Feykir - 23.11.1994, Blaðsíða 3
41/1994 FEYKIR3
Þessar telpur héldu nýlega tombólu og létu ágóðann, 2605
kr. renna til Rauöakrossdeildar Skagafjarðar. Telpurnar
eru frá vinstri talið: Helga Einarsdóttir, Hafdís Einars-
dóttir, Margrét Ásta Blöndal og Hera Birgisdóttir.
Sigur og tap hjá
Tindastólsmönnum
Tindastólsmenn bættu stöðu
sína í úrvalsdeildinni í liðinni
viku með því að sigra Vals-
menn á Hlíðarenda sl. fimmtu-
dagskvöld. Tindastólsmenn
léku geysilega vel og sigruðu
98:80. Varnarleikur Iiðsins var
mjög góður og í sókninni fór
Bandaríkjamaðurinn John
Torrey á kostum, skoraði 35
stig. Þar með eru Tindastóls-
menn komnir með 8 stig, jafh-
mörg stig og Valsmenn og eru í
10. sæti deildarinnar með hag-
stæðari stigatölu en Reykjavík-
urliðið.
Það gekk hinsvegar ekki eins
vel hjá Tindastólsmönnum þegar
Grindvíkingarkomu í heimsókn á
sunnudagskvöldið.
Grindvíkingar lcku mjög vel í
íyrri hálfleiknum, en Tindastóll að
sama skapi ekki og var skarð fyr-
ir skildi í liði heimamanna að
John Torrey reyndist ckki búinn
að ná sér af meiðslum er hann
hlaut í Valsleiknum á dögunum
og lék þessi sterki leikmaðurekk-
ert með í seinni hálfleiknum í
gærkveldi. Páll Kolbeinsson þjálf-
ari Tindastóls tók þann kosinn aö
láta ungu strákana leika veiga-
mikið hlutverk í seinni hálfleikn-
um. Stóðu þeir sig mjög vel og
tókst að lialda Grindvíkingum í
skefjun, munurinn á liðunum var
í kringum 15 stig fram á síðustu
mínútur leiksins að gestimir juku
þann mun. Staðan í leikhléi var
54:35 fyrir Grindavík og lokatöl-
ururðu 100:70 fyrir gestina.
Stig Tindastóls skoruðu: Hin-
rik Gunnarsson 15, Sigurvin Páls-
son 15, Ómar Sigmarsson 11, Páll
Kolbeinsson 7, Amar Kárason 7,
Atli Þorbjömsson 5, John Torrey
5, Halldór Halldórsson 3 og Óli
Barðdal 2. Stigahæstir í liði
Grindavíkur voru Guðmundur
Bragason meó 25, Guðjón Skúla-
son með 18 og Frank Booker 15.
Tindastóll leikur annaó kvöld
gegn ísfirðingum í Síkinu. Er sá
leikur í Bikarkeppni KKI. Næsti
leikurTindastólsí úrvalsdeildinni
verðurgegn IR-ingum nk. sunnu-
dagskvöldið einnig á Króknum.
Goðdalakirkja endur-
vígð um næstu helgi
Goðdalakirkja í Vesturdal
verður endurvígð nk. sunnu-
dag, 27. nóvember. Hefst at-
höfnin kl. 14,00. Jafnframt
verður minnst 90 ára afmælis
kirkjunnar.
Kirkjan var sem kunnugt er
flutt á nýjan grunn í sumar og
hefur verið endurbyggð að
mestu. Nýr kirkjugarður úr
grjóti var hlaðinn umhverfis
kirkjuna, svo hún er nú innan
garðs, en síðan 1886 hcfur Goð-
dalakirkja staðið utan garðsins.
Herra Bolli Gústavsson
vígslubiskup vígir kirkjuna og
þjónar fyrir altari ásamt sóknar-
presti, sr. Ólafi Þ. Hallgríms-
syni. Kirkjukór Mælifellspresta-
kalls syngur, organisti verður
Sveinn Ámason. Aó lokinni at-
höfn bjóða sóknarböm Goðdala-
sóknar kirkjugestum til kaffi-
drykkju í Árgarði. Þar verður
minnst 90 ára afmælis kirkjunn-
ar og flutt verður erindi sem sr.
Ágúst Sigurðsson fyrrv. sóknar-
prestur á Mælifelli hefur tekió
saman um Goðdalakirkju. Allir
em velkomnir til vígslunnar.
Pistilinn skrifar postulinn.....
í síðasta tölublaði Feykis skrif-
aði einn frambjóðenda Sjálfstæðis-
flokksins, sem þátt tekur í próíkjöri
flokksins, grein sem hann nefndi
„Bætum hag þeirra sem vest em
settir". Þessi grein er óskaplega
sakleysisleg á að líta en er það í
raun ekki.
Það fyrsta er að greinina skrif-
ar einn af varaþingmönnum Sjálf-
stæðisflokksins sem setiö hefur
talsverðan tíma á Alþingi þetta
kjörtímabil og ætti því að hafa haft
nokkur tækifæri til að flytja tillög-
ur til úrbóta fyrir hina verst settu.
Þetta hefur hann ekki gert svo mér
sé kunnugt um.
