Víkurfréttir - 17.10.1985, Blaðsíða 11
VÍKUR-fréttir
Fimmtudagur 17. október 1985 11
Hilmar Jónsson:
Er brennivínsútgerð Davíðs
það sem koma skal?
Um daginn var aðalfrétt
DV um vaxandi áfengis-
og vímuefnaneyslu ungl-
inga og barna. Fréttin var
byggð á skýrslu landlæknis.
Daginn eftir kom frásögn
Víkur-frétta af afgreiðslu
bæjarstjórnar Keflavíkur á
beiðnum þriggja skemmti-
staða um vínveitingaleyfi.
Sú beiðni var samþykkt
með 7:0 og formaður bæjar-
ráðs, Guðjón Stefánsson,
lét bóka sérstaka fordæm-
inug frá sér á flokksbróður
sinn, Jón Helgason dóms-
málaráðherra, fyrir að
spyrna gegn stöðugri fjölg-
un vínveitingastaða í land-
inu.
Brennivínsútgerð Davíðs
Oddssonar er sem sagt
orðin útflutningsvara um
landið. Enginn stjórnmála-
maður hefur sýnt áfengis-
vörnum og bindindisfólki
jafn mikla fyrirlitningu og
Davíð, enda má segja að
það eina sem blómstrar í
hans borg séu búllur. Tvö
útvegsfyrirtæki er þar að
finna, annað rambar á
barmi gjaldþrots, hitt er
tuttugu til þrjátíu árum á
eftir tímanum. Borgar-
bókasafnið var einu sinni
stolt Reykjavíkur. Nú
kaupir sú stofnun eitt
eintak af tímariti, sem hún
áður keypti 20. Undanfarin
ár hafa nýjar bækur ekki
verið þar á boðstólum fyrr
en eftir jól. Þetta er afleið-
ing þess fjársveltis, sem
stofnunin hefur verið í,
einkum og sé í lagi eftir að
Davíð tók við stjórnar-
taumum í borginni.
Af félagsmálum er ekkj
fegurri sögu að segja. í
Reykjavík hefur borgin
undir forystu Sjálfstæðis-
manna staðið í mikilli styrj-
öld síðan 1967 við áhugafé-
lög og æskulýðssamtök
með því að veita lítt tak-
mörkuðu fé í svokallað
Æskulýðsráð Reykjavíkur.
Eg þekki ekkert sveitarfé-
lag sem á eins skipulagðan
hátt reynir að drepa frjálst
framtak í félagsmálum og
Reykjavík. En hvað varðar
Davíð um æskulýðsmál og
áfengisvarnir? Lætur hann
ekki borga svo milljónum
skiptir úr borgarsjóði í
rekstur og byggingu með-
ferðarstofnana fyrir áfeng-
issjúklinga? Hvað varðar
Davíð um að gamalt fólk
þorir ekki að vera eitt á
ferli á Hlemmi og fleiri
stöðum í borginni, af ótta
við eiturlyfjaneytendur og
þjófa? Ráðið við því er mjög
einfalt, góðir menn: meiri
gleði, bjór handa börnum
og burt með gagnrýnendur.
Stendur ekki til að reka
Kristján Pétursson úr
starfi?
A meðan Ragnar Guð-
leifsson, Hilmar Pétursson
og Tómas Tómasson héldu
um taumana í bæjarmál-
um Keflavíkur, voru
áfengisvarnir í heiðri
hafðar. Fyrsti bresturinn
kom 1967 með áfengisút-
sölu hér. Með henni hefur
áfengisneysla stóraukist og
aldur neytenda færst niður.
Síðan komu vínveitinga-
húsin: Glóðin, KK-húsið
og nú er beðið um leyfi fyrir
það þriðja. Eg óttast þessa
þróun og tel að allt heiðar-
legt fólk eigi að leggja sitt af
mörkum til að snúa henni
við. Það verður ekki gert
nema með pólitísku átaki:
Stofnun kristilegs flokks á
svipuðu plani og sá norski.
En áfengisvarnir eru eitt af
höfuðmálum kristilega
flokksins norska.
Eg fæ ekki annað séð en
Davíð Oddsson þvingi alla
góða menn í Reykjavík til
að snúa bökum saman gegn
honum. Og ég fæ heldur
ekki annað séð en bæjar-
stjórn Keflavíkur sé að
marka stefnu í þessum
málum á ári æskunnar, sem
knýi fólk til að taka af-
stöðu: Vill það brennivíns-
útgerð eða vill það eflingu
atvinnu og menningarlífs í
byggðarlaginu?
Fj örheimalistinn
1. Maria Magdalena ..
2. Unkiss that Kiss ... Stephan aj Duffy
3. Cherish Kool and the Gang
4. Pop Life
5. White Wedding .... Billy Idol
6. This is the Night ...
7. Part-time Lover ... .. Stevie Wonder
8. Dancing in the Street ... Bowie/Jagger
9. Yo’re my heart, Yo’re my soul - M. Talking
10. If I was
- Listinn gildir fyrir vikuna 13.-20. okt. -
TAKTU
TILFOTANNA
. \
BOLLASETT, DISKAR,
MATAR- OG SÚPUDISKAR,
GLÖS OG KÖNNUR,
MATAR- OG KAFFISTELL
og margt, margt fleira.
KOMIÐ OG GERIÐ GÓÐ KAUP.