Feykir - 28.10.1992, Side 8

28. október 1992,37. tölublað 12. árgangur
STERKUR AUGLÝSINGAMIÐILL!
Landsbankinn á Sauðárkróki
Afgreiðslutími útibúsins er alla virka daga frá kl. 9.15 -16.00 Cimai ococo M Landsbanki
bimi wöJoJ í WA Islands Banki allra landsmanna
Litill bati á miðunum
Aðalfunfur Hólaness á Skagaströnd:
Vill samtvinna fiskvinnslu og útgerð
Drangeyjan landaði 77 tonnum í
fyrradag, en annars hefur
flskirí verið tregt undanfarið.
Skafti selur í Þýskalandi í dag
og Skagfirðingur er nú á
karfaslóð, enda söludagur á
næsta leyti, 8. nóvember.
Hegranesið hefur verið í slipp
syðra síðustu tvær vikurnar,
en reiknað er með skipinu á
veiðar eftir rúma viku.
Þokkalega hefurgengið að
halda uppi vinnu í frystihús-
unum undanfarið. „Þetta er
harður slagur en hefur
nokkum veginn hangið saman”
,sagði Einar í Fiskiðjunni.
Línubátar eru að byrja
veiðar, og mun þeim fjölga
talsvert nú um mánaðamótin
en þá tekur tvöföldun
kvótans gildi. Hegranesiðer í
16 ára klössun nú ogekki um
stórvægilegar viðgerðir að
ræða, en tilfallandi skrámur
síðustu ára lagfærðar nú, svo
sem smávægilegar beyglur á
stefni og skut.
Drangey landaði á Siglu-
firði, þar sem sýnt þótti að
vinna yrði meirihluta aflans
þar ytra. „Það hefur gengið
vel hjá okkur.jöfn ogstöðug
vinnsla og það hefur tekist
sem að var stefnt að fólkið
hafi næga vinnu”, sagði Arni
í Skildi.
Sautján milljóna króna tap
varð á rekstri Hólaness á
Skagaströnd á síðasta ári, en
11 milljón króna hagnaður á
fyrri helmingi þessa árs.
Eiginfjárstaðan var jákvæð
um 30 milljónir í lok síðasta
árs. Þetta kom fram á
aðalfundi fyrirtækisins í síðustu
viku. Fjölmenni var á fundinum
og umræður málefnalegar.
Breytt staða við hráefnisöflun,
vegna ákvörðunar um sölu
Arnars, var þungamiðjan í
umræðunum.
Alyktun var samþykkt þar
sem fram kemur að stefna
beri að því að sameina eða
samtvinna fiskvinnslu Hóla-
ness og útgerð Skagstrendings,
með því móti megi vænta
þess að staða atvinnulífs og
byggðar á Skagaströnd styrkist.
Bent er á þrjá möguleika í
þessu sambandi: fiskVinnslan
verði í höndum Skagstrend-
ings en rækjuvinnslan hjá
Hólanesi, fyrirtækin verði
sameinuð þannig að öll
vinnslan verði á einni hendi,
eða Skagstrendingur verði
meirihlutaeigandi að Hóla-
nesi með fyrrgreind markmið
að leiðarljósi. Samþykkt var
að hreppsnefnd hefði for-
göngu um málið sem stærsti
eignaraðili beggja fyriitækjanna.
Karl Bemdsen lagði fram
tillögu urn að skorað yrði á
stjórn Skagstrendings að
fresta sölu Arnars. Sú tillaga
var felld í leynilegri atkvæða-
greiðslu. Töldu fundarmenn
sig greina að fulltrúar
hreppsins höfðu fellt tillöguna,
en þeir sörnu eiga einnig sæti
í stjórn Skagstrendings.
Gamli hærinn rýmdist talsvert á dögunum þegar gamla slátur- og frystihúsið gegnt
fóðurblöndunarstöðinni (gamla mjólkursamlaginu) var rifið. Það voru Króksverksmenn sem
hreinsuðu svæðið á einum degi. Húsin voru byggð snemma á þessari öld og lengi vel þjónuðu
þau frjálsa framtakinu í bænum. Steindór Jónsson og fleiri voru þarna með slátrun fram til
1942, síðan fiskverkum og síldarfrystingu þar til kaupfélagið keypti húsin 1950. Þá urðu þau
fljótlega pakkhús og voru notuð sem geymslur síðustu árin.
Aukin og bætt lýsing á Króknum
Þessa dagana er verið að
koma fyrir lýsingu á svæðinu
kringum heimavist Fjölbrauta-
skólans og íþróttahúsið á
Sauðárkróki. Þetta er gert til
að fyrirbyggja mikla slysa-
hættu í skammdeginu, þegar
bílafjöldi er mikill við íþrótta-
húsið, en iðulega eru þar
samankomin 600 manns á
kappleikjum.
Lýsing í og við bæinn er
stöðugt að aukast og batna.
Samt er áberandi hvað
endurskinsmerkjanotkun er
lítil, og er þar vafalaust um
að kenna að áróður hefur
verið lítill í þessum efnum
undanfarið.
Nýlega var kveikt á
staurunum meðfram Sauðár-
króksbraut milli Skagfirð-
ingabrautar og Strandvegar,
og er þá skokkhringur
margra Króksara orðinn
upplýstur að fullu. Eins og
áður segir er lýsing alltaf að
aukast og hafa vegfarendurá
leið í bæinn tekið eftir
nokkrum breytingum á ljósa-
hafinu frá síðasta vetri. Eru
þar mest áberandi skær ljós
við nýja bensínstöð Esso við
Ábæ.
Helmingi minna um rjúpu
en á síðasta hausti
skiptar skoðanir meðal rjúpna-
skyttna umveiðibann
„Ég hef aldrei séð svona lítið
af rjúpu áður og það hlýt.ur að
vera kominn tími til að friða
hana. IVlér fannst að ætti að
banna veiðar í haust og er
þeirra skoðunar að friða eigi
hana í tvö ár meðan hún er í
lægð”, segir Haukur Friðriks-
son rjúpnaskytta á Hvamms-
tanga. Hann hefur fengið
ellefu, átta og tvær í þau þrjú
skipti sem hann hefur gengið
til rjúpna í haust. Ekki eru
allir sömu skoðunar og
Haukur um veiðibannið.
Sigurfinnur Jónsson á
Sauðárkróki segir að helm-
ingi minna sé af rjúpu núna
en í fyrra. „Ég er viss um að
Jónsmessuhretið hefur haft
sitt að segja. Það er talsvert
um minni fugl núna en
vanalega, sem líklega hefur
komið úr eggi eftir hretið”,
segir Finni. Hann er ekki
þeirra skoðunar að banna
eigi rjúpnaveiðar, en hins-
vegar mætti stytta veiði-
tímann til 1. desember.
„Það er veikasti fuglinn
sem verður fyrst fyrir skoti
og sá sem lifir fram til 1. des.
þraukar veturinn örugglega.
Sigurfinnur Jónsson er ekki
hlynntur rjúpnaveiðibanni.
Það sem hinsvegar þarf
endilega að gerast, er að
banna mönnum að skjóta
fugl úr bílum, fjórhjólum og
vélsleðum. Það er sú veiði-
mennska sem stefnir stofn-
inum í hættu. Hinsvegar er
af hinu góða að banna veiðar
á einstökum svæðum, ef t.d.
tekst að vernda Þingvalla-
svæðið, en þar er víst mikið
um rjúpu”, sagði Sigurfinnur.
Hann hefur mest fengið 30
rjúpur á þessu hausti.
GÆDAFRAMKOLLUN
GÆDAFRAMKOLLUN
EÓKABÚÐ
BRYTÍJARS