Feykir - 25.06.2009, Blaðsíða 7

25/2009 FeykJr 7
það sem er efst á baugi hjá mér
þessa stundina að fara út í
þannig rekstur. En ég útiloka
það ekkert, segir Sirrý og segir
að hún hafi ekki átt von á því að
vinna í þessari samkeppni og
bara alls ekki, ítrekar hún.
Hjá Þórdísi er hugmyndin
þannig til komin að ef tO þess
kæmi að Capello þyrffi stærra
húsnæði þá væri ekki um
auðugan garð að gresja í
húsnæðismálum á Króknum.
Hugmynd Þórdísar gerir ráð
fyrir því að í húsinu verði
hárgreiðslustofa, nudd,
snyrtifræðingur og slökun.
-Ég lærði og vann á Hár
Saga sem er í sama húsi og
Hótel Saga í Reykjavík en þar
eru einmitt hárgreiðslustofa,
rakarastofa og SPA, segir
Þórdís og fannst sniðugt að
hafa þessa starfsemi undir
sama þaki en saknar þess að
ekki skuli vera álíka starfsemi
á Króknum. -Ég hugsaði með
mér að ég gæti verið með einn
þriðja af plássinu undir
hársnyrtinguna en nuddari og
snyrtifræðingur myndi skipta
hinu plássinu á milli sin, segir
Þórdís og telur að auðvelt geti
verið að fá snyrtifræðing á
Krókinn þar sem atvinnuleysi
virðist fara vaxandi á
höfuðborgarsvæðinu. Þórdís
flutti á heimaslóðir árið 2004
og stofnaði fyrirtæki sitt árið
2005 ...og alltaf nóg að gera,
sem betur fer, eins og hún
segir sjálf og býst við að fjölga
starfsfólki um einn í haust.
Þegar Þórdís er spurð út í það
hvort hún haldi að hennar
hugmynd verði að veruleika
vill hún taka það fram að allt
er þetta á hugmyndastigi og
engar ákvarðanir hafa verið
teknar varðandi nokkuð í
þessa veru en það auðveldar
hlutina að hún sé með rekstur
og gæti þurft að stækka við
sig. -En, það er aldrei að vita,
segir Þórdís með bros á vör og
segir að allir möguleikar séu
opnir. -Ég er alveg til í að skoða
þetta.
Þegar þær stöllur voru
spurðar út í það hvort þær hafi
vitað af tillögu hinnar svöruðu
þær að svo hafi ekki verið.
Þegar þær voru kallaðar í
myndatöku fyrir framan Kaffi
Krók rifjaðist upp fýrir þeim að
þær hittust í Laugum SPA fyrir
nokkrum misserum og voru
báðar í sæluvimu í dekri og
slökun og sjálfsagt að hugsa
það sama, mikið væri gott að
hafa svona á Króknum.
Viðtal við stofnendur hljómsveitarinnar Fúsaleg Helgi
Gott aó stofna
hljómsveit á Króknum
Fjöllistahópurinn hjá Vinnuskóla Skagafjarðar fór á stúfana og hitti meðlimi
hljómsveitarinnar Fúsaleg Helgi og lagði nokkrar spurningar fyrir þá Fúsa og
Helga. Krakkarnir sem unnu viðtalið heita Fannar Arnarsson, Laufey Rún
Harðardóttir og Gísli Þráinn Kristjánsson.
Fúsi og Helgi eöa Fúsaleg Helgi.
Við fórum niður í Loðskinn
þar sem að Fúsaleg Helgi er
með æfingasvæði, hittum
þar Fúsa og Helga Sæmund
og spjölluðum við þá. Helgi
og Fúsi eru í tveimur
böndum sem eru Bróðir
Svartúlfs og Fúsaleg Helgi.
Strákarnir æfa á hverju
kvöldi niðri í Loðskinn og
gengur bara ótrúlega vel
með báðar hljómsveitir,
Bróðir Svartúlfs vann
náttúrulega Músíktilraunir
og fékk þá gríðarlega
umíjöllun, við ákváðum að
koma með smá umfjöllun
um Fúsaleg Helgi.
