Morgunblaðið - 24.09.2015, Blaðsíða 1

FIMMTUDAGUR 24. SEPTEMBER 2015
ÍÞRÓTTIR
Handbolti Landsliðsmaðurinn Aron Pálmarsson er ánægður í herbúðum ungversku meistaranna
í Veszprém sem hann gekk til liðs við í sumar. Þjálfaranum var óvænt sparkað í vikunni 2
Íþróttir
mbl.is
Morgunblaðið/Golli
Gleði Glódís Perla Viggósdóttir fagnar í sigrinum á Hvíta-Rússlandi í fyrra-
kvöld. Hún hefur átt frábæru gengi að fagna í Svíþjóð á þessari leiktíð.
FÓTBOLTI
Sindri Sverrisson
sindris@mbl.is
„Þeir vilja halda mér, og ég er aðeins
komin af stað í samningaviðræðum við
félagið. Það er þó ekkert komið á
hreint,“ sagði Glódís Perla Viggósdótt-
ir, landsliðsmiðvörður í knattspyrnu,
sem hefur óvænt slegið í gegn ásamt
liðsfélögum sínum í Eskilstuna í ár en
liðið er á toppi sænsku úrvalsdeild-
arinnar. Glódís, sem er tvítug en hefur
þegar leikið 32 A-landsleiki, kom til
Svíþjóðar eftir að hafa orðið Íslands-
og bikarmeistari með Stjörnunni í
fyrra, og gerði samning sem gildir út
nóvember. Nú freista forráðamenn
Eskilstuna þess að halda Glódísi, sem
er spennt fyrir því en var ekki nægi-
lega sátt við fyrsta boð.
„Mig langar að vera áfram, sér-
staklega ef við náum meistaradeild-
arsæti. Þá vil ég auðvitað taka þátt í
því. Mér líður rosalega vel þarna og
umgjörðin er rosalega flott. Það er
hugsað mjög vel um okkur. Við erum
til dæmis með okkar leikvang og klefa
þar sem allt mitt æfingadót bíður mín
nýþvegið fyrir æfingu. Starfsfólkið er
rosalega gott og við erum mjög sáttar í
íbúðinni sem okkur var úthlutað. Svo
eru yfir 2.000 áhorfendur á öllum leikj-
um, sem er geggjað, og á móti Rosen-
gård mættu 5.600 manns á leikinn. Ég
hef aldrei spilað fyrir framan fleira
fólk. Það er brjálaður stuðningur í
bænum, enda erum við eina efstudeild-
arliðið hérna,“ sagði Glódís. Eskil-
stuna er með fjögurra stiga forskot á
Söru Björk Gunnarsdóttur og stöllur í
meistaraliði Rosengård, sem flestir
spáðu titlinum í ár:
Bjuggumst við að verða
miðlungslið í deildinni
„Við bjuggumst bara við að verða
miðlungslið í deildinni. Við vissum að
við gætum alveg stolið stigum af þess-
um bestu liðum en við bjuggumst ekk-
ert við að verða í hópi þriggja efstu
liða. Þetta hefur verið algjörlega
framar björtustu vonum, en við höfum
svo sett meiri pressu á okkur núna.
Því meira sem við vinnum því meiri
stuðning fáum við,“ sagði Glódís. Að-
eins fjórar umferðir eru eftir af deild-
inni, en engin ástæða til að fagna
strax:
„Þetta er algjörlega í okkar hönd-
um, en við eigum erfiða leiki eftir, til
dæmis útileiki við Piteå og Linköping
sem eru í 4. og 3. sæti,“ sagði Glódís en
leikurinn við Piteå er á sunnudaginn.
Glódís hefur fundið sig vel í 3-5-2-
leikkerfinu sem Eskilstuna notar, og
kveðst hafa bætt sig mikið á fyrsta
árinu í atvinnumennsku. Sjálfstraustið
geislaði enda af henni í 2:0-sigrinum á
Hvíta-Rússlandi í fyrrakvöld:
„Ég hef bætt mig rosalega. Maður
finnur það kannski ekki svo mikið þeg-
ar maður er að spila úti, en ég fann
það í þessum landsleikjum hvað mað-
ur var miklu öruggari og leið betur
með allt sem maður var að gera. 3-5-2-
leikkerfið hentar okkur fullkomlega.
Ég spila með einni írskri og einni
enskri, og við náum mjög vel saman,
allar rauðhærðar,“ sagði Glódís hlæj-
andi.
