Feykir - 17.01.2007, Blaðsíða 7

03/2007 Feykir 7
Arnþrúður við tölvuna heima á Sólgörðum.
í sveitinni hjá Lukku og Láka
„Leiddist og hund-
leiddist í boiginni”
Arnþrúóur Heimisdóttir, eða Lukka eins og hún er alltaf kölluð, býr að Sólgörðum í Rjótum,
ásamt eiginmanni sínum Þorláki Sigurbjörnssyni og tveimur börnum þeirra. Lukka heldur
uppi öflugri heimasíðu auk þess að starfa sem kennari og vinna við bú fjölskyldunnar.
Feyki lék forvitni á að vita meira um þessa ungu kröftugu konu og sendi henni nokkrar
laufléttar spurningar sem hún svaraði á sinn skemmtilega hátt.
Hver er konan og hvaðan
kemur hún?
- Ég heiti Amþrúður Heimis-
dóttir. Ég er fædd 71 í Dan-
mörku en kom 7 mánaða til
íslands. Foreldrarmínir,sr.Heimir
Steinsson og Dóra Þórhallsdótt-
ir, stofnsettu þá og ráku Lýðhá-
skólann í Skálholti. Þegarégvar
10 ára fluttumst við til Þingvalla
þar sem pabbi var prestur og
yfirmaður þjóðgarðsins.
Ég ólst svo upp með
Almannagjá og Öxará sem
leikvöll og reiðgötur, þetta voru
yndisleg ár. Síðar fór ég á
hestabraut á Hólurn, svo ég hef
þrætt gamla sögu- og mektar-
staði, gat ekki fengið betra
veganesti út í lífið. Síðan var ég
svo heppin að kynnast Fljótum í
Skagafirði 1995, og hér bý ég nú
með börn og buru.
1 framhjáhlaupi lauk ég
námi við MR, svo Hólaskóla,
svo búvísindanáminu við Há-
skólann á Hvanneyri, og
kennsluréttindanámi við KÍ.
Það er ágætt að hafa kíkt í skóla
þegar maður er í Trivial pursuit
og uppbyggjandi fyrir sálar-
tetrið.
Hverjar eru þínar
fjölskylduaðstæður og hverjir
búa ef til vill fleiri á bænum
hjáykkur?
- Ég er gift Þorláki Sigur-
björnssyni, sem lauk búfræði-
og tamninganám að Hólum
'93, og börnin okkar eru
Heimir, 7 ára, og Orri Sigur-
björn, á öðru ári. Við eigurn
heima að Sólgörðum, sem er
bara í nokkur hundruð metra
fjarlægð frá jörðinni að
Langhúsum. Þar er maðurinn
minn bóndi, ásamt tengda-
foreldrum mínum, Sigurbirni
Þorleifssyni og Bryndísi
Alfreðsdóttur.
Hvers vegna lá leið þín til
Skagafjarðar?
- Fyrst voru það hestarnir og
sveitin. Ég var flutt til Reykja-
víkur og ætlaði að ganga af
göflunum í borginni, leiddist
þar og hundleiddist. Ég sá að
við svo búið mátti ekki standa
og kom mér á Hóla, þar sem ég
fann virkilega hvað ég vildi gera
í lífinu, nefnilega vera í sveit og
vera með fúllt af skepnum. Nú,
svo er það náttúrulega
toppurinn á tilverunni, bless-
aður skorturinn á rigningu hér
fyrir norðan, ég vil miklu frekar
sjá vatn í föstu og hvítu formi
heldur en blautt.
Hvernig búskap eruð þið
með?
- Við erum með 30 kýr, um 40
hross, nokkrar kindur ofan á
brauð, íslenskan hund, kött og
gullfiska. Það er ágætis blanda.
Er ræktun og tamning þín
atvinna eða vinnur þú við
eitthvað annað?
