Feykir - 25.06.2009, Blaðsíða 8
8 Feykir 25/2009
( TÖLVUPÓSTVIÐTALIÐ )
Þórhallur Barðason á Blönduósi er formaður Menningar- og
fegmnarnefndar bæjarins en nefndin fer meó umsýslu Húnavöku
þetta árió. Feykir sendi Þórhalli tölvupóst og forvitnaðist örlítió um
komandi Húnavöku, Þórhall sjálfan auk þess aö spyrja frétta frá
Blönduósi.
Fulltrúi frá
Blönduósi f öllum
hljómsveitum
Aðeins um manninn sjálfan, hver
er hann, hvaðan kemur hann og
hvað gerir hann?
-Ég er værukært góðmenni og
kem frá Paradís, þ.e. Kópaskeri.
Ég er söngvari og kenni söng við
Tónlistarskóla Austur-Húnvetninga
og stjórna Samkórnum Björk.
Hvað er síðan að frétta af
Blönduósi?
-Núna í þessum orðum töluðum em
Smábæjarleikarnir ífullum gangi og
flaut dómara og hvatningaröskur
dynja á okkur.
En þér sjálfum?
-Allt gott takk.
Ert þú eitthvað að syngja þessa
dagana?
-Það er að mestu sumarfrí á þeim
vígstöðum.
Nú ert þú formaður menningar-
nefndar, hver eru helstu hlutverk
nefndarinnar?
-Nefndin heitir Menningar- og
fegrunarnefnd Blönduósbæjar,
en varðandi menningarhlutann,
þá emm við ráðgefandi æðri
stjórnsýslu bæjarins, bæjarráði
og bæjarstjórn og tengiliðir milli
menningarfrömuða og bæjarins.
Húnavakan er framundan, hvað er
á dagskránni?
-Já, hún fer fram helgina 17.-19.
júlí. Það verða tónleikar með
Bróður Svatúlfs og Agent Fresco
og svo fjölskylduball með Svörtu
sauðunum á föstudagskvöldinu.
Á Laugardeginum 18. júlí byrjar
dagurinn á söngvara-keppni fyrir
börninsemnefnist„Míkróhúnninn”,
svo er Blönduhlaupið kl. 11. Kl.
14 verður fjölskylduskemmtun
á torginu. Það verða tónleikar í
kirkjunni í hádeginu og um kvöldið
er kvöldvaka í Kvenfélagsgarðinum.
Dagurinn endar svo með stór-
dansleik með hjómsveitinni „í
svörtum fötum”.
Sunnudagurinn er svo helgaður
söfnunum okkar. í Hafíssetrinu
verður kunngjört hver á besta
nafnið á nýju ísbimuna okkar sem
drepin var með eftirminnilegum
hætti úti á Skaga. Á bókasafninu
verður bókamarkaður alla helgina
og í Heimilisiðnaðarsafninu verður
lifandi dagskrá. Nú er ég að þylja
þetta upp úr mér eftir minni og
það vantar ömgglega margt.
Er von á einhverjum stórum
nöfnum á hátíðina?
-Já, er það ekki? í svörtum fötum,
Skoppa og Skrítla og Gunni og
Felix em sjálfsagt stærstu nöfnin
sen búið er að semja við.
Hvert er hlutverk bæjarbúa í
hátíðarhöldunum?
-Samkórinn verður með tónleika
í hádeginu á laugardeginum.
Ungmennafélagið sér um
Blönduhlaupið. Að öðru leyti em
bæjarbúar ekki mjög duglegir að
trana sérfram og kannski þeirséu
ekki virkjaðir nóg hátíöarhelgina.
Heimamenn hafa samt verið
duglegir að skreyta og gera fínt og
sækja viðburði þá sem em í boði.
Það verða veitt verðlaun á
kvöldvöku á laugardeginum, um-
hverfisverðlaun, fegursti garðurinn,
mesta framtak til fegmnar og svo
framvegis og ég trúi því að það
hafi jákvæð áhrif.
Hverjir eru það sem hafa verið
að sækja hátíðina heim, eru
það brottfluttir húnvetningar
eða hafið þið verið að ná lausa-
traffík?
-Brottfluttir Blönduósingar hafa
notað tækifærið og haldið :
bekkjarmót á Húnavöku og
svo hafa vinir og ættingjar
Blönduósinga verið duglegir að
heimsækja þá á þessum tíma.
Hvað með íbúa úr nágranna-
byggðarlögum ykkar, hafa þeir
veríð duglegir að mæta á Húna-
vöku?
-Það hafa ekki verðið stundaðar
neinar rannsóknir á því en ég hef
hitt þó nokkra úrnágrannabyggðum
á Húnavöku. Nágrannar okkar
hafa verið mjög duglegir að koma
á böllinn svo mikið veit ég þó.
Eitthvað að lokum?
-Allir eru hjartanlega velkomnir
á Húnavöku og vonast ég til
þess að sjá sem flesta fylla götur
Blönduósbæjar með hlátri og
gleði.
Og til gamans langar mig að
taka það fram að Blönduósbær
og nærsveitir eiga fulltrúa í öllum
hljómsveitunum sem nefndar em í
þessu viðtali.
Húsfreyjurnar á Vatnsnesi
Rammíslenskur
hátíöarmatur
Margir gestir mættu á svæðið og nutu veisluborðsins.
Sumarhátíðin Bjartar nætur
fór fram í Hamarsbúð á
Vatnsnesi 20. júní s.l. í
fimmtánda sinn, en það eru
Húsfreyjurnar á Vatnsnesi
sem standa fyrir henni.
Um það bil 390 manns nutu
hins margrómaða fjöruhlað-
borðs, sem svignaði undan
sjaldséðum kræsingum á borð
við selkjöt, signa grásleppu,
súrsaða selshreifa, kviðsvið,
rúsínublóðmör, grafna grá-
lúðu, snittum með kæfu og
reyktum silungi, heimagerðu
skyri og fjallagrasamjólk svo
fátt eitt sé nefnt.
Gestir fjöruhlaðborðsins
kornu ríðandi, gangandi og
akandi, og þeir síðastnefndu
komu frá öllum landshlutum.
Um tónlistina og stemninguna
sá Tríó Ragnars Levi.
Bögglauppboð var haldið
að vanda í stórtjaldinu, en
tekið skal fram að allur ágóði
uppboðsins rann óskertur til
Náttúrugripasafns Grunn-
skóla Húnaþings vestra.
Veðrið var milt og rólegt,
en rigningarskúrir voru um
tíma en það er í fyrsta skipti á
þessum fimmtán árum sem
það gerist í þessari veislu.
Þrátt fyrir vætuna skemmtu
gestir hátíðarinnar sér vel og
er hún rós í hnappagati
sýslunnar.
Hestamenn létu sig ekki vanta i kræsingarnar.
Hákarl ofan á brauð og hettumáfsegg.