Vestfirska fréttablaðið - 20.05.1992, Blaðsíða 7
tVESTFIRSKA'
Miðvikudagur 20. maí 1992
7
Aðalfundur Hótels ísafjarðar fyrir árið 1991:
Heildartekjur jukust um
32% frá árinu 1990
— loksins umtalsverður hagnaður af rekstri
Hótelstjórarnir á Hótel ísaflrði, Áslaug S. Alfreðsdóttir og
Ólafur Örn Ólafsson. Þau tóku við stjórnartaumunum í árshyrj-
un 1989 og hafa því veitt Hótel Isafirði forstöðu nokkuð á fjórða
ár. Á þeim tíma hefur reksturinn tekið algerum stakkaskiptum,
bæði að því sem snýr að viðskiptavinum og einnig hvað afkomu
snertir.
Árið 1991 varð Hótel ísa-
firði mjög hagstætt. Heildar-
tekjur voru tæplega 84 millj-
ónir, sem er 32% hækkun frá
fyrra ári, en það er langt um-
fram verðlagsþróun. Árið
1990 var tekjuaukning aftur á
móti svipuð og almenn verð-
lagsþróun það ár. Hagnaður af
rekstri á síðasta ári var 4.7
milljónir króna, en árið 1990
var hann um eitt hundrað þús-
und krónur. Segja má að
hagnaður hafi verið af rekstri
í fyrsta sinn á síðasta ári frá
því að núverandi hótelstjórar
tóku við Hótel Isafirði. Veru-
legur rekstrarbati hefur þó
verið síðustu þrjú ár.
Þetta kom fram á aðalfundi
Hótels Isafjarðar, sem haldinn
var sl. miðvikudag. Hérverða
rakin helstu atriði úr árs-
skýrslu og reikningum hótels-
ins.
Mjög mikið var unnið að
viðhaldi á Hótel ísafirði á síð-
asta ári, eða fyrir um 6 milljón-
ir króna. Nauðsynlegri við-
haldsvinnu er engan veginn
lokið og má einnig á þessu ári
gera ráð fyrir töluverðum út-
gjöldum. Hluta af þessu við-
haldi má rekja til þess hversu
lítið var unnið að viðhaldi í
mörg ár.
Hlutfallsleg lækkun varð á
öllum kostnaðarliðum rekstr-
arreikningsins, nema í við-
haldi vegna þess sem að fram-
an greinir. Mestur bati varð í
hráefnisnýtingu. Á árinu tókst
að lækka vaxtagjöld verulega,
en þau hafa lækkað úr tæpum
40% af veltu 1989 í 13% af
veltu 1991.
Niðurstöður rekstrarreikn-
ings eftir afskriftir og vexti
1991 sýndu tap að upphæð 6,4
milljónir króna, en sú tala
lækkaði úr 11,8 milljónum
króna árið 1990. Þessi
rekstrarbati nægir ekki til að
reksturinn í heild skili hagn-
aði, og er það mjög miður,
því að varla má gera ráð fyrir
að tekjuaukning verði jafn-
mikil á þessu ári og hún var
árið 1991.
Á árinu tókst að auka hluta-
fé í Hótel ísafirði um tæpar
fjórar milljónir króna.
Mikilvægt er talið að halda
áfram á þeirri braut að auka
hlutafé hótelsins og lækka
skuldir, þannig að reksturinn
sé í viðunandi horfi. Skuldir
hótelsins eru óhóflega miklar
og mjög ólíklegt að reksturinn
geti nokkurn tíma staðið undir
þeim.
Nýting á gistirými var mun
betri en árið áður. Nýting var
46,5% árið 1991 en 36,4% árið
1990. Hótel ísafjörður rak
sumarhótel í heimavist
Menntaskólans á ísafirði og er
það mjög góð viðbót yfir há-
annatímann. Hótel ísafjörður
rak bæði tjaldsvæðin á ísafirði
á síðasta ári. Ráðinn var
starfsmaður til að sjá um þrif
og eftirlit með svæðunum.
Þegar mest var voru yfir 40
tjöld í Tungudal á dag. Tekið
var gjald síðari hluta sumars,
og gafst það vel. Nú er svo
komið að nauðsynlega þarf að
bæta tjaldsvæðið í Tungudal.