- Ræktun hesta, hunda og kúa
er ástríða hjá okkur. Við erum
ung og erum með góðar
skepnur. Það er mikil skemmt-
un, hugsun, grúsk, kaffidrykkju
með góðu fólki og gleði á bak
við að gera gott betra.
Við erum strax farin að sjá
árangur, besta ræktunarhryssan
okkar er Kolfinnsdóttir, grá-
skjótt klárhryssa við 1. verð-
laun. Kýrnar mjólka meira og
verða fallegri og hraustari með
hverju árinu, ræktunarhund-
urinn okkar var íslenskur
meistari en nú tekur dóttir
hennar við og hefúr þegar náð
að verða besti hvolpur sýningar
á landssýningu HRFÍ.
Þorlákur er kúabóndi, en ég
er löngu hætt að vinna í
tamningum, heldur tem ein-
göngu fyrir sjálfa mig sem er
nefnilega það skemmtilegasta
sem ég geri, sálubót og
endurnæring. Ég vinn aftur á
móti hjá sjálfri mér, er með
rekstur þar sem ég sel hross frá
mér og öðrum til fjölda landa
(15 hingað til), í gegnum vefsíðu
mína icelandichorse.is Þetta
hefur verið atvinna mín í
bráðum 10 ár.
Ég er líka grunnskólakennari
og stunda þar barnatamning-
ar... annars finnst mér oftast að
við börnin séum að læra saman,
þau kenna mér og gefa mér jafn
mikið og ég þeirn, þessar
elskur.
Já, þaðerþessiskemmtilega
heimasíða sem þú heldur úti.
Hvernig kom hún til?
- Sem áhugamál og vegna
fýrirspurna, útlenskir hesta-
menn sem ég kynntist á
umræðulista á netinu voru alltaf
að spyrja um upplýsingar um
hitt og þetta, ráð um ólíklegustu
hluti, um myndir, um mig, um
fréttir af íslandi, og svo fór ég
bara að prufa mig áfram með
html og setja inn helstu
upplýsingarnar á vefsíðu. Þar
sem ég var líka spurð um hross
til sölu fór ég líka að bjóða þau
fram. Vefsíðan, þetta dekurbarn
mitt, var horuð fýrst en er orðin
stór og bústin núna.
Ég var beðin um að taka við
stjórn póstlistans, og þar eru yfir
700 þáttakendur núna frá
ýmsum heimshornum, allt
áhugamenn um íslenska
hestinn, og mikil umræða alltaf
í gangi.
Ég tók eftir því á síðunni
þinni að þið eruð með fallega
liti inni í ykkar ræktun. Er
það með vilja gert?
- Já, ég hef afskaplega gaman af
litum, en ég hef meira gaman af
afkastaskepnum. Ef okkur
bjóðast jafngóð dýr til undan-
eldis, en annað er litfegurra en
hitt, er ekki spurning hvort við
veljum. Fyrst er litið á dóm
dýrsins, byggingu, afköst, og
geðslag. Útkoman er að
litadýrðin blómstrar hjá okkur,
í öllum dýrategundum.
Þið stefnið á að kaupa
jörðina af tengdaforeldrum
þínum, eruð þið ekkert
bangin við framtíðarbúsetu í
Fljótum?
- Fljótin eru ffábær sveit, hér
eru skjólgóðir dalir, mjög gott
mannlíf, mikil samheldni,
samvinna og húmor í fólki, og
öll nauðsynleg þjónusta í
seilingarfjarlægð. Hér er
nefnilega topp grunnskóli og
leikskóli, kaupfélagsútibú í
miðri sveitinni, og ekki langt í
afar góða heilsugæslu á
Siglufirði. Svo fæst önnur
þjónusta á Sauðárkróki og
Siglufirði eða með póstinum.
I raun er því hér mjög gott að
vera ef maður þarf ekki að fara
Arnþrúður heima i stofu með synina Orra Sigurbjörn og Heimi.