Norðurslóð - 18.12.1996, Qupperneq 5

NORÐURSLÓÐ —5
þetta verið í síðasta sinn sem séra
Friðrik kom í dalinn. Hann var þá
yfir áttrætt og nokkru seinna tók
þrek hans að bila og sjónin að
daprast og varð hann að lokum
blindur. Annars var Friðrik hraust-
menni mikið þótt sagt væri að
hann lifði á kaffi og vindlum.
Þeirri þungbæru reynslu að
missa sjónina í elli tók séra Friðrik
með merkilegu jafnaðargeði. Hann
sagði í viðtali öá níræðisafmælinu
að sjónleysið hefði fyllt hann fögn-
uði. Honum hafi fundist að Guð
væri ósáttur við sig af því að hann
lét hann ekki reyna neitt mótlæti.
Blindan varð honum sönnun þess
að þeir hefðu náð sáttum og hann
kvaddi heiminn í friði við Guð sinn
og samferðamenn 9. mars 1961.
Séra Friðrik Friðriksson var
maður með köllun og hann hafði
þá náðargáfu að geta hrifið unga
menn sem honum voru samtíða.
Enginn virðist hafa verið ósnortinn
af persónutöfrum hans. Auðvitað
urðu ekki nærri allir þeir piltar sem
ungir komust í samband við séra
Friðrik staðfastir í trúnni þaðan í
frá. En ótrúlega margir minntust
þeir síns gamla leiðtoga með þökk
og virðingu, um það eru nægir
vitnisburðir. Hann lét eftir sig ým-
is ritverk, sögur og kvæði, mörg
ort við fjöruga erlenda söngva. Þar
á meðal eru „Afram Kristsmenn,
krossmenn“, „I öllum löndum lið
sig býr“, „Hver er í salnum?“ og
„Ennþá roðna þér rósir á vöngum“;
það síðasttalda var alltaf sungið á
fundum í barnastúkