Vestfirska fréttablaðið - 14.02.1996, Blaðsíða 1
FRÉTTABLAÐIÐ
Fundur um
vinstra framboð
í kvöld
Hótel ísafjörður.
Fundur um sameiginlegan
framboðslista félagshyggju-
fólks á norðanverðum Vest-
fjörðum var haldinn sl. sunnu-
dag og voru þar fulltrúar frá
Alþýðuflokki, Alþýðubanda-
lagi, Kvennalista, Vestfjarða-
lista og óháðum listum í þeim
sveitarfélögum sem sameinuð
verða. Akveðið var að hvert
framboð skyldi tilnefna fulltrúa
í viðræðunefnd, sem boðuð
hefur verið til frekari viðræðna
á Hótel ísafirði í kvöld, mið-
vikudagskvöld. Enginn var frá
Framsóknarflokknum á fund-
inum á sunnudag og virðast
skiptar skoðanir meðal fram-
sóknarmanna til málsins og ó-
vissa um þátttöku þeirra. „Við
höfum ekki fengið neitt frá
þeim af eða á“, sagði Björn
Hafberg, skólastjóri á Flateyri
og Alþýðuflokksmaður, sem
hefur verið helsti hvatamaður
að sameiginlegu framboði
vinstri aflanna. „Við gerum
okkur ennþá vonir um að hugs-
anlega komi hluti framsóknar-
manna til liðs við okkur, jafnvel
frá öllum flokksfélögum. Ég
hef verið í sambandi við for-
ystumenn í flokknum sem telja
þessu máli hvergi lokið af
þeirra hálfu“, sagði Björn.
Ekki er neitt farið að ræða
um bæjarstjóraefni tilvonandi
vinstri lista, að sögn Björns.
„Nei, málin eru alls ekki komin
á það stig ennþá. Enn hefur
ekki reynt á nein þrengri mál,
hvorki málefni né uppröðun á
lista eða bæjarstjóraefni."
Bjöm er bjartsýnn á fram-
haldið. „Já, ég held að það sé
ekki ástæða til annars. Okkur
er rammasta alvara með því að
reyna að mynda svona breið-
fylkingu. Það er fjölmargt sem
mælir með því að ná saman
fólki úr öllum þessum byggð-
arlögum, brjóta niður
flokkamúrana og setja málefn-
in í öndvegi. Hér má ekkert
ráða annað en hagsmunir
byggðarinnar. Framundan eru
gríðarlega vandasöm verkefni
og öllu skiptir að það verði
friður um hlutina. Við verðum
að gera allt til að viðhalda
byggðinni. Sérhver íbúi er
dýrmætur og við megum ekki
við því að missa fólkið í burtu.
Það er mikilvæg forsenda fyrir
blómlegu og góðu mannlífi á
Isafirði að byggðirnar í kring
haldi sínu“, sagði Bjöm Haf-
berg.
D-listi í næstu vikuP
Stefnt er að því að fram-
boðslisti Sjálfstæðisflokksins
vegna kosninganna í samein-
uðu sveitarfélagi 11. maí nk.
verði tilbúinn í næstu viku, að
sögn Björns Jóhannessonar
lögmanns, formanns uppstill-
ingarnefndar. Starf nefndarinn-
ar hefur gengið vel, að sögn
Bjöms, og var síðast haldinn
fundur í henni á sunnudags-
kvöldið.
Þegar listinn er frágenginn af
hálfu uppstillingarnefndar verð-
ur hann lagður fyrir fundi í
fulltrúaráðum flokksins á
svæðinu.
Ein trilla rær
frá Norðurfirði
Ein krókaleyfistrilla byrjaði
að róa frá Norðurfirði á
Ströndum eftir mánaðamótin.
Eigandinn er Guðmundur
| Elíasson frá Akranesi og rær t
hann oftast einn en stöku sinn-
um við annan mann. Ágætis
I fiskirí er í flóanum en gæftir I
hafa tæpast verið nógu góðar
fyrir svo lítinn bát.
PIZZA 67 S 456 3367
í SJALLANUM ÍSAFIRÐI
Miðvikudagur 14. febrúar 1996 • 7. tbl. 22. árg.
S 456 4011 -Fax 456 5225
Verð kr. 170 m/vsk
Jón Guðjónsson á Laugabóli á Langadalsströnd í Djúpi varð sjötugur sl. sunnudag.
Afmælisveislan á hinu forna höfuðbóli var fjölsótt og fór hið besta fram. Á þessari mynd sem
tekin var í afmælisveislunni getur að líta tvo fyrrverandi hreppstjóra ásamt eiginkonum
sínum. Vinstra megin á myndinni eru Steinunn Ingimundardóttir í Reykjarfirði og Hákon
Salvarsson, fyrrum hreppstjóri Reykjarfjarðarhrepps, sem nú er sameinaður Súðavíkur-
hreppi. Hægra megin eru síðan afmælisbarnið Jón á Laugabóli, fyrrum hreppstjóri Naut-
eyrarhrepps, sem nú er sameinaður Hólmavíkurhreppi og tilheyrir því Strandasýslu, og
Dóróthea Guðmundsdóttir, kona hans. - sjá einnig bls. 4.
