Feykir - 04.11.1992, Qupperneq 6

6 FEYKIR 38/1992
hagyrðingaþáttur 128
Heilir og sælir lesendur
góðir. Góður kostur þykir
mér að byrja þáttinn að þessu
sinni með vísum eftir Stefán
Vagnsson frá Hjaltastöðum.
Þó að magur þyki lýð
þinna haga svörður,
undurfagur alla tíð
ertu, Skagafjörður.
Drottinn, eina ósk til þín
eg vil reyna að stíla.
Hér að beinin mjóu mín
mættu seinast hvíla.
Eins og margir góðir
hagyrðingar var Stefán snjall
að yrkja hringhendur. Eitt
sinn er hann saup vín af
undirskál orti hann þessa.
Utum kunnur alls staðar
upp að munni ég ber‘ann.
Þetta er brunnur blessunar
en býsna grunnur er ‘ann.
Einhverju sinni er komið
var að kveðjustund eftir
góðan gleðskap orti Stefán
sV'O.
I leim ég vendi vinum frá
þó vínið brennda ei llýi.
I n hvenær lendi ég aftur á
öðru eins kendiríi.
Annar snjall hagyrðingur
skagfirskur, Olína Jónas-
dóttir, mun vera höfundur
næstu vísu. Munu tildrög
hennar vera þau að eitt sinn
er hún leit út um gluggasinn,
sá hún þrjár stelpur og þrjá
stráka ganga eftir götunni
fytir utan.
Misjafnlega tíminn timbrar
og teygir þessi jarðarpeð.
Líttu á þessar litlu gimbrar
og lambhrútarnir skokka
með.
Oft er gaman að fylgjast
með meinsemi hagyrðinga út
í hin ýmsu blöð sem út eru
gefin á þeirra ævi. Ekki man
ég fyrir víst hveryrkirsvo um
Tímann, en sá hinn sami
hefur þar með auðgað okkar
þjóð með snjallri hring-
hendu.
Menntaskíman fölskvast fer,
ílónskuhrímið svellur.
Sannleiksglíman örðug er
á henni Tíminn fellur.
Við þessa upþrifjun man
ég eftir annarri vísu sem ort
er um Morgunblaðið og
minnir mig að hún sé eftir
Magnús Gíslason.
Þekking á hvað þjóð er græn
þarf ei djúpt að grafa,
Mogga fyrir morgunbæn
meðan flestir hafa.
Þjóðstefna hét vikublað,
sem Einar Ben. stóð að
útgáfu á um skeið. Mun þetta
hafa verið áður en farið var
að selja sérstakan meðan-
jarðarpappír, og sýnir næsta
vísa okkur hvaða álit Einar
Jochumsson hafði á umræddu
blaði.
Þjóðstefnan er þarfa blað,
það er hægt að sanna.
Hún á sjálfsagt erindi að '
afturhluta manna.
Aldrei virðist undirritaður
fá leið á vísum eftir Móskóga
Stebba, og væri gaman ef
lesendur gætu lagt þættinum
til visur eftir hann. Eftir að
hafa upplifað veðrabreytingu
innanhúss um háttatímann,
þar sem hann var næturgestur,
mun Stefán hafa ort þessa
vísu.
Nú hefur storminn loksins
lægt,
ljúfur saminn friður.
Yfirsængin hægt og hægt
hreyfist upp og niður.
Áðuren virðisaukaskattur
tók gildi hér á landi var
bróðir hans söluskattur við
bestu heilsu. Einhverju sinni
er söluskatturinn olli verð-
hækkunum á ýmsum vörum,
bar svo til að hækkuð voru
hitaveitugjöld í Reykjavík.
Komst þá eftirfarandi vísa á
kreik, sem ég kann því miður
ekki að nefna höfund að.
Yfir marga alveg datt,
undruðust fólsku slíka,
er fjandinn setti söluskatt
á sína vöru líka.
Þá er að geta þess að í
síðasta þætti birti ég vísuna,
Lóuveiðum var hann á.
Minnti mig að hún væri eftir
Karl Isfeld sem ekki var rétt,
og mun Lúðvík Kemp vera
höfundurinn eftir þeim upp-
lýsinguni sem ég hef fengið.