Hef bætt mig rosalega
 Meistaratitillinn blasir óvænt við Glódísi á fyrsta árinu í atvinnumennsku
 Frábær umgjörð og stemning í Eskilstuna  Viðræður um nýjan samning
Rosenborg
tryggði sér í
gærkvöldi sæti í
bikarúrslita-
leiknum í knatt-
spyrnu í Noregi
og skoraði Matt-
hías Vilhjálms-
son sigurmarkið
í 3:2 sigri á Sta-
bæk í undan-
úrslitum. Rosen-
borg komst í 1:0 en Stabæk sneri
leiknum sér í hag og komst í 2:1. Al-
exander Söderlund, fyrrverandi
leikmaður FH, jafnaði hins vegar
fyrir Rosenborg á 78. mínútu og
þurfti að framlengja leikinn til að
fá fram úrslit. Matthías kom inn á
sem varamaður hjá Rosenborg á 83.
mínútu og skoraði sigurmarkið eft-
ir fimm mínútna leik í framlenging-
unni. Hólmar Örn Eyjólfsson var á
sínum stað í miðverðinum hjá Ros-
enborg. kris@mbl.is
Sigurmark
hjá Matthíasi
Matthías
Vilhjálmsson
HANDBOLTI
Ívar Benediktsson
iben@mbl.is
Handknattleikskonan Þorgerður
Anna Atladóttir vonast til þess að
vera komin yfir erfiðasta hjallann
varðandi meiðsli sín. Ef ekki kemur
bakslag á næstunni standa jafnvel
vonir til þess að hún geti leikið með
varaliði Leipzig í desember en þá
verður komið inn á níunda mánuð síð-
an krossband í öðru hnénu á henni
slitnaði.
Þorgerður Anna segir að for-
ráðamenn Leipzig vilji ekki taka
óþarfa áhættu og láta níu mánuði líða
frá aðgerð á krossbandi og þar til hún
byrjar að leika á nýjan leik.
„Ég fékk bakslag fyrir nokkrum
vikum. Þá fór ég of geyst af stað og
það rifnaði örlítið í sin í ilinni. Ég
þurfti að vera í tíu daga á hækjum,
taka hlé frá æfingum í fjórar vikur og
fékk fimm sprautur í sinina,“ sagði
Þorgerður Anna sem hefur fengið
sinn skerf af meiðslum á síðustu ár-
um. Þegar hún sleit krossbandið í
marsbyrjun var hún að komast af
stað eftir langvarandi meiðsli í öxl.
„Ég hef nú dregið úr sjúkraþjálfun
og einbeitt mér meira að handbolta-
æfingum. Ef allt gengur að óskum
áfram vel má ég byrja að leika hand-
bolta í desember. Þá mun ég ná mér í
leikæfingu með varaliðinu okkar þar
sem keppni hjá aðalliðinu liggur niðri
allan desember vegna heimsmeist-
aramótsins í handknattleik sem fram
fer í desember og þar sem þýska
landsliðið tekur þátt í mótinu verður
hlé á deildarkeppninni á meðan HM
stendur yfir. Fyrsti leikur aðalliðs
Leipzig í deildinni verður 30. desem-
ber. Ég verð vonandi komin í topp-
stand þá,“ sagði Þorgerður Anna
Atladóttir handknattleikskona í gær.
Biðin styttist hjá Þorgerði Önnu
 Vonast til þess að leika á ný í desember eftir krossbandsslit í mars
Morgunblaðið/Kristinn
Óheppin Þorgerður Anna Atladóttir hefur verið mikið frá vegna meiðsla.
Svo gæti farið að
Steinunn Björns-
dóttir, landsliðs-
kona í handbolta,
muni ekki leika
með Fram á ný
fyrr en á næsta
ári. Steinunn fór
í aðgerð á ökkla í
byrjun júní og
batinn tekur 6-9
mánuði. „Eins og
staðan er í dag þá lítur út fyrir að
ég gæti orðið leikfær um áramót.
Ég hafði áður vonast til þess að það
gæti orðið eitthvað fyrr,“ sagði
Steinunn þegar Morgunblaðið
spjallaði við hana í gær.
Steinunn brotnaði í landsliðs-
verkefni í október 2013. Brotið
greri ekki en ekki var um álags-
meiðsli að ræða. Hún reyndi ým-
islegt áður en ákvörðun var tekin
um aðgerð. kris@mbl.is
Steinunn frá
til áramóta
Steinunn
Björnsdóttir
 Vanda Sigurgeirsdóttir var fyrirliði
íslenska landsliðsins í knattspyrnu
sem komst í fyrsta skipti í 8-liða úrslit
Evrópukeppninnar með því að sigra
Holland 1:0 í Rotterdam 24. sept-
ember 1994.
 Vanda fæddist 1965 og lék lengst af
með ÍA og Breiðabliki þar sem hún
varð tvisvar meistari með ÍA og sex
sinnum með Breiðabliki. Hún lék 37
landsleiki og skoraði eitt mark á ár-
unum 1985 til 1996 og var fyrirliði liðs-
ins í 27 leikjum. Vanda hefur þjálfað
landslið Íslands, KR, Tindastól, Breiða-
blik og Þrótt, og þá þjálfaði hún karla-
lið Neista á Hofsósi.
ÍÞRÓTTA-
MAÐUR-
DAGSINS