Flokkur þessa ágæta manns
hefur stýrt þessu landi nú í næstum
fjögur ár ásamt íyrirbæri sem kall-
ast Alþýðuflokkur. í grein sinni
ræðir höfúndur nokkuð um það
mikla atvinnuleysi sem herjað hef-
ur á þjóðina undanfarið. I greininni
stendur orðrétt. „Atvinnuleysi er
nú minnkandi, fyrirtækin geta á
næstunni bætt við sig starfsfólki og
má jafnvel gera sér vonir um að
raunverulegt atvinnuleysi heyri
brátt sögunni til". Hvað á greinar-
höfundur við með því að við get-
um gert okkur vonir um að at-
vinnuleysi heyri brátt sögunni til,
hefur hann ekki kynnt sér atvinnu-
leysistölur og spár um atvinnu-
leysi. Veit hann ckki að á tímabili
núverandi ríkisstjómar hefur at-
vinnuleysi ekki verið meira í 6-10
ár.
Tökum septembermánuð sem
dæmi. í september 1985 var at-
vinnuleysi á landinu öllu 0,3%,
1986 0,2%, 1987 0,2%, 1988
0,4%, 1989 1,2%, 1990 1,0%,
1991 0,9%, 1992 2,7%, 1993 3,4%
og 1994 3,2% (samkv. tölum
vinnumálaskrifstofu félagsmála-
ráðuneytis). Af þessum tölum get-
um við séð að síðan Viðeyjamnd-
rið átti sér stað hefúr atvinnuleysi í
september einum þrefaldasL
Það er því hálf kaldhæðnislegt
að lesa grein fTambjóðandans og
sjá hann í anda státa sig af bættum
þjóðarhag. I „eðlilegu" ffamhaldi
af skrifum sínum um atvinnuleysi
ritar greinarhöfundurinn eftirfar-
andi. „Þegar efnahagsbati er
merkjanlegur og hægt aó hrósa sér
af honum á hann fyrst að koma
þeim tíl góða sem búa við kröppust
kjör'. Hafa þeir sem verst em sett-
ir orðið varir við þennan efiiahags-
bata? Hafa þeir atvinnulausu orð-
ið varir vió hann?
Maóur skyldi ætla að frambjóð-
andinn hefði manna best vitneskju
um það ástand og mikla bil sem er
að myndast á milli hinna ríku og
hinna fátæku í landinu. Flokkur
þessa frambjóðenda vill ekki taka
skatt af sínum hátekju gæðingum
meðan á sjöunda þúsund manns
ganga um atvinnulausir og ekki
virðist nein bót þar á, því sam-
kvæmt spám vinnumálaskrifstofu
félagsmálaráðuneytis er útlit fyrir
að atvinnuleysi aukist í 3,2-4,5% í
nóvember. Mér finnst það lítils-
virðing við þá sem verst em settir
að bjóóa þeim upp á slík skrif. Eini
möguleiki þeirra sem verst em sett-
ir um bætt kjör er sá að Sjálfstæð-
isflokkurinn fari sem fyrst ffá völd-
um.
Gunnar Bragi Sveinsson.
Gísli þjálfar fótboltamenn
Gísli Sigurðsson verður næsti
þjálfari mcistaraflokks Tinda-
stóls í knattspyrnu. Knattspyrnu-
menn úr Tindastóli komu saman
um helgina tU að fjalla um það
hvort ráða ætti aðkomumann
sem þjálfara eða heimamann.
Niðurstaðan varð sú að ákveðið
var að ganga til samninga við
hcimamanninn Gísla. Útlit er
fyrir að flestir þeir leikmenn er
léku með Tindstóli síðasta sum-
ar verði með næsta sumar og
einnig muni nokkrir ungir leik-
menn bætast við.
„Mér finnst þetta spennandi
verkefni og lít á þetta sem sameig-
inlegt átak leikmannahópsins til að
sýna fram á að það er ýmislegt hægt
að gera ef menn standa saman. Eg
geri þetta náttúrlega ekki einn. Það
verða allir að leggja sitt að mörkum
og stefnan verður sett upp á við“,
sagði Gísli, sem veriö hefur fyrirliði
og markvörður liðsins til margra
ára. Hann hyggst leika með liðinu
áfram jafnfhliða þjálfarastarfmu.
Heimamaður þjálfaði Tinda-
stólsliðið einnig síðasta sumar, Ámi
Stefánsson. Nokkrir fjármunir spar-
ast í því að ráða heimamann til
starfa, Ld. varðandi húsnæðiskostn-
að, ferðir og fleira. Það réði miklu
um að Gísli var ráóinn þjálfari en
ekki Guðmundur Steinsson Ieik-
maður Fram sem einnig var inni í
myndinni. „Eg er mjög ánægður
með þessa niðurstöðu. Menn treysta
Gísla mjög vel til þessa verkefnis,
bæði stjómarmenn og leikmenn",
sagði Omar Bragi Stefánsson for-
maður knattspymudeildar.
Bændur í Skagafirði athugið!
Vegna verulegrar hækkunar erlendis undanfarnar vikur á hráefnum
til kjarnfóðurframleiðslu, og væntanlegra breytinga á kjarnfóður-
gjöldum um nk. áramót er bændum boðið að kaupa grasköggla á
sérstöku tilboðsverði dagana 28. nóvember til 16. desember frá
Graskögglaverksmiðju KS í Vallhólmi. Um er að ræða framleiðslu
1994 sem hefur komið mjög vel út í efnagreiningu.
Verð pr. tonn kr. 21.500 án vsk.
Verð miðast við að varan sé afgreidd við verksmiðjuvegg, minnst eitt
tonn í einu. Boðinn er 45 daga greiðslufrestur.
Bændur eru hvattir til að nýta sér þetta einstaka tækifæri og styðja
þannig fórðurframleiðslu í heimahéraðinu úr innlendu hráefni.
Kaupum íslenskt!
Graskögglaverksmiðjan
Vallhólmi, sími 95-3833.