Feykir - 22.02.1984, Side 3

MIÐVIKUDAGUR 22. FEBRÚAR 1984
FEYKIR 3
Gullnáma Sauðárkróks
Aðeins helmingur heita vatnsins er notaður
Hitaveitugjöld lœkka hjá þorra bœjarbúa
Kaldavatnsskattur lœkkaður um 26%
Páll Pálsson veitustjóri stendur hér viðjarðborþann sem Jón Nikódemusson smíðaði og var notaður
til að bora fyrstu holur Hitaveitu Sauðárkróks. Bornum hefur verið komið fyrir á virkjunarsvæði
Hitaveitunnar sem minnismerki um brautryðjendastarf Jóns.
Miklar framkvæmdir voru hjá
Hitaveitu Sauðárkróks á síðasta
ári og talsverðar breytingar hafa
orðið á útreikningi afnotagjalds
Hitaveitunnar, þannig að fasta-
gjald hefur verið fellt niður en
lítragjaldið hækkað á móti. Til
að forvitnast um þetta og önnur
málefni Hitaveitunnar fór blaða-
maður Feykis á fund Páls
Pálssonar, veitustjóra og bað
hann að segja frá helstu fram-
kvæmdum síðasta árs.
„Aðalframkvæmdirnar voru
á virkjunarsvæðinu niður við
dælustöð. Skipt var um safnæð-
ar þar, en fyrir voru gamlar
asbestlagnir sem andaði heldur
kalt um á veturna og þar
tapaðist því mikil orka. Með
nýju leiðslunum eykst orkan til
bæjarbúa um 10%, þannig að
hver maður getur séð að þessi
fjárfesting skilar sér í vasa hvers
einasta bæjarbúa. Hitinn á
vatninu í bænum jókst um allt
að tvær og hálfa gráðu.
Við erum búnir að kaupa
búnað til að stjórna þrýstingi á
vatni frá dælustöðinni og einnig
er verið að koma upp tækjum
til að stjórna yfirfallinu, en eins
og nú er rennur talsvert af heitu
vatni út í mýrina þarna. Þessi
tæki verða sett í stærstu bor-
holuna, en þetta er loki sem
stjórnar vatnshæðinni í vatns-
þrónni.
Unnið var við endurbætur á
dreifíkerfinu. Vesælar stofnlagn-
ir voru lagfærðar og áfram
haldið við stækkun dreiflkerfis-
ins; nýjar lagnir voru lagðar í
tvær götur í Túnahverfi.”
Hefur komið til vatnsskorts hjá
veitunni, t.d. nú í vetur?
„Nei, engin vandræði hafa
verið með heitt vatn í vetur og
ekki heldur undanfarna vetur.
Þrýstingurinn hefur aldrei minnk-
að meira en um 200 g, sem er
sáralítið. Við eigum hér á
Sauðárkróki nóg heitt vatn og
notum ekki nema um helming
þess magns sem holurnar gefa af
sér, sem er 160 sekúndulítrar, en
neyslan hjá okkur þegar hún er
mest, er ekki nema um 88
sekúndulítrar. Starfsmenn Orku-
stofnunar telja þessa hitaveitu
hér einstaka gullnámu, sem vart
eigi sér hliðstæðu. Við þurfum
t.d. ekki að dæla upp úr einni
einustu holu, sem þarf víðast
hvar annars staðar. Ef við
myndum dæla upp úr okkar
holum hefðum við margfalt það
magn sem okkur er nauðsyn-
legt.”
Fyrir nokkrum dögum var
fastagjald hitaveitunnar fellt nið-
ur og lítragjaldið hækkað. Hvers
vegna?
„Þetta fastagjald var lagt ofan
á gjaldskrána árið 1981 þegar
engar hækkanir fengust á verð-
skrám hitaveitna, en þá var
verið að bora hjá okkur og
nauðsyn á auknum tekjum. Því
var þessu fastagjaldi bætt ofan á
það gjald sem notendur greiddu
fyrir vatnsnotkun sína. Þetta
hefur komið þannig út, að þeir
sem búa t.d. í blokkum og
kaupa minnst af heitu vatni,
hafa borgað hærra verð fyrir
hvern lítra heldur en þeir sem
mikið kaupa, en nú munu allir
greiða sama verð fyrir keyptan
lítra. Breytingin virkar þannig,
að hjá flestum mun gjald fyrir
hitaveitu lækka eða standa í
stað, eða hjá um 84,6% af þeim
notendum sem kaupa heitt vatn
eftir hemli. Hjá hinum verður
hækkun.
Sá sem kaupir nú 2 mínútu-
lítra mun við næstu innheimtu
borga 45 krónum minna á
mánuði, þeir sem kaupa 4 lítra
standa nokkurn veginn í stað, en
t.d. þeir sem kaupa 5 lítra munu
næst borga 34 kr. meira á
mánuði.
Flestir telja að fastagjaldið
hafi verið óréttlátt og einungis
ætlað til að brúa bil á erfiðum
tíma, þ.e.a.s. neyðarráðstöfun
til að afla hitaveitunni tekna
þegar aðrir möguleikar voru
útilokaðir og því sé um að gera
að létta gjaldinu af núna, þannig
að allir sitji við sama borð, hvort
sem þeir kaupa mikið eða lítið af
heitu vatni.”
