penslin-
um að Guðmundi. Sá svarar með
harðorðri gagnrýni sem vegur að
Sjálfstæðismönnum almennt.
„Þetta eru þínir menn". Og hefst
nú almennt karp um stjórnmál
milli málarans og sveitarstjórans.
Umræðan er afar hörð og er mi-
skunnarlaust vegið að aldri
manna, gáfnafari og persónuleika.
Vegna hættu á meiðyrðamálum
verður sú umræða ekki tíunduð
frekar. Málarinn veöur loks út eftir
að hafa lokið máli sínu með því að
kenna blaðamönnum um allt sem
aflaga hefur farið á íslandi síðan
fyrir stríð. „Þeir segja aldrei satt
orð þessir andskotar".
Deilurnar hafa haft mjög slæm
áhrif á samfélagið. Dæmi um
fólk sem hefur hætt að talast við
eftir áratuga kunningsskap.
Það hefur ekki verið friðvænlegt
í Súðavík undanfarið ár. Þar hafa
menn deilt hart um eignarhald á
hlutabréfum í Frosta h/f. Segja
má að deilurnar hæfust þegar
Frosti h/f seldi Togi h/f meirihluta
hlutabréfa í fyrirtækinu. Því vildu
aðrir ekki una og fór málið fyrir
dómstóla. Dómur undirréttar féll
á þá lund að hlutabréfasalan skyldi
standa, enda farið að lögum.
Hæstiréttur á nú eftir að fjalla um
málið. I kjölfar eignabreytinganna
varð nokkur brottflutningur fólks
frá Súðavík og sagt er að fleiri hafi
heitið því að fara ef Hæstiréttur
staðfestir dóm undirréttar í mál-
inu. Hvaða áhrif hefur þessi mála-
rekstur haft á mannlífið í Súðavík?
„Því er erfitt að svara", segir
Guðmundur. „Við höfum átt í vök
að verjast. Hér hefur fólki fækkað.
Hvort einhverjir hafa flutt í burtu
vegna þessa beinlínis er ekki gott
að segja, eflaust hefur fólk haft
einhverjar aðrar ástæður. Þessar
deilur hafa varpað skugga á bæjar-
lífið og haft mjög slæm áhrif á allt
félagsstarf. Menn skiptast í fylk-
ingar og dæmi eru um fólk sem
hætt hefur að talast við eftir ára-
tuga kunningsskap.“
„Sé horft framhjá þessu, er gott
að búa í Súðavík", segir Guð-
mundur. „Hér er gott að vinna.
Þetta er hæfilega stórt bæjarfélag í
fögru umhverfi. Menn geta valið
hvort þeir vilja vera hér í friði og
ró, og svo er stutt í skemmtanir og
menningarlíf á ísafirði.“