Skólavarðan - 01.12.2005, Blaðsíða 8

8
NÁMSEFNI
SKÓLAVARÐAN 8.TBL. 5. ÁRG. 2005
Dagasögur eru sögur um vikudagana
í tali og tónum eftir þær Kristínu
Björk Jóhannsdóttur þroskaþjálfa og
kennara og Guðrúnu S. Þórarinsdóttur
sérkennara. Dagasögurnar eru á
hljóðdiski og honum fylgir hefti þar
sem sögurnar eru skráðar og mynd-
skreyttar. Í söguheftinu er einnig að
finna fróðleiksmola, stýriblöð fyrir
hverja sögu og spurningar úr sögunum.
Ólafur Þórarinsson hljómlistamaður
hefur samið og valið sjö lög og texta
sem fylgja sögunum. Diskurinn og
söguheftið eru saman í dvd hulstri.
Dagasögur fræða börn um vikudagana
og athafnir daglegs lífs á lifandi og
skemmtilegan hátt. Hver dagur á sinn
gest sem kemur í heimsókn og flytur
boðskap í tali og tónum. Á hljóðdiskinum
eru sögurnar lesnar og umhverfishljóð
notuð til að ýta undir frjóa hugsun líkt
og myndirnar gera í söguheftinu. Hverri
sögu fylgir lag og texti sem auðvelt er
að læra og hrífa börnin með í söng og
hreyfingu. Dagasögur eru hvetjandi fyrir
málvitundina og hafa ýtt undir áhuga
á lestrarnámi. Námsefnið tekur mið af
kenningu Howards Gardners um fjölgreind
þar sem greind er skipt niður í átta svið.
Dagasögur mæta mismunandi þörfum
nemenda með því að nálgast efnistök á
fjölbreyttan hátt.
Hægt er að kaupa námsefnið hjá
höfundum (verð kr. 3500): daga-
sogur@vallaskoli.is, í Skólavörubúðinni
og bókabúðum Pennans og Máls og
menningar. Þá má nálgast ítarefni með
Dagasögunum í íslensku, stærðfræði og
lífsleikni á: www.skólavefurinn.is.
Markmið námsefnisins er að efla
tímaskilning nemenda og auðvelda þeim
þannig að skynja tilveruna frá degi til
dags. Sögurnar hvetja nemendur til tjá-
skipta um ýmis dagleg verkefni. Á þann
hátt efla þær bæði málþroska nemenda
og lífsleikni þeirra. Dagasögurnar hafa
því þríþætt markmið, að efla
• málvitund og skipulagða tjáningu
• tímaskilning
• lífsleikni
Dagasögurnar eru sjö, ein fyrir hvern
dag vikunnar. Hver dagagestur á sama
upphafsstaf og dagurinn hans. Í öllum
sögunum er fjallað um tímann og hugtök
sem afmarka hann. Hver saga hefur
einnig að geyma boðskap og fróðleik sem
hefur það að markmiði að efla lífsleikni
nemenda. Fjallað er um athafnir daglegs
lífs eins og að borða hollan mat, hreyfa sig
reglulega, fara eftir reglum, vera kurteis,
bursta tennurnar, fara snemma að sofa
og klæða sig samkvæmt veðri. Rauði
þráðurinn í sögunum er að vekja athygli
á gildi þess að eiga góð samskipti við
mannfólkið og náttúruna.
Punktar frá vinnu
höfunda með Dagasögur
Við hlustum á dagasögur í samverustund á
morgnana. Börnin skiptast á að stjórna og
spyrja spurninga úr efninu. Skemmtilegt
hefur verið að upplifa hversu frjó þau eru
að búa til spurningar og oft koma mjög
heimspekilegar spurningar. Við tengjum
ýmislegt sem verið er að vinna með í
skólanum inn í umfjöllun um boðskap
hverrar sögu, til dæmis víkingaþema sem
var í gangi nýverið. Dæmi um tengingu er
umræða um heiminn, trúarbrögð, áttavita,
orku, sjó, veiðar, báta, dýr á Íslandi, mat,
handrit, eldgos, nytjahluti, veður- og
gróðurfar.
Malla mús sem heimsækir okkur á
miðvikudögum er að læra umferðareglur
og fékk hjálp frá nemendum. Nokkrir
nemendur héldu kynningu í samverustund
á umferðaskiltum sem þeir höfðu tekið
myndir af í lífsleiknitíma. Dagasögur
gefa óþrjótandi möguleika á tengingu
við önnur viðfangsefni og þær henta
mjög vel til að tendra neistann í upphafi
þemavinnu.
Söguheftið nota börnin til að fylgjast
með texta um leið og hlustað er á
upplestur. Þau fylgjast líka vel með í
söguheftinu til að vita hvenær á að stoppa
og varpa fram spurningum úr efninu, við
notum okkur það til að læða að fróðleik
um greinarmerki.
Svo lesa þau saman söngtextana og
tákna hreyfingar með. Þannig eiga þau
oft auðveldara með að læra vísurnar og
söngur verður liprari. Nemendur hafa
svo túlkað sögur og lög með leikrænni
tjáningu. Þá vinna börnin ýmis verkefni á
blaði sem tengjast námsefninu og nýverið
unnu nemendur okkar kubbaverkefni úr
Dagasögum með leskubbum Þorsteins
Sigurðssonar. Þetta eru verkefni sem
reyna á málskilning og málfræðikunnáttu.
Einnig hefur nemendum þótt gaman að
fá sérstakar vinnubækur í íslensku og
stærðfræði um dagagestina.
Dagasögur
Ólafur Þórarinsson hljómlistamaður, Kristín Björk Jóhannsdóttir þroskaþjálfi og
kennari og Guðrún S. Þórarinsdóttir sérkennari. Listaverkið fyrir aftan þau
er unnið út frá Dagasögum.
Lj
ós
m
yn
d
fr
á
hö
fu
nd
um