Eins og fram kemur á skýr-
ingarmynd hér á síðunni þá er
hitaveitan á Sauðárkróki ein
alódýrasta hitaveita landsins og
hefur áður verið sagt frá þvi hér í
Feyki. Það er þó ekki víst að allir
átti sig á því um hve háar
fjárhæðir er hér að ræða; hve
stóran þátt hitaveitan á í meiri
ráðstöfunartekjum heimila á
Sauðárkróki en annars væri, t.d.
borið saman við Akureyri eða
Blönduós. Páll sagði frá því að á
ráðstefnu sem hann sótti nýlega
um hitaveitumálefni hefðu menn
verið að gamna sér við að reikna
út mismuninn á Sauðárkróki og
Hofsósi hvað upphitunarkostn-
að varðar. Niðurstaðan var sú að
ef t.d. Hofsósingar hefðu jafn
lágt orkuverð til húsahitunar og
Sauðkrækingar, þá gætu þeir
hætt nokkurn veginn að vinna
yfirvinnu (miðað við 8 yfir-
vinnutíma á viku) og þó haft
sömu ráðstöfunartekjur.
Páll var spurður um fram-
kvæmdir hitaveitu á þessu ný-
byrjaða ári.
„Það verður haldið áfram
vinnu við dælustöðina, að setja
upp þrýstijafnarana sem ég
talaði um áðan. Helsti höfuð-
verkur okkar er stofnlögnin frá
blokkunum við Víðigrund og
norður að kirkju. Þetta er gömul
asbestlögn frá árinu 1968, sem
er orðin mjög léleg og lekur víða.
Heita vatnið hér étur upp
asbestið, eyðir sementinu í því,
þannig að við erum hræddir um
að pípurnar geti gefið sig hvenær
sem er. Við gælum við þá
hugmynd að endurnýja helm-
inginn á næsta ári, alla vega
verður að fara að byrja á þessu
verki. Það er búið að gera
áætlun um nýja stofnlögn út að
kirkju með viðbótartengingu út
á Eyri og myndi sú framkvæmd
kosta um sjö og hálfa milljón
króna.
Stofnlögn á iðnaðarsvæðið er
einnig ofarlega á óskalistanum.
Þessar framkvæmdir stefnum
við að að gera án þess að taka til
þess stór lán, því tekjur hitaveit-
unnar eiga að standa undir
þessu.”
Þú hefur einnig yfirumsjón með
vatnsveitunni, þ.e. kalda vatninu.
Hvað er þar helst á döfínni?
„Yfirleitt var vatnsveitan áð-
ur fyrr baggi á bæjarsjóði, eða
allt fram undir 1978, en þá var
vatnsskatturinn hækkaður í á-
föngum og þá loks fór veitan að
skila tekjum. Þessi skattur hefur
að undanförnu hækkað og var
orðinn ansi hár, ég held með því
hærra sem gerist með kalt vatn.
Um sama leyti var farið að
selja kalda vatnið eftir
mæli til stærstu notendanna og
þeir þurftu því að borga meira
en áður. Af þessum sökum
breyttist umgengni manna við
kalda vatnið og menn eru hættir
að líta á það sem verðlaust og
óþrjótandi.
Hlíðahverfi fékk sína vatns-
veitu árið 1980 úr Molduxa-
skarðinu, en þaðan kemur mjög
gott vatn. Áður var notað
yfirborðsvatn úr Sauðá.
Á síðasta ári voru helstu
framkvæmdir vatnsveitu þær, að
stofnlagnir voru lagðar í syðri
hluta Hlíðahverfis, efri hluta
Túnahverfis og aðallögn lögð í
iðnaðarsvæðið.
Dýrustu framkvæmdir vatns-
veitunnar eru að baki, þ.e. virkjun
linda i Molduxaskarði og í
Veðramótslandi og því var sú
ákvörðun tekin að lækka vatns-
skattinn um tæp 26%, úr 0,27%
af fasteignamati í 0,2%. Þetta
kemur sér vel fyrir einstaklinga
og ekki síður fyrirtækin. Þrátt
fyrir þessa lækkun vonumst við
til að hagur veitunnar verði
nokkuð góður.
Næsta sumar verður unnið við
endurnýjun lagna í gamla bæn-
um, sem að hluta til er síðan árið
1912. Þá verður einig unnið við
Molduxaveituna og Veðramóts-
veituna... og hugsað verður til
heimæðar að vatnspökkunarverk-
smiðju.”
„Sneyðist nú um
bjargarskortinn”
ORKUVERÐstarfandi hitaveitna sem hlutfall af
óniðurgreiddu olíuverði (ásamt
raforkuverði skv. taxta Rafmagnsveitna
ríkisins til húshitunar).
SELTJARNARN
MOSFELLSHR
ÓLAFSFJÖRÐUR
HVAMMSTANGI
ÞORLÁKSHÖFN
RAFHITUN
MEÐ NIÐUR-
GREIÐSLU
BESSASTAÐAHREPPUR
VESTMANNAEYJAR
SIGLUFJORÖUR
BLÖNDUÓS
H RANGÆI NGA
AKRANES OG BORGARFJÖRÐUR
OLIA
MEÐ NIÐUR- RAFHITUN
GREIÐSLU ÓNIÐURGR
60 70 80 90. 100
ORKUVERÐ %AF OLÍUVERÐI