Feykir - 23.05.1984, Qupperneq 3

MIÐVIKUDAGUR 23. MAÍ 1984
FEYKIR 3
Það sýnir aðsóknin að skólanum
Skólaslit Bændaskólans á Hólum
valgreinum sem við vildum bjóða
vegna fæðar nemenda.
I sumar verður unnið að byggingu
verknámshúss sem ætlunin er að
taka í gagnið strax í haust. Brýnast í
þessu sambandi er stækkun heima-
vistar svo vöxtur skólans geti orðið
sem eðlilegastur, sérstaklega með
hliðsjón af þeim nýju greinum sem
eru að ryðja sér til rúms innan
landbúnaðarins og búnaðarskólar
verða að sinna. Möguleikarnir eru
fjölmargir, sumir lítið nýttir, aðrir
ekkert. Má nefna loðdýrarækt,
fiskirækt, garðrækt, ferðamanna-
þjónustu og smáiðnað ýmis konar.
Öllu þessu verða búnaðarskólarnir
að sinna ef vel á að vera. Það er
einnig augljóst að með aukinni og
bættri menntun innan landbúnað-
arins eru líkur meiri að hann verði
rekinn af aukinni hagkvæmni og
með réttum áherslum. En aðsóknin
að skólanum sýnir svo ekki verður
um villst að ungt fólk trúir á að
landbúnaðurinn eigi framtíð fyrir
sér. Það er einnig nauðsynlegt að
litið sé á landbúnað sem atvinnuveg
fyrst og fremst, ekki sem lífsform
ákveðinna einstaklinga.”
Útboð
Vegagerðarinnar
Óánægja meðal
vörubílstjora og
vélaeigenda
Oánægja er nú meðal vélaeigenda
og vörubílstjóra á Norðurlandi
vestra með útboð Vegagerðar ríkis-
ins. Fyrirtæki utan svæðisins hafa í
mörgum tilvikum náð þessum verk-
um með gífurlegum undirboðum.
Sjá eigendur þessara atvinnutækja
hér heima margir fram á litla
atvinnu í sumar.
Útboð Vegagerðarinnar hafa ver-
ið opin, þ.e. öllum hefur veriðfrjálst
að bjóða í verkin, en heimamenn
hafa viljað viðhafa lokuð útboð,
sem felst í því að Vegagerðin myndi
velja út nokkur fyrirtæki sem hér
starfa og biðja um tilboð frá þeim.
Að sögn Jónasar Snæbjörnssonar
umdæmisstjóra Vegagerðarinnar
verða þó áfram viðhöfð opin útboð,
en hugsanlega kæmi til greina að
vera með lokuð útboð þegar um
smærri verkefni að ræða, s.s.
viðhaldsverkefni ýmiskonar.
Fram til þessa hafa verið boðin út
verk hjá Vegagerðinni í sumar sem
hljóðuðu upp á 15 millj. kr. í
kostnaðaráætlun, en tilboðin hins
vegar aðeins upp á 9 milljónir.
Mismunurinn, 6 milljónir.
Bændaskólanum á Hólum varslitið
við formlega athöfn í Hóladóm-
kirkju föstudaginn 11. maí s.l.
Tuttugu búfræðingar útskrifuð-
ust, 14 piltar og 6 stúlkur. Hæstu
einkunn hlaut Heiða Lára Eggerts-
dóttir, ágætiseinkunnina 9,1. Jón
Gíslason hlaut einnig ágætiseink-
unn 9,0. Fyrstu einkunn hlutu
Höskuldur Jónsson 8,5, Ágúst
Jónsson 8,2, Jakob Jóhannsson 8,2
og Anna Sólveig Árnadóttir 8,0.
Jón Bjarnason, skólastjóri
Bændaskólans, stjórnaði athöfninni
og afhenti prófskírteini og viður-
kenningar fyrir góðan námsárangur
í einstökum greinum. Séra Hjálmar
Jónsson prófastur predikaði ogséra
Sighvatur Emilsson staðarprestur
þjónaði fyrir altari.
Að athöfninni lokinni náði blm.
Feykis tali af Jóni Bjarnasyni
skólastjóra og spurði hann útí
skólastarfið á liðnum vetri og hvað
væri framundan.
„Auk hefðbundinnar kennslu í
búfræðigreinum þá höfum við í
Jón Bjarnason skólastjórí ajhendir
Heiðu Láru Eggertsdóttur einkunnir.
vetur boðið upp á kennslu í
loðdýrarækt og fiskirækt, greinar
sem eiga mikla framtíð fyrir sér og
Nemendur og skólastjóri Hólaskóla að loknunt skó/as/itum 1984.
sem menn eru í sívaxandi mæli að
snúa sér að. Við höfum reynt að
koma til móts við þennan áhuga
með því að bjóða kennslu í þessum
greinum og áhuginn meðal nem-
enda er mikill. Bændaskólinn á
Hólum er eini skólinn á landinu sem
býður kennslu í fiskirækt og fiskeldi
og ég held að mér sé óhætt að
fullyrða að þessi kennsla stendur
fyllilega jafnfætis sambærilegu námi
erlendis, t.d. í Noregi og Skotlandi.