Fyrir nokkru spurðust þau
alvarlegu tíðindi frá Sauðár-
króki að lögreglan þar í bæ
hefði fundið landa sem hún
væri viss um að ætti ekki
lögheimili þar í héraðinu.
Þegar Aðalbjörn Benedikts-
son spurði þessi tíðindi varð
eftirfarandi vísa til.
Samkeppnin er sumum hörð,
sífellt stækkar vandi.
Ylmar nú um allan fjörð
óskagfirskur landi.
Ekki er ólíklegt að það hafi
verið urn svipað leyti og
umræddur ylmur fannst á
Króknum, sem eftirfarandi
vísa komst á kreik. Ekki
hefur fengist uppgefið hver
væri höfundur hennar, að
öðru leyti en því að heyrst
hefur að hún muni vera ættuð
frá Hofsósi.
Eg hef víða velkst um svið
og verið í mörgum sóknum.
En aldrei orðið úti við
óglatt nema á Króknum.
Segja má að nokkur
ástæða hafi verið fyrir
hagoiða menn þar á Króknum
að kvitta fyrir umrædda
sendingu og hefur það nú
verið gert á eftirfarandi hátt.
Hofsósinga nærnt er nef,
nasir þengja býsna oft.
Þeim verður sjálfsagt óglatt
ef
þeir asna'st inn í betra loft.
Þar með verður að láta
staðar numið og ég bið ykkur
að vera sæl að sinni.
Guðmundur Valtýsson
Eiríksstöðum
541 Blönduósi
s: 95-27154
Frá aðalfundi Samtaka bæja- og héraðsfréttablaða:
Hefðin líka gullvæg I blaðaútgáfu
Uppskeruhátíð Ungmennafélagsins Neista á Hofsósi var um
helgina. Þar voru veittir bikarar og viðurkenningar fyrir
árangur og ástundun íþróttamanna félagsins. A myndinni eru
frá vinstri talið: Ólafur Ólafsson, sem þótti sýna bestu
ástundun knattspyrnumanna í sumar, Jóhann Haraldsson
var valinn besti knattspyrnumaður yngri flokka, Oddur
Jónsson var markakóngur meistaraflokks, Hasseda
Miralem hlut hvorutveggja nafnbótina knattspyrnumaðurog
íþróttamaður Neista, Viðar Einarsson efnilegasti
knattspyrnumaður Neista, Magnús Jóhannesson fékk
viðurkenningu fyrir dugmikið starf í þágu félagsins og Elín
Gréta Stefánsdóttir var valin frjálsíþróttaniaður Neista.
,,Já, en það er svo langt til
Keflavíkur. Á ég að labba?” sagði
Steingrímur Ari Arason aðstoðar-
maður fjármálaráðherra þegar
reynt var að fá hann til fundarvið
blaðamenn af landsbyggðinni um
fyrri helgi í forföllum fjármála-
ráðherra Friðriks Sófussonar. —
„Svo er þetta líka um helgi og
opinberir starfsmenn eiga frí uni
helgar”, bætti hann við. Eftir
fáein orðaskipti lauk símtalinu og
útilokað reyndist að draga
manninn alla leið til Keflavíkur á
aðalfund Samtaka bæjar- og
héraðsfréttablaða sem baldinn
var á Flug Hóteli í Keflavik 24.
október sl.
Til fundarins komu fulltrúar
sjö af fimmtán aðildarblaða
samtakanna. Páll Ketilsson
Víkurfréttum setti fundinn ogsá
um fundarstjórn. Það kom í hlut
Fríðu Proppe, Fjarðarpóstinum
ritara fráfarandi stjórnar, að
flytja skýrslu stjórnar. Þarrakti
hún starfsemi Samtakanna og
kom víða við. Þá sagði hún:
„Almennt hefur gengið illa
fjárhagslega hjá flestum aðildar-
blaða okkar síðustu vikur og
mánuði. Samdrátturinn í þjóð-
félaginu hefur verið gífurlegur
sem kemur fram í verulegri
fækkun auglýsinga. Það er því
sem köld vatnsgusa, ef stjórn-
völd ætla að afnema það, að við
fáum endurmetið til lækkunar
virðisaukaskattgreiðslna þann
vask sem við greiðum, eða að
virðisaukaskattur verði einnig
lagður á sölu blaðanna”.
