Skólavarðan - 01.10.2004, Qupperneq 10

10
SKÓLAHEIMSÓKN
SKÓLAVARÐAN 8.TBL. 4. ÁRG. 2004
Iðnskólinn í Reykjavík er í nánum tengsl-
um við atvinnulífið. Það skapar honum
sérstöðu gagnvart öðrum framhalds-
skólum í landinu. Hann býr nemendur
sína undir að vinna við ákveðnar iðnir
auk þess sem hann er eins konar móður-
skóli handverks og iðnmenntunar. Þar
er viðhaldið fagþekkingu rótgróinna
iðngreina og mótaðar námsleiðir þar
sem ný atvinnutækifæri skapast. Iðn-
skólinn hefur til dæmis verið brautryðj-
andi í kennslu í tölvufræðum á fram-
haldsskólastigi síðustu áratugi.
Nemendur skólans eru um 2050 og
stunda nám á átta sviðum, á 36 mismun-
andi brautum. Þar af eru 120 í fjarnámi og
350 sækja kvöldskóla.
Þann 1. október sl. varð Iðnskólinn í
Reykjavík hundrað ára. Af því tilefni var
haldin mikil hátíð fyrir nemendur, kennara
og aðra starfsmenn skólans og almenningi
var boðið að taka þátt í hátíðahöldunum.
Sérstök hátíðarsamkoma var haldin í Hall-
grímskirkju þar sem 500 boðsgestir voru
viðstaddir, skólinn var opnaður almenn-
ingi og haldnar voru sýningar á verkum
nemenda auk þess sem glæsileg bók um
hundrað ára starfsemi skólans kom út.
Skólameistari Iðnskólans er Baldur Gísla-
son. Skólavarðan heilsaði upp á Baldur og
hans fólk í tilefni afmælisins og spurði
hann nokkurra spurninga um starfið í IR.
Mikil gróska í listnámi og upplýsinga-
og fjölmiðlagreinum
Baldur var spurður að því í hvaða náms-
greinum væri mesta gróskan. Hann sagði
að mikil gróska væri í listnámi og upplýs-
inga- og fjölmiðlagreinum. „Síðarnefndu
greinarnar voru fyrst kenndar við skólann
árið 2000 og nú eru þær að leysa gömlu
bókagerðargreinarnar af hólmi, til dæmis
ljósmyndun, umbrot og prentiðn. Þessar
greinar eru mjög vinsælar. Þarna er alger-
lega ný námskrá, námið er stokkað upp
og ný tækni leysir gömul vinnubrögð af
hólmi. Sennilega er þarna mesta gróskan.
Í öðrum greinum er ástandið ekki nógu
gott því fáir hafa áhuga á að læra þær. Þar
má nefna málmiðnaðargreinarnar.“
Hvernig fer fyrir störfum sem krefjast
málmiðnaðarmanna hér á landi?
„Við flytjum inn fólk í stórum stíl og
það vinnur þessi störf. Málmiðnaðurinn er
í lægð, þörfin fyrir fólk með þessa sérhæf-
ingu hefur minnkað, sem dæmi má nefna
að allar skipasmíðar eru farnar úr landinu
en samt vantar stórlega íslenska málmiðn-
aðarmenn. En þær greinar málmiðnaðar
sem mest gróska er í hérlendis eru flottar
greinar. Þar vil ég nefna hátækni fyrirtæki
eins og Marel og Skagann, sem hanna og
framleiða fyrir matvælaiðnað, þannig að
þeir sem læra til þessara starfa fá fína
vinnu að námi loknu. Þetta nægir samt
ekki til að laða ungt fólk að greininni.
Kannski þarf að gera námskrána öðru vísi
úr garði svo að hún höfði meira til ung-
linga,“ segir Baldur hugsandi.
Stúlkum fjölgar í iðnnámi
Baldur var spurður að því hvort stúlk-
ur sæktu í iðnnám og þá hvaða greinar.
„Stúlkum hefur fjölgað um 4% síðastliðin
tvö ár. Flestar þeirra eru í hefðbundnum
kvennagreinum, svo sem hárgreiðslu og
fataiðn, en þær sækja mjög í listnámið,
þar skiptast konur og karlar nokkuð jafnt.
En í fjölmiðla- og upplýsingatækni eru
konur líklega í meirihluta. Það gengur
hins vegar allt of hægt að fá stúlkurnar
í hinar hefðbundnu karlagreinar. Ég skil
ekkert í því hvers vegna stúlkur sækjast
ekki eftir að læra fög eins og rafeinda-
virkjun sem krefst ekki líkamlegra burða.
Þetta er tæknigrein sem byggist á mikilli
stærðfræði en það er þekkt að stúlkurnar
sneiða gjarnan hjá henni,“ sagði Baldur
og bætti við að stúlkur væru flestar í tré-
smíðagreinum þegar horft væri til hefð-
bundinna karlagreina.
Síðustu kjarasamningar FF bættu úr
kennaraskorti
Þegar Baldur var inntur eftir því hvern-
ig gengi að fá góða kennara í iðngreinar
svaraði hann að bragði.
„Það gengur vel. Eftir síðustu kjara-
samninga er staðan allt önnur fyrir skól-
ana þegar leitað er að hæfu fólki. Núna
þegar auglýst er eftir kennurum þá sækir
fólk sem reynist hafa full réttindi. Það
kemur í ljós að eftir að kjörin bötnuðu
fara menn og bæta við sig kennaranám-
inu til að öðlast réttindi. Það er allt önnur
staða en var.“
Margvísleg tækifæri til framhaldsnáms
Baldur sagði að nemenda með lokapróf
Móðurskóli handverks og iðnmenntunar
Eftir síðustu kjarasamninga er staðan allt önnur
fyrir skólana þegar leitað er að hæfu fólki. Núna
þegar auglýst er eftir kennurum þá sækir fólk sem
reynist hafa full réttindi.
Baldur Gíslason skólameistari.
Iðnskólinn í Reykjavík aldargamall