ísafjarðarkaupstaður hefur
annast endurbætur, en því
miður er ekki gert ráð fyrir
neinum framkvæmdum þar í
sumar. Bæta þarf tjaldstæðið,
tilfinnanlega vantar heitt vatn
og að laga grasflatir, svo
eitthvað sé nefnt.
Tekjuaukning í gistingu var
um 50%, og stafar það bæði af
miklum viðskiptum vegna
einstakra tímabundinna verk-
efna og af fjölgun ferða-
manna. Auk þess hefur hótel-
ið stóran hóp af föstum við-
skiptavinum sem nýta sér
þjónustu þess. Hluta af tekju-
aukningunni má einnig rekja
til góðra meðaltekna á her-
bergjum.
Veitingasala hefur aukist
stöðugt og var aukning frá
1990 til 1991 um tæp 20%.
Þetta má skýra með mikilli
sumarsölu og stöðugri aukn-
ingu allt árið, auk þess sem
hótelið tók að sér að sinna
fleiri verkefnum utan hótels-
ins en áður. Ýmislegt er gert
til þess að fá fleiri til að fara út
að borða, og má í því sam-
bandi nefna fjölskyldukvöld,
jólahlaðborð, saumaklúbba-
kvöld, jasskvöld, skemmti-
kvöld og ýmsar uppákomur,
steikarhlaðborð, japanskt
kvöld og nú síðast lambakjöts-
veislu. Allt krefst þetta gífur-
legrar vinnu við undirbúning
og framkvæmd, þó að það líti
kannski sakleysislega út þegar
gestir mæta prúðbúnir í salinn.
Tekjuaukning í veitingum
varð um 22%, og má rekja
hana að mestu til fjölgunar
seldra máltíða. Kostnaðar-
verð á hráefni lækkaði veru-
lega sem hlutfall af tekjum frá
árinu áður, og má þakka það
auknu aðhaldi, árvekni og út-
sjónarsemi starfsfólks og betri
hráefnisnýtingu.
Laun hækkuðu um 20% á
milli ára, en eins og í flestum
öðrum kostnaðarliðum er það
hlutfallsleg lækkun, miðað við
veltu. Launahækkunina má
rekja til aukinna umsvifa, en
með betri nýtingu er hægt að
nýta starfsfólk betur, sérstak-
lega á dauðasta tíma ársins
þegar nauðsynlegt er að hafa
kjarna af starfsfólki í vinnu,
óháð því hversu margir gest-
irnir eru.
Mikill stöðugleiki var í
starfsmannamálum, og má án
efa rekja hluta tekjuaukning-
arinnar til þess að stór hluti
starfsfólksins er vel þjálfaður
og kann vel til verka.
Viðhald var verulegt á síð-
asta ári, og var stór hluti þess
vinna við húsið að utan, bæði
vegna þakskemmda og múr-
skemmda. Nú í sumar verður
haldið áfram að vinna við hús-
ið að utan og vonandi verður
þeim viðgerðum lokið fljótt og
vel.
Auk þessa verður á næst-
unni nauðsynlegt að fegra um-
hverfi hótelsins, laga gang-
stéttir, planta trjám, bæta lýs-
ingu og fleira til að lífga upp á
umhverfið.
Innan dyra var aðallega
skipt um stóla í öllum veitinga-
sölum, enda löngu tímabært,
og skipt um húsgögn á skrif-
stofu. Auk þess var unnið að
ýmsu smávægilegu, svo sem
við málningu og þess háttar.
MARKAÐSMÁL
Mikið hefur verið gert til
þess að laða fleiri ferðamenn
til Vestfjarða og ísafjarðar.
Þetta er mjög tímafrekt starf
og skilar sér ekki alltaf strax í
fjölgun ferðamanna. Eins og
sést á nýtingartölum hótelsins
þarf að bæta nýtingu þess
verulega.