1. Er erfitt að koma upp
hljómsveit á Sauðárkróki?
-Maður verður bara að
þekkja einhvern annan sem
er að spila, ef þú átt vini sem
eru í músík þá er það ekkert
mál, ef þú þekkir engan þá
er það erfiðara. Þá er bara að
skrá sig í tónlistarklúbbinn.
2. Er góð aðstaða
fyrir hljómsveitir hér á
Króknum?
- Já, miðað við íbúaíjölda
þá er góð aðstaða uppi í
skóla og í Húsi frítímans.
Sveitarfélagið er búið að vera
mjög opið íýrir öllu svona.
3. Hvað kallast tónlistar-
stefnan sem að Fúsaleg
Helgi spilar?
-Kántrý / blús / Ambient.
4. Hvernig gengur með
bandið?
-Það gengur ótrúlega vel
miðað við að við erum í Bróðir
Svartúlfs, við áttum ekki von á
að geta haldið í Fúsaleg Helgi
eins og við vorum að gera en
fólk er að taka vel í þetta og
fílar bandið. Þetta er svo líbó,
tónlist til að spjalla við, drekka,
slaka á, slást og allt mögulegt.
5. Eru þið að fá einhverja
styrki?
-Sparisjóðurinn styrkti
Bróðir Svartúlfs og ætlar að
gera það meira en við erum
að fara að sækja um í styrk í
menningarsjóð, fólk er mjög
jákvætt fyrir að gefa peninga
í þetta.
6. Eigum við von á disk frá
ykkur?
Laufey Rún, Gísli Þráinn og Fannar.
-Það er bókað mál, vitum
ekki alveg hvenær en þegar
að tími gefst til þá eigum við
efni í disk. Markmiðið er að
koma út diski í vor.
7. Hvað er uppáhalds
giggið ykkar?
-Á Jónsmessu í Höfðaborg
2008, gekk ótrúlega vel fólk
var svo líbó og hresst, stóð
upp og klappaði og i Bifröst
laugardagkvöldið 20. júní.
Það var alveg geggjað.
8. Hvernig varð bandið til?
-Það var í seinnipart 2007,
fyrir söngkeppni FNV 2008,
við vildum gera blúslag fyrir
keppnina sem var vel tekið
og við tókum það upp.
Vorum bara tveir þá en svo
fýrir tónleika sem við
héldum í apríl 2008 á
Mælifelli, datt okkur í hug að
hafa “stórsveit” og við
hringdum í Nonna og Sævar
og þá varð Fúsaleg Helgi til
eins og hún er núna.
9. Hvernig gengur ykkur
að vera í tveimur böndum?
-Gengur býsna vel, vorum
búnir að sjá fram á að Fúsaleg
Helgi myndi detta upp fýrir,
en svo eru alveg 7 kvöld í
viku sem við höfum til að
æfa og við náum alveg að
æfa nóg fyrir báðar hljóm-
sveitir.
10. Er þetta eitthvað
sem að þið ætlið að
halda áfram að gera í
framtiðinni?
- Já. Þetta er lífið. Veitir
manni ánægju og fýllingu í
lífið.
11. Hver er uppáhalds
tónlistarmaðurinn ykkar?
Helgi: Tom Waits, Leonard
Cohen og Bruce Spring-
steen.
Fúsi: Kurt Cobain, Jeff
Buckley, Eric Clapton og
Stevie Ray.
12. Er svo planið að
taka þátt í undankeppni
Eurovision?
-Ég var einmitt að hugsa um
þetta í dag og ég ætla að gera
það, Fúsi vill það ekkert, en
á örugglega eftir að gera það
einhvern tímann.
13. í hvernig sokkum eru
þið?
Fúsi: Svartir og snúa á
röngunni.
Helgi: Svörtum sokkum úr
Dressman.