Auk þessa bjóðum við námskeið
fyrir áhugamenn um fiskeldi og
fiskirækt, við héldum eitt slíkt í apríl
og vegna mikils áhuga var ákveðið
að efna til annars 18.-20. maí.
Nemendur í vetur voru 39, þessi
20 sem útskrifuðust nú og 19 á fyrra
ári. Síðustu árin höfum við orðið að
vísa allmörgum umsóknum frá
vegna mikillar aðsóknar að skólan-
um, en húsnæðisleysi háir okkur í
þessu tilliti. Ef vel ætti að vera
þyrftu nemendur skólans að vera
um 60, 30 á hvoru ári, þá yrði
rekstur skólans mun hagkvæmari
og starfslið nýttist mun betur. Við
höfum átt í nokkrum erfiðleikum
með að halda úti öllum þeim
Um fimmtán manna nýtt fyrirtæki að hefja starfsemi sína
Rækjuvinnsla á Sauðárkróki
Nú um mánaðamótin tekur til
starfa rækjuvinnsla á Sauðárkróki
við Hesteyri út við höfnina. Unnið
hefur verið við endurbætur á
húsnæði og uppsetningu á tækjum
frá því snemma í apríl og nú benda
allar líkur til þess að vinnsla með
fullum afköstum geti hafist í byrjun
júní.
Haraldur Hákonarson er fram-
kvæmdastjóri fyrirtæksins og eftir
miklar krókaleiðir tókst blm. Feyk-
is að mæla sér mót við hann einn
morguninn í vikunni sem leið.
„Já, það er rétt, símaleysið hefur
gert okkur mjög erfitt fyrir. Menn
vita ekki hvernig á að ná í okkur og
við verðum að hlaupa heim til að
hringja. Það virðist útilokað að fá
síma eins og er, en staðreyndin er sú
að án síma á staðnum er illmögulegt
að koma þessu af stað með
eðlilegum hætti. Þetta hljómar
kannski sem lítilfjörlegt atriði en
gerir oft einfalda hluti mjög flókna.”
— En samt?
„Já, já. Þetta hefur samt allt
gengið. Við erum núna að bíða eftir
síðustu vélinni, pillunarvél svokall-
aðri og þegar búið verður að setja
hana niður verður hægt að fara í
gang.”
— Hvernig gengur vinnslan fyrir
sig?
„Við verðum með tvo báta sem
leggja upp hjá okkur, Ágúst Guð-
mundsson úr Vogum og Sigurjón
Arnlaugsson úr Hafnarfirði. Báðir
nokkuð stórir, Ágúst er um 160
tonn og Sigurjón rúm 180. Síðan er
þetta með venjulegum hætti, rækjan
flokkuð og pilluð, fryst og pökkuð.
Það má geta þess að við hraðfrystum
rækjuna hér inni en verðum ekki
með hægfrystingu í gámum sem nú
hefur verið bönnuð af sjávarútvegs-
ráðherra. Við notum tvo frystigáma
sem frystigeymslur en frystum ekki í
þeim. Afkastageta vinnslunnar er
um 400 kg á klukkustund, eða um
4 tonn á dag miðað við 10 tíma. Við
ættum að geta náð því marki
nokkuð auðveldlega með þessum
tveimur bátum.
Hér munu í allt vinna um 14-15
manns, þar af 10-12 í salnum, 8 við
færibandið, 1 við pillunarvél og
einhverjir við þrif á tækjum og
löndun úr bátunum.”
— Verðfall á rækju. Eruð þið
ekkert hrædd við það?
„Nei, mér sýnist verðið standa
nokkuð í stað eftir að það féll
snögglega fyrir nokkru. Það verð
sem nú fæst, 160-170 kr. fyrir kg er
viðunandi. Það er hægt að vinna
rækjuna fyrir það verð.”
— Hverjir standa að fyrirtæk-
inu?
„Eignaraðilar eru alls fimmtán,
allt einstaklingar hér á staðnum.
Nokkur okkar munu einnig vinna
við fyrirtækið þegar til kemur.
— Kostnaður við að stofna svona
fyrirtæki?
„Eg vil nú helst ekki nefna neinar
ákveðnar tölur, en hann er nokkuð
mikill.”
— Milljónir?
„Já, ætli þær séu ekki einhverjar.”
Haraldur Hákonarson framkvœmdastjóri nýju rœkjuverksmiðjunnar á Sauðárkróki.
Ungtfólk
hefur trú á
landbúnaði