Iðjuþjálfinn - 01.05.2004, Page 26

Haustið 2003 var stofnaður faghópur um iðjuþjálf-
un og öldrun á Norðurlandi. Skráðir þátttakendur
eru 11 en í hópnum eru iðjuþjálfar sem starfa með
öldruðum og/eða hafa áhuga á því. Þennan fyrsta
vetur hittist hópurinn á sex vikna fresti.
Iðjuþjálfum á landsbyggðinni fer fjölgandi en
haustið 2003 voru staðsettir rúmlega 30 iðjuþjálfar
á Norðurlandi. Því eru komnar forsendur fyrir
stofnun faghópa norðan heiða innan Iðjuþjálfafé-
lagsins.
Farið var af stað með háleitar hugmyndir og ekki
laust við að einhverjir hafi ætlað sér að bjarga heim-
inum. Tilgangur og markmið voru mótuð eftir tölu-
vert hugarflug og vangaveltur. Tilgangurinn með
starfi hópsins er að veita stuðning, miðla hugmynd-
um, fjalla um nýjungar og efla samskipti og tengsl
við aðra sem starfa með öldruðum. Markmiðið er að
gera starf iðjuþjálfa með öldruðum markvissara með
aukinni fagvitund.
Starfsemi hópsins og fyrirkomulag
Ákveðið var að taka fyrir ákveðin málefni í hvert
skipti og hafa þannig nokkurs konar þemafundi um
málefni aldraðra. Meðlimir hópsins voru sammála
um að leggja áherslu á forvarnarhugsun í þeim til-
gangi að fyrirbyggja stofnanainnlagnir. Stór þáttur í
starfi hópsins er fræðsla, bæði óformleg jafningja-
fræðsla innan hópsins og fræðsla út í samfélagið.
Einnig er ráðgert að sækjast eftir fræðslu frá utanað-
komandi aðilum.
Verkefni vetrarins
Þennan fyrsta starfsvetur fór mesta orkan í að skipu-
leggja starfið. Áhersla var lögð á að þeir iðjuþjálfar
sem starfa með öldruðum kynntu störf sín hver fyrir
öðrum. Þátttakendur voru einnig duglegir að miðla
efni af ráðstefnum sem sóttar höfðu verið og frá
þeim heimsóknum sem farið hafði verið í innan-
lands og utan.
Þau markmið sem hópurinn setti sér í upphafi eru
sett til langs tíma. Mikilvægt er að gefa faghópnum
tíma til að ná fótfestu. Það að hitta reglulega aðra
iðjuþjálfa til að ræða störf okkar hefur veitt mikinn
stuðning og gert starfið skemmtilegra.
Ætlunin er að halda ótrauð áfram og vonum við
að þátttakendum fjölgi og að faghópurinn verði enn
virkari.
Fyrir hönd faghópsins,
Eygló Daníelsdóttir
og Hulda Þórey Gísladóttir
26 - IÐJUÞJÁLFINN 1 / 2004
Faghópur um iðjuþjálfun
og öldrun - Norðurlandi
EYGLÓ DANÍELSDÓTTIR
YFIRIðJUþJÁLFI Á
ÖLDRUNARLÆKNINGA-
DEILD FSA
HULDA ÞÓREY
GÍSLADÓTTIR IðJUþJÁLFI
Á ÖLDRUNARSTOFNUN
AKUREYRARBÆJAR
Faghópur um iðjuþjálfun og öldrun á Norðurlandi.