Það er skoðun hótelstjór-
anna Áslaugar S. Alfreðsdótt-
ur og Olafs Arnar Olafssonar,
að mikið vanti á að hagsmuna-
aðilar í ferðaþjónustu og í at-
vinnulífinu leggi sig fram um
að kynna Isafjörð, hvort held-
ur er sem ferðamannastað eða
sem stað sem býður fjöl-
breytta þjónustu við atvinnu-
lífið. Breyting þarf að verða í
þessum efnum, að þeirra
dómi, og hinir fjölmörgu hags-
munaaðilar að sameinast um
að efla ímynd ísafjarðar. I því
efni nefna þau hina fjölþættu
starfsemi sem tengd er við
höfnina, svo og þau fjölmörgu
verkstæði og þjónustufyrir-
tæki sem hafa hag af auknum
viðskiptum. „Nauðsynlegt er
að allir vinni saman til að ná
settum markmiðum", segja
þau Ólafur og Áslaug. „Til
dæmis þarf að útbúa kynn-
ingarefni, þar sem gert er átak
í því að kynna bæinn og þá
atvinnustarfsemi sem er á Isa-
firði. Markmið væri að kynna
ísafjörð bæði sem þjónustubæ
fyrir atvinnulífið og sem ferða-
mannastað. Árangur af góðri
samvinnu allra sást glögglega
á Skíðavikunni í vetur. Isa-
fjörður á stórkostlega mögu-
leika á því að efla atvinnulíf
með myndarlegu átaki í kynn-
ingu á þeirri fjölbreyttu þjón-
ustu sem í boði er.“
SMÁ
LANDROVER
Til sölu gamall Landrover.
Selst á vægu verði.
Uppl. á Vestfirska.
GARÐPLÖNTUSALA
Sala ágarðplöntum hefst föstudaginn 29. maínk. kl. 14.00.
Tré og runnar í miklu úrvali
Garðplöntusala Ásthlldar
Seljalandsvegi 100, 400 ísafirði
Sími 3351
HÚS TIL SÖLU
Húseignin Mánagata 3 á ísafirði
er til sölu.
Tilboð óskast.
Nánari uppl. í síma 4659 og 3586.
Til styrktar
Halldóru Ingólfsdóttur:
Halldóra Fngólfsdöttir breytni (og kannski ekki
frá Ísafirðí dvelst enn í síður þeim sem vinna einir
London og bíður cftir þvi hjá sjálfum sér). Það mun-
að fá nýtt hjarta og jungu. ar ekki alla mikið um að
Dvölin erekki aðeinserfið, sjáafeinumdaglaunum.en
hún er einnig mjög kostn- það munar um slíkt þegár
aðarsöm. saman kemur. Framlagiö
frá starfsmönnunum þjá
Vpstfirska frétti af því, Ágústi og Flosa hf. einum
að nú fyrir nokkrum saman reyndist þannig um-
dögum tóku starfsmennirn- talsverð, eða kr. 66.750.
ir hjá Ágústi og Flosa hf. á Vestfirska fréttablaðið
Isafirði sig saman og fékk upplýsingar um spari-
ákváðu aðgefaein daglaun sjóðsbók í eigu Halldóru
hver til styrktar Halldóru Ingðlfsdóttur í Lands-
og börnum hennar. banka íslands á ísafirði.
Við segjum frá þessu Bókin er nr. 23730 og þar
hér, í þeim tilgangi að það ættu menn að geta lagt inn
megi verða starfsmönnum framlög ef þcir telja sig af-
annarra fyrirtækja til eftir- lögufæra.
Menntaskólanum á ísa-
firði vérður slitið á'Sal skól-
ans í bóknámshúsinu á
Torfnesi á laugardaginn
kemur, 23. maí. Athöfnin
verður með hefðbundnum
hætti. Brautskráðir verða
m.a. um 30 stúdentar og
auk þeirra nemendur af
Öðrum brautum, vélstjórar
og fleiri.
Tónlístarflutningur við
brautskráninguna verður
áðallega í höndum nem-
enda skólans.
Allir eru velkomnir með-
an húsrúm leyfir.
QÐINN BAKARl
BAKARÍ 0 4770
VERSLUN 0 4707
Canon
litljósritun
ÍSPRENT HF.
PRENTSMIÐJA S 94-3223
Stjórn Lífeyrissjóðs
Vestfirðinga samþykkti á
fundi sínum 13. maí 1992
að lækka vexti af skulda-
bréfum sjóðfélaga úr 7,9%
í 7% ársvexti frá og með
21. maí 1992.