Tugir karla, engin kona
Tálknafjörður.
„Viðbrögðin voru mjög góð
af hálfu karlmanna en engin af
hálfu kvenfólks", sagði Þórður
Reimarsson, verkstjóri hjá
Hraðfrystihúsi Tálknafjarðar í
samtali við Vestfirska, en fyr-
irtækið auglýsti eftir starfsfólki
í Morgunblaðinu í síðustu viku.
„Okkur vantaði fjóra-fimm
karla og fengum þá. Einnig
vantaði okkur nokkrar konur
en fengum þær ekki. Alls
hringdu milli tuttugu og þrjátíu
manns, allt karlar, engin kona.
Og allir utan Vestfjarða, hver
einasti.“
Guðrún Hlín er eina skipið
sem leggur upp hjá Hrað-
frystihúsi Tálknafjarðar um
þessar mundir. „Við erum með
svo fátt af fólki, um þrjátíu
manns með þessum sem við
vorum að ráða“, sagði Þórður.
Varamenn boðaðír eftir
geðbóna odduitans
Broddaneshreppur.
Fundur var haldinn þriðju-
daginn 30. janúar sl. í hrepps-
nefnd Broddaneshrepps á
Ströndum. Athygli vakti að af
fimm kjörnum fulltrúum í
sveitarstjórninni mættu aðeins
fjórir. Fyrrverandi oddviti,
Gunnar Sverrisson á Þórustöð-
um í Bitru, er nú í eins árs leyfi
frá sveitarstjórnarstörfum
vegna veikinda og situr vara-
maður hans nú, Guðfinnur
Finnbogason í Miðhúsum í
Kollafirði, sem aðalmaður í
hreppsnefnd. Franklín Þórðar-
son í Litla-Fjarðarhorni í
Kollafirði tók við oddvitastörf-
um í fjarveru Gunnars.
Það sem mesta athygli vakti
varðandi síðasta hreppnefndar-
fund var að varamaður Torfa
Halldórssonar á Broddadalsá,
eða annar varamaður í hrepps-
nefnd, var ekki boðaður í stað
Torfa sem staddur var í
Reykjavík. Varamaðurinn er
Sigurður Jónsson í Stóra-
Fjarðarhorni sem sat í 10 ár í
hreppsnefnd í Fellshreppi fyrir
sameiningu hans og Ospaks-
eyrarhrepps í eitt sveitarfélag,
Broddaneshrepp, árið 1992.
Fljótlega eftir sameiningu
komu upp illindi í nýrri
hreppsnefnd um ráðningu
skólabílstjóra og fleira í störf-
um hreppsnefndar. Fékk
hreppsnefndin meðal annars
úrskurð frá félagsmálaráðu-
neytinu þar sem henni var gert
skylt að halda fundi sína í
heyranda hljóði og auglýsa
fundi fyrir íbúum sveitarfé-
lagsins með hæfilegum fyrir-
vara. Samkvæmt upplýsingum
blaðsins hefur hreppsnefndin
haldið áfram að halda óaug-
lýsta leynifundi þrátt fyrir úr-
skurðinn. Ekki hefur gróið um
heilt innan sveitarfélagsins sfð-
an í þessum deilum.
Blaðið hafði samband við
Franklín Þórðarson oddvita og
spurði hann hvers vegna Sig-
urður hefði ekki verið boðaður
á fundinn. „Þetta er rétt hjá
þér“, sagði Franklín. „Það eru
margar ástæður fyrir þessu.
Þessi fundur - æ, hvað á ég að
segja - fjallaði um fjárhagsá-
ætlun og fleira. Við, þessir
fimm í hreppsnefndinni, vor-
um búnir að ræða málefnin
okkar á milli í samtölum og
einnig í síma. Svo þegar við
vorum búnir að ákveða fund-
arstað og tíma kom snögglega
upp á að Torfi var fjarverandi.
Sigurður var bara ekki inni í
þeim málum sem við vorum
búnir að ræða svo ég ákvað að
boða hann ekki. Þetta er á-
stæðan fyrir því að Sigurður
var ekki boðaður“, sagði
Franklín oddviti í Litla-
Fjarðarhorni.
-GHj.
P^J L L1 N N HF. S 456 3092 • Sala & þjónusta
Rafþjónusta • Raftækjasaia • Rafhönnun • Rafeindaþjónusta • Siglingatæki • Kælitæki PÓLLINN HF.
NÚ ER HÆGT AÐ HRINGJA BEINT. NÝ SÍMANÚMER í DEILDUM
Verslun 456 4594 Rafmagnsverkstæði 456 4529 Kælitæki 456 4599
Lager 456 4595 Rafvélaverkstæði 456 4596 Tæknideild 456 4583
Rafeindaverkstæði 456 4590
Sími 456 3092 er okkar aðalnúmer.
Þaðan er gefið samband við deildir og miðlað upplýsingum. Geymið auglýsinguna!
SPRAUTUM
NOTAÐ OG NYTT
í ÓTAL LITUM
TRÉSMIÐJAN eM.
sími 456 3622