Tímarit Hjúkrunarfélags Íslands - 01.03.1963, Síða 7

ÁRSSKÝRSLA HJÚKR UNARFÉLAGS ÍSLANDS
frá 13. desember 1961 til 19. desemher 1962
Meðlimir eru alls 624. 262 eru starf-
andi að hjúkrun hér á landi, 65 hafa dval-
ist við nám og störf utanlands, 297 hafa
að mestu eða öllu leyti látið af hjúkrunar-
störfum, þar af 21 fyrir aldurssakir. Heið-
ursfélagar eru 12, aukafélagar 100 (hjúkr-
unarnemar). 34 hjúkrunarkonur hafa
gengið í félagið, 33 útskrifast úr Hjúkr-
unarskóla íslands. 122 nemendur eru í
skólanum. 2 félagskonur hafa látist.
Heiðursfélagar eru: Sigríður Eiríks-
dóttir, fv. form. H.F.Í., María Madsen og
Elisabeth With, Danmörku, Kyllikki Poh-
jala, Maj Lis Juslin og Agnes Sinervo,
Finnlandi, Aagot Lindström, Bertha
Helgestad og Bergljot Larsson, Noregi,
Gerda Höjer, Karin Elfversson og Elisa-
beth Lind, Svíþjóð.
Á aðalfundi 13 des. fór fram kosning
stjórnarmeðlima í stað Guðrúnar Árna-
dóttur og Maríu Pétursdóttur, sem eigi
gáfu kost á sér til endurkjörs. Kosnar
voru Elín Eggerz Stefánsson og Kristín
Gunnarsdóttir, en Aldís Friðriksdóttir til
vara.
Formaður las upp ársskýrslu félagsins
og var hún samþykkt með smá breyt-
ingum.
Gjaldkeri las upp reikninga félagsins
og voru þeir samþykktir.
sjúkdóma í ýmsum myndum. Og mesta
hættan stafar ekki frá því, sem borðað
er á reglulegum máltíðum, heldur frá
hinum sífelldu millimáltíðum. Þar liggja
freistingarnar í leyni. Fyrir 30—40 árum
borðaði sveitafólk 3 reglulegar máltíðir
á dag og ekkert þar á milli, nema mola-
kaffi, og vann sumarlangt baki brotnu
frá kl. 7 að morgni til kl. 10 að kvöldi.
Nú komast kyrrsetumenn ekki af með
minna en 5 til 6 máltíðir á dag og þaðan
af fleiri. Því að hver kaffibolli með til-
heyrandi sykri og kaffibrauði er heil
máltíð, og hún stærri en nokkurn grun-
ar. Á vinnustöðum er oft á dag drukkið
kaffi með kökum, og húsmæðurnar þurfa
oft að hella á könnuna. Sælgæti í ýmsum
myndum á drjúgan þátt í ofáti og offitu.
Hér er við ramman reip að draga, þar
sem leggjast á eitt siðvenjur og sælgætis-
fíkn. Sælkerinn þarf á viljakrafti að
halda, og það kostar hann mikla sjálfs-
afneitun, ef hann á að segja að fullu
skilið við sætindin eða jafnvel aðeins að
draga úr neyzlu þeirra. Þeir sem kynnu
að vilja fara þá leið til megrunar að fella
niður eina máltíð, t. d. kvöldverðinn, ættu
heldur að leggja niður eina eða tvær milli-
máltíðimar, eða borða í stað þeirra nýja
ávexti, jafnframt því að hafa hliðsjón
af framangreindum ráðum um matarval
á aðalmáltíðum dagsins.
Að lokum skulu hér tilfærðar fáeinar
tölur, til fróðleiks og leiðbeiningar, um
hitaeiningagildi nokkurra algengra mat-
væla, og er miðað við 100 gömm, þar sem
annars er ekki getið:
Mjólk 65, magurt kjöt 120, þorskur
80, mjöl 360, brauð 250, þurrkaðir ávextir
300, baunir 50—80, kartöflur 60—70,
skyr 60, gulrætur 40, feitur ostur (10 g)
35, 30% ostur (10 g) 25, smjör (5 g, á
1 sneið) 40, 1 epli 75, 1 appelsína 70,
1 egg 80.