Feykir


Feykir - 08.03.2000, Blaðsíða 4

Feykir - 08.03.2000, Blaðsíða 4
4 FEYKIR 10/2000 „Saftiið er að mörgu leyti áhugavert og ekkert síðra af munum en mörg önnur" Á Reykjum í Hrútafirði hefur frá árinu 1967 verið starfrækt Byggðasafn Húnvetninga og Strandamanna. Þeir eru margir sem aka í gegnum Hrútafjörðinn og safnið er stein- snar frá þjóðveginum, en samt sem áður hefur gestafjöldi í byggðasafnið aldrei verið mikill og hefur minnkað núna síðustu árin. Forráðamenn safnsins hafa rakið þessa fækk- un gesta, m.a. til ónógrar kynningar á því, og skiltið við þjóðveginn er svo sem ekki sér- lega áberandi þegar umferð er hröð, eins og hún er gjarnan um Hrútafjörðinn. Þá hefur skólastaðurinn á Reykjum, þar sem byggðasafnið er til húsa, fengið minni athygli og færri vitjað hans eftir að héraðskólinn var lagður niður á níunda áratugnum. Ungur maður af heimaslóð í Húnaþingi vestra, Pétur Jóns- son frá Súluvöllum á Vatnsnesi sem er að ljúka BA-prófi í sagnfræði við Háskólann, var á síðasta ári fenginn til að gera úttekt á byggðasafninu og gera tillögur í framhaldinu. Eitt af því sem Pétur lagði til með úr- bætur og framtíðarsýn varð- andi byggðasafnið, var að ráð- inn yrði fastur starfsmaður að safninu í heila stöðu, en alla tíð hefur verið um tímabundið hlutastarf að ræða við safnið. Farið var að þessari tillögu og Pétri boðið starfið, sem hann þáði og hóf hann störf við byggðasafnið í byrjun þessa mánaðar. Aðspurður sagði Pétur í samtali við blaðamann Feykis að sér litist ágætlega á starfið. „Safnið er að mörgu leyti á- hugavert og ekkert síðra að munum en mörg önnur, en það hefur ekki verið gert nógu mik- ið fyrir það, ekki verið endur- nýjaðar sýningarnar sem eru uppi, merkingarnar orðnar gamlar og lélegar, og svona Úr Byggðasafninu á Reykjum. ýmsir þættir sem þarf að laga. w Skagafjörður Menningar- íþrótta- og æskulýðsnefnd auglýsir eftir styrkumsóknum vegna menningarmála, æskulýðsmála og íþróttamála fyrir árið 2000. Umsóknarfrestur er til 24. mars 2000. Umsóknareyðublöð og reglugerð er hægt að nálgast á skrifstofu sveitarfélagsins. Síminn er 455 3000. Utanáskrift: Menningar- íþrótta- og æskulýðsnefnd Ómar Bragi Stefánsson, Faxatorgi 1,550 Sauðárkróki Pétur Jónsson er nýtekinn við starfi safnvarðar á Reykjum. Aðsókn hefur minnkað nokk- uð og ég hygg að bæði þessi mál og kynningarmál hafi spil- að þar inn í." - Einhvern tíma kom ég að skoða safnið og þá vakti at- hygli mína hákarlaskipið Ó- feigur? „Já ég get tekið undir það að mér finnst hákarlaskipið merkilegasti gripurinn. Það er eiginlega tákn fyrir þessa byggð hérna við Flóann, sem hefur byggst mikið á útræðinu, að sækja sjóinn og flutningar fóru lengi mikið fram á sjó. Hefðbundinn búskapur hefur ekki alltaf dugað til framfærslu og lífsbaráttan því byggst mik- ið á sjávarútvegi og nýtingu hlunninda, t.d. rekaviðnum. Svo eru fleiri mjög skemmtilegir munir hérna. Til dæmis baðstofa frá Syðsta- hvammi á Vatnsnesi og bær frá Tungunesi í Svínavatnshreppi sem reistur var inni í safninu. Þá er hér einnig stofa frá Svínavatni. Svo er þónokkuð mikið að mjög skemmilegum útskornum munum og síðan venjulegir brúkshlutir eins og á öðrum byggðasöfnum í land- inu." Hvernig eru húsnæðismál safnsins? „Það er nú sæmilega rúm- gott hérna, en viðhaldi hús- næðis var ekki sinnt nægjan- lega framan af. Það hefur verið talsvert undanfarin ár og ekki séð fyrir endann á því ennþá. Þá eru geymslumálin ekki í nógu góðu standi." En hver er framtíðarsýn- in? „Hún beinist kannski aðal- lega að því að koma innri mál- um safnsins í betra horf, sér- staklega skráningarmálum og geymslumálum, og þegar þau eru komin í betra lag getum við snúið okkur að öðrum verkefn- um. Við stefnum að því að safnið nýtist betur fyrir eigend- urna út í héruðunum, jafnvel með uppsetningu sérsýninga, þar sem að þetta er nokkuð víðfemt svæði sem safnið nær yfir, norður allar Strandir og norður á Skagann. Ætlunin er að leggja áherslu á hlunnindi og hlunnindanýtingu á svæð- inu í sýningarhaldi á næstunni. Það eru einkum fjórir grunnþættir sem ég legg á- herslu á varðandi safnið eins og fram kemur í skýrslu sem ég gerði í úttektinni á því. 1. Safnið stuðli að varð- veislu hvers kyns menning- arminja á svæðinu. Þar innan er fornleifaskráning sem er brýnt að fari fram á öllu svæð- inu, fornleifarannsóknir sem hafa verið óverulegar, og varð- veisla húsa og annarra menn- ingarminja. 2. Safnið standi fyrir kynn- ingu á merkri menningu og sögu svæðisins og þeim mögu- leikum sem hér bjóðast m.a. í ferðaþjónustu. 3. Safnið vinni að aukinni vitund íbúa á svæðinu á eigin sögu og menningu sem for- sendu áframhaldandi uppbygg- ingu byggðar á svæðinu. 4. Uppbyggihg menningar- tengdrar ferðaþjónustu." Pétur segir erfitt að segja til um fjölda gripa í umsjá safns- ins en þeir skipti þúsundum. Þarna komi skráningarmálin til. Byggðasafn Húnvetninga og Strandamanna er í eigu sveitarfélaganna á svæðinu og er rekið að stærstum hluta af framlögum frá héraðsnefhdum Strandasýslu og Austur - Húnavatnssýslu og sveitarsjóði, Húnaþings vestra.

x

Feykir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Feykir
https://timarit.is/publication/1151

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.