Feykir - 23.10.1991, Blaðsíða 4

4 FEYKIR 37/1991
Sögulegur fjárrekstur yfir Siglufjarðarskarö
Með bættum samgöngum og aukinni flutnings-
tækni heyra nú sjálfsagt sögunni til langir fjár-
rekstrar þegar fé var fært til slátrunar. Eldri menn
margir geyma í hugskoti sínu minningar frá slíkum
ferðum, sem sumar hverjar gengu ekki snurðulaust
fyrir sig og urðu all sögulegar. Tryggva Guðlaugs-
syni fyrrverandi bónda í Lónkoti í Sléttuhlíð og
núverandi vistmanni á Hjúkrunar- og dvalar-
heimilinu á Sauðárkróki eru minnistæðar rekstrar-
ferðir Slétthlíðinga yfir Siglufjarðarskarð.
Einhversstaðar þarna í fjöllunum er Siglufjarðarskarð milli Fljóta og SigluQarðar. Tryggvi
Guðlaugsson er á innfelldu myndinni.
Tryggvi var frægur fyrir
landabrugg á bannárunum.
Hann var félagslyndur, hafði
gaman af gleðskap og að
veita vín, en hefur ætíð samt
talist til reglumanna.
„Oft vorum við með þó
nokkur vínföng Slétthlíðing-
ar þegar við rákum sláturféð
til Siglufjarðar. Það kom líka
stundum fyrir að við lentum í
erfiðleikum í þessum ferðum
vegna veðurs og erfiðrar
færðar um ár sem þá voru
óbrúaðar, sérstaklega í Fljót-
unum. Nokkrar þessara
ferða eru mér minnisstæðar
af þessum sökum”, sagði
Tryggvi og hélt svo áfram:
Ráðabrugg við
Móskóga
Það var árvisst að við áttum
rekstur til Siglufjarðar á
sunnudegi, daginn eftir réttar-
daginn. Eitt haustið hafði
tíðin verið sérstaklega góð.
Við vorum komnir með féð
vel fyrir hádegið í dældina
fyrir sunnan Móskóga, en
þar var venjan að æja og
ráðskast um framhaldið.
Hvort halda ætti ósana,
Sandós eða Hraunaós, sem
var styttri leið en hættulegri,
eða fara uppfyrir það sem
kallað var, við ósa Flókadals-
og Fljótaár.
Þegar þetta gerðist var
ekki búið að koma kjötbúð-
inni á Siglufirði á fót og
bændur urðu sjálfir að sjá um
sölu á afurðum sínum. Þarna
við Móskóga kom upp sú
hugmynd, að fyrst að veðrið
og veðurútlitið væri svona
gott, væri skynsamlegt að
þrír úr hópnum, sem í voru
sjö menn, færu til Siglufjarðar
um daginn að undirbúa
söluna daginnn eftir. Hinir
fjórir yrðu eftir á Hraunum
um nóttina og rækju féð
þaðan snemma næsta morgun,
þannig að hægt yrði að byrja
að slátra því um 10 leytið.
Óveðursblikur
Komist var að samkomulagi,
en til að þetta mætti ganga
eftir var ákveðið að einn
okkar færi fram í Hamar og
fengi landa hjá Hermanni,
sem þá var frægur landa-
bruggari í Fljótum. Osarnir
voru farnir í þetta skipti og
rakst féð vel. Það passaði að
þegar við vorum að koma
upp undir túnið á Hraunum
var Pétur á Mýrum að koma
framan frá Hamri með fimm
flöskur, sem hann hafði
fengið hjá Hermanni. Flösk-
unum var skipt á milli okkar
fimm, þannig að Pétur, Jón á
Heiði og Eiður á Skálá sem
fóru til Siglufjarðar fengu
eina hver og ég og Gestur á
Arnarstöðum sína hvor.
Skömmu eftir að Siglu-
fjarðarfararnir voru farnir af
stað varð mér litið til himins,
og sá þá greinilegar óveðurs-
blikur á lofti og varð þegar
Ijóst að ekki var langt í
veðrið. Þarna var ég þess vís
sem oftar á lífsleiðinni, að
það var eins og mér væri gert
viðvart. Eg benti Gesti á
þetta og sagði það ekkert vit
að bíða með féð þar til
morguninn eftir. Það varð úr
að við lögðum af stað með féð
fjórir þó farið væri að
rökkva. Okkur sóttist ferðin
yfir Skarðið sæmilega í
myrkrinu og vorum komnir
niður undir bæinn á öðrum
tímanum um nóttina.
Veöurtepptir í
tæpa viku
Þá þurfti að vekja sláturhús-
stjórann sem var Guðbrandur
faðir Gests á Arnarstöðum.
Hann varð bálvondur þegar
hann var ræstur um nóttina
og sagt að við værum komnir
með féð, og benti á það sem
hinir höfðu sagt þegar þeir
voru að þvælast um bæinn
um kvöldið, að féð kæmi ekki
fyrr en daginn eftir.
Við máttum ekki öllu
seinni vera því á sjötta
tímanum um morguninn
brast hann á með brjálaðri
norðaustan stórhríð sem létti
ekki fyrr en á fimmta degi.
Það var auðvelt að selja
afurðirnar á mánudeginum
og fengu færri en vildu. Fólk
var hrætt um að veturinn
væri lagstur að fyrir fullt og
allt, og því vissara að byrgja
sig upp.
Við vorum veðurtepptir á
Siglufirði alveg fram á
laugardag að haldið var
heimleiðis. Þá var snjórinn
orðinn svo mikill að við
urðum að teyma hestana
alveg upp í Skarð og vaða
snjóinn upp í klof. Þegar við
komum upp í Skarðið
mættum við Jóni í Tungu
foringja Fljótamanna sem þá
voru á leið með sinn rekstur
yfir. Við komumst svo í
slóðina þeirra og aðeins
léttist um, en í heild var
heimferðin mjög harðneskju-
leg.
HROSSARÆKTENDUR HESTAMENN!
Árið 1993 verður haldið fjórðungsmót á Norðurlandi.
Til þess að tryggja árangur þarf undirbúningur að vera
markviss og góður. Ekki er ráð nema í tíma sé tekið.
Tek að mér tamningu og þjálfun kynbótahrossa
svo og gæðinga, starfsemin hefst í nóvember.
Einnig: — Umboðssala á góðum hrossum
— Reiðkennsla
Ingimar Ingimarsson
Ytra-Skörðugili, Seyluhreppi • Sími: 38142
FELAGSLEG EIGNARIBUÐ
HÚSNÆÐISNEFND SAUÐÁRKRÓKS AUGLÝSIR TIL UMSÓKNAR
4RA HERBERGJA FÉLAGSLEGA EIGNARÍBÚÐ Á ÞRIÐJU HÆÐ
TIL HÆGRI AÐ VÍÐIMÝRI 6 SAUÐÁRKRÓKI
UMSÓKNARFRESTUR ER TIL 18. NÓVEMBER 1991
NÁNARI UPPLÝSINGAR VEITIR STARFSMAÐUR
NEFNDARINNAR í SÍMA 35133 Á MILLI KL. 9.00 OG 11.00
UMSÓKNAREYÐUBLÖÐ LIGGJA FRAMMI Á
BÆJARSKRIFSTOFUNNI.
Sauðárkróki 22. október 1991
Húsnæðisnefnd Sauðárkróks