Héraðsfréttablöðin
beturlesin
Atli Rúnar Halldórsson frétta-
maður ríkisútvarpsins mætti til
fundarins og ræddi stöðu bæjar-
og héraðsfréttablaða. Hann
vitnaði til veru sinnar í Noregi
fyrir nokkrum árum, en þar eru
gefin út um 150 svæðisbundin
blöð. Nýleg könnun í Noregi
segir einnig að bæjar- og
héraðsfréttablöðin séu mun
betur Iesin en dagblöðin. Sagði
Atli að þessa könnun mætti allt
eins færa upp á íslensk blöð.
Niðurstaðan yrði sú sama hér á
landi. Einnig ræddi hann um
framsetningu frétta í blöðum og
lagði þar mikla áherslu á gildi
góðra fyrirsagna.
Til fundarins mætti einnig
Sigurður Ágúst Jensson við-
skipta- og markaðsfræðingur frá
fyrirtækinu Átak hf. í Reykjavik.
Fjallaði hann um markaðsmál
blaðanna í skemmtilegu erindi,
lagði áherslu á að blöðin skapi
sér góðar hefðir, fólk kynni að
meta slikt. Það gæti t.d. skaðað
hefð blaðs sem alltaf kæmi út á
fimmtudögum, ef breytt yrði um
útgáfudag.
Ný stjórn og ályktun
A aðalfundinum var kjörin ný
stjórn Samtakanna. Hana skipa
Friða Proppe Fjarðarpóstinum
formaður, Gísli Valtýsson Fréttum
varaformaður, Kristjana Olöf
Valgeirsdóttir Eystrahorni gjald-
keri, Jóhannes Sigurjónsson
Vikurblaðinu ritari og Bjarni
Harðarson Sunnlenska frétta-
blaðinu meðstjórnandi, en „sunn-
lenska” var tekið inn í samtökin
á fundinunt eitt nýrra aðildar-
blaða.
Fundurinn sendi einnig frá sér
eftirfarandi ályktun: „Aðal-
fundur Samtaka bæjar- og
héraðsfréttablaða, haldinn í
Keflavík 24. október 1992,
skorar á stjórnvöld og fjármála-
ráðherra að falla frá aukinni
skattheimtu á blaða- og bókaút-
gáfu”.
Skemmtileg
skoðunarferð
Að loknum aðalfundarstörfum
var öllum fundarmönnum ásamt
mökum boðið til skoðunar-
ferðar um Suðurnes undir
leiðsögn Helgu Ingimundardóttur
leiðsögumanns. Skoðunarferðin
hófst með heimsókn í Leiruna, á
Garðskaga og i Sandgerði. Þá
voru höfuðstöðvar Víkurfrétta
og prentsmiðjunnar Grágásar
skoðaðar og farið sem leið lá um
Keflavík og Njarðvík upp á
Keflavíkurflugvöll. Þar var allt
það helsta skoðað undir leiðsögn
Friðþórs Eydal blaðafulltrúa
varnarliðsins.
Af Hugvellinum varhaldiðút í
Hafnir og þar skoðað mjög
áhugavert lúðueldi, þar sem 50
kg. lúður syntu um i kerjum og
biðu slátrunar þar til gott verð
fæst á erlendum mörkuðum. Ur
Höfnurn var-farið á Reykjanes
og þaðan sem leið lá í átt til
Grindavíkur. í Svartsengi var
síðan endapunktur hinnan eigin-
legu skoðunarferðar. Þangað
var kornið í myrkri og flóðlýst
orkuver Hitaveitu Suðurnesja
skoðuð undir leiðsögn Júlíusar
Jónssonar forstjóra fyrirtækisins.
Einnig var boðið upp á
veitingar. Deginum lauk síðan
með kvöldverðiá Flughóteli um
kvöldið en þar gisti blaðafólk
um helgina. Rómuðu allir
aðbúnað og glæsileika hótelsins
og einnig hafði fólk á orði að það
hafi séð Suðurnes með öðrum
augum. Á Suðurnesjum eru
ntargir áhugaverðir skoðunar-
staðir eins og blaðafólk kontst
að raun urn.