Feykir - 09.10.1991, Blaðsíða 3

35/1991 FEYKIR 3
Hilmir í
bókasafnið
Hilmir Jóhannesson var nýlega
ráðinn bókavörður við bóka-
safn Sjúkrahúss Skagfirðinga.
Sex sóttu um stöðuna.
Hilmir tekur við starfinu af
Guðmundi Halldórssyni skáldi
frá Bergsstöðum sem gengdi
starfinu með ágætum til
fjölda ára. Guðmundur léstá
liðnu sumri.
SAMVINNUBÓKIN
Nafnvextir 14% • Ársávöxtunl 4,49%
INNLÁNSDEILD KAUPFÉLAGS SKAGFIRÐINGA
Náinn afkomandi
Sörla til Kína
Paul Rask á Blakk.
Einn rammur afkomandi
Sörla frá Sauðárkróki á
heldur betur langt ferðalag í
vændum. Sá heitir Blakkur
fæddur í Einarsnesi í Borgar-
firði undan Sörla 653 og Perlu
frá Einarsstöðum sem er
undan Leikni Sörlasyni frá
Svignaskarði. Blakkur er einn
þriggja íslenskra hesta sem
halda í mars nk. upp frá
Viborg í Danmörku og er
lciðinni heitið alla leið til
Kína. Aætlað er að hinir tveir
dönsku ævintýramenn verði 18
mánuði á leiðinni. Farskjót-
arnir verða sex íslenskir
hestar, þrír fæddir hér á landi
og þrír uppaldir í Danmörku.
Um ótrúlegt og erfitt
ferðaleg verður að ræða. Það
kemur til með að skera úr um
hvort íslenski hesturinn alinn
upp á erlendri grundu haldi
sínum karakter eða bæti
jafnvel við. Auk ævintýra-
ljómans sem hvílir yfir
ferðinni hefur hún margs-
konar tilgang, fylgst verður
nákvæmlega með heilsufari
hestanna og verða líffæra-
rannsóknir unnarí samvinnu
við Bændaskólann á Hvann-
eyri. Að sjálfsögðu verður
ferðalagið allt fest á filmur og
pappír.
Það er Paul Rask 58 ára
Dani sem er upphafsmaður
ferðarinnar, en hann er
mikill áhugamaður um þol-
reiðar og hefur átt íslenska
hesta síðan 1970. Þegar hann
hitti vin sinn Steen Gees
Christiansen fyrirnokkru, en
sá er formaður íslandshesta-
félagsins á Borgundarhólmi,
kom Steen með þá uppá-
stungu að þeir félagarnir riðu
til Sovétríkjanna, en Rask
stakk þá upp á Kína og
þannig bundu þeir félagar
ferðina fastmælum. Þeir gera
ráð fyrir að ferðast fjóra daga
í einu og hvílast á þeim
fimmta, ríða að meðaltali 40
kílómetra á dag.
Vegalengdin sem leggja
þarf að baki er um 15 þúsund
kílómetrar. Reiknað er með
að einn erfiðasti hlutinn verði
í gegnum Mongólíu veturinn
’92-’93 og er gert ráð fyrir að
þar verði höfð tveggja
mánaða viðdvöl.
„Það verður gaman að
fylgjast með hvemig hestarnir
standa sig á þessu erfiða
ferðalagi”, sagði Sveinn
Guðmundsson á Króknum í
örstuttu spjalli við Feyki, en
Sveinn og Sörli eru æði oft
nefndir í sömu andrá.
Eins og sjá má voru hrossin vel vot í Víöidalstungurétt. Mynd M.Ó.
Réttaö í Víðidalstungu:
Smalað eftir almanakinu
„Þetta var vægast sagt
óskemmtileg smalamennska
og vafalaust hefur einhvers
staðar orðið eftir. Menn kalla
þetta hér að smala eftir
almanakinu. Snúið var frá
fjallinu, þar sem dimmt var
vegna hríðarélja", sagði Júlíus
Guðni Antonsson á Þorkels-
hóli i Víðidal, en sl. laugardag
voru milli 600-700 fullorðin
hross réttuð í Víðidalstungu-
rétt.
Júlíus sagði að veður hefði
verið skaplegt meðan réttað
var og menn gefið sér það
góðan tíma við drátt að
réttarstörfum lauk ekki fyrr
en um fjögurleytið. Aðsókn í
stóðréttina hefur farið vaxandi
á seinni árum, en að þessu
sinni dró veðurútlit úr áhuga
fólks.
„Fólk lét af því hvað
folöldin væru falleg og það er
enginn vafi á því að hrossin
eru að batna, enda eru menn
farnir að nota þannig gripi til
undaneldis. Þetta hefur breyst
mikið á seinustu árum. Það
er ekki langt síðan að
graðhestarnir voru í stóðinu
á heiðinni, 10-20 talsins”.
Júlíus sagði að eitthvað hefði
verið um hrossaviðskipti í
réttinni. Allt hefði gengið út
og því ekkert boðið upp.
Aðeins eitt hefði selst úr
söludilknum, en það hefði
ábyggilega verið meira um að
menn hefðu selt úr eigin
dilkum. Hann hefði t.d.
sjálfur selt sex. „Það þarf að
vera svolítil hreyfing til að
gefa þessu lit”, sagði Júlíus.