Vestfirska fréttablaðið - 05.07.1995, Síða 5

VESTFIRSKA
FRÉTTABLAÐIÐ L
Miðvikudagur 5. júlí 1995
Notalegt sumarkvöld í Neðsta
Guðjón Ólafsson enskukennari við Framhaldsskóla Vest-
fjarða, sem flutti enskan útdrátt, Sæmundur Guðmundsson
með harmonikuna og Jensína Jensdóttir sem gekk skartbúin
um beina.
Flytjendur samantektarinnar um baráttuna við náttúru
Vestfjarða, Baldur Hreinsson ieiklistarnemi og Guðjón
Ólafsson kennari. Benda má á að þeir félagarnir eiga svo
sem ýmislegt fleira sameiginlegt en það að stunda upplestur
á Sumarkvöldum í Neðstakaupstað: Þeir hafa báðir starfað
í lögreglunni á ísafirði, þeir hafa báðir gegnt formennsku í
Litla leikklúbbnum, og þeir afgreiða báðir í Ríkinu á ísafirði
í sumar...!
Hið fyrsta af sjö vikulegum
„Sumarkvöldum í Neðsta-
kaupstað" á Isafirði var haldið
í Tjöruhúsinu á fimmtudags-
kvöldið í síðustu viku. Hér er
um að ræða skemmtikvöld með
þjóðlegu ívafi og hefur hvert
kvöld eitthvert ákveðið við-
fangsefni (þema) sem tengist
Vestfjörðum. Flutt eru erindi
um viðfangsefni kvöldsins,
tónlist skipar stóran sess, farið
er stuttlega yfir sögu húsanna í
Neðsta og kynntur einhver
safngripur hverju sinni. Kynnir
kvöldanna er Baldur Hreinsson
en Guðjón Olafsson flytur
enskan útdrátt. Harmoniku-
leikarar spila nokkur lög.
Á fyrsta „Sumarkvöldinu í
Neðstakaupstað" sl. fimmtu-
dag var viðfangsefnið „Barátt-
an við náttúruöflin á Vest-
fjörðum" og var meginefnið
samantekt eftir Jónu Símoníu
Bjarnadóttur sagnfræðing, sem
þeir félagar Baldur og Guðjón
fluttu. Sæmundur Guðmunds-
son spilaði á nikkuna, kvartett
úr Bolungarvík söng nokkur
lög án undirleiks og Jón Sigur-
pálsson spjallaði við gesti um
húsin í neðsta og útskýrði
safngripi. í Tjöruhúsinu er búið
að koma fyrir borðum og
bekkjum og var samkoman
fjölsótt og tókst hið besta.
Á borðurn var kaffi og
bakkelsi (kieinur, pönnsur og
flatkökur) og á eftir var boðið
upp á hákarl og brennivín í
sumarblíðunni fyrir utan
Tjöruhúsið.
Sumarkvöld í Neðstakaup-
stað eru tilvalið tækifæri fyrir
jafnt heimamenn sem gesti til
þess að kynnast broti af sögu
Vestfjarða og njóta jafnframt
góðrar stundar í notalegu um-
hverfi. Þessi kvöld verða í
Tjöruhúsinu öll fimmtudags-
kvöld til 10. ágúst og hefjast kl.
20.30. Viðfangsefnin hverju
sinni verða þessi:
6. júlí: Trú á álfa og tröll á
Vestfjörðum.
13. júlí: Konur í sögu Vest-
fjarða.
20. júlí: Mannlíf og menning
á Hornströndum.
Jón Sigurpálsson safna-
vörður í Neðsta segir frá.
27. júlí: Galdrar á Vestfjörð-
um.
3. ágúst: Saga Isafjarðar sem
staðar verslunar og menningar.
10. ágúst: Saga fiskveiða og
fiskvinnslu, hvalstöðva og
síldarverksmiðja á Vestfjörð-
um.
Hvítasunnusöfnuðurinn
Salem á ísafirði 50 ára
Samkomutjald hvítasunnumanna á Eyrartúni.
Um sfðustu helgi var haldið
með veglegum hætti upp á 50
ára afmæli Hvítasunnukirkj-
unnar Salem á ísafirði, en af-
mælið sjálft var reyndar hinn
1. janúar síðastliðinn. I sam-
komutjaldi á Eyrartúni voru
samkomur á hverju kvöldi frá
fimmtudegi til sunnudags.
Einnig var fjölmennt kaffi-
samsæti í Félagsheimilinu í
Hnífsdal þar sem afmælisins
var minnst.
Á meðal þeirra sem heim-
sóttu ísfirska hvítasunnumenn
í tilefni afmælisins voru tveir
synir Arnulfs Kyviks, fyrsta
forstöðumanns safnaðarins, og
kom annar þeirra alla leið frá
New York þar sem hann er bú-
settur.
Hvítasunnumenn munu fyrst
hafa komið til ísafjarðar til trú-
boðs árið 1935. Á stríðsárunum
hóf Norðmaðurinn Arnulf Ky-
vik samkomuhald á Isafirði og
í Hnífsdal, þar sem keypt var
hús fyrir starfsemina. í Sögu
Isafjarðar segir Jón Þ. Þór
sagnfræðingur: „Boðskapur
hvítasunnumanna virðist hafa
fengið dágóðar undirtektir á
Isafirði, því á nýársdag 1945
stofnuðu þeir þar söfnuð, og
voru stofnendur hans tíu.
Amulf Kyvik var fyrsti for-
stöðumaður safnaðarins, og í
janúar 1945 festi hann kaup á
húsinu Fjarðarstræti 24, þar
sem Húsmæðraskólinn Osk var
þá til húsa. Húsið var þó ekki
laust til afnota strax, og 1945
voru samkomur því haldnar í
veitingahúsinu „Vitanum",
sem þá var til húsa í Hafnar-
stræti 1, en húsið í Hnífsdal
hafði verið selt, er Fjarðarstræti
24 var keypt.“
Núverandi forstöðumaður
hjá Hvítasunnusöfnuðinum á
Isafirði er G. Theódór Birgis-
son.
í kvöldblíðunni fyrir utan Tjöruhúsið. Frá vinstri Jóna Símonía
Bjarnadóttir sagnfræðingur, höfundur erindis kvöldsins sem
hét „baráttan við náttúruna á Vestfjörðum", Eiríkur Finnur
Greipsson, framkvæmdastjóri Fjórðungssambands Vestfirð-
inga, Guðlaug Auðunsdóttir, eiginkona hans, og Sigríður O.
Kristjánsdóttir, starfsmaður Vesturferða á ísafirði.
Karlakvartett úr Bolungarvík: Karvel Pálmason, Einar
Jónatansson, Hannes Baldursson og Hallgrímur Kristjáns-
son.
Gestir fá sér hákarl og brennivín fyrir utan Tjöruhúsið.
mi Hll
Mi Sýslumaðurinn
á ísafirði
ATVINNA
Laust er starf skrifstofumanns á skrif-
stofu embættisins, frá 1. ágúst.
Allar nánari upplýsingar um starfið og
launakjör veitir skrifstofustjóri, Óli M.
Lúðvíksson.
Sýslumaðurinn á ísafirði,
Ólafur Helgi Kjartansson.
Sjóstangaveiði
Sjóstangaveiðifélag Isfirð-
inga (Sjóís) gekkst fyrir
sjóstangaveiðimóti á föstu-
dag og laugardag með
þátttöku víða af landinu.
Nánari fréttir af mótinu,
svo og frásögn af heimsókn
austurrísks iðnjöfurs sem
brá sér á sjóstöng með
Hafsteini og Kiddý á Blika
ÍS, bíða næsta blaðs. Á
myndinni er Þórir Sveins-
son fjármálastjóri, for-
maður Sjóís, vígreifur með
veiðihattinn.
5
TIL SÖLU
TIL LEIGU
THE CROW
PASSENGER 57
JURASSIC PARK
THE PROGRAM
THEDARKHALF
MYLIFE
HARD TARGET
MASK
ACE VENTURE
PELICAN BRIEF
MAVERICK
og margar margar
fleiri
MIKIÐ ÚRVAL
AFBARNA-
MYNDUM
m/íslensku tali
TIL SÖLU
TRIAL BY JURY
THE LAST
SEDUCTION
Videohöllin er eins
og lífið - hún kemur
sífellt d óvart
S. 456 4853
Númer sem md syngja
Gaui alltaffyrstur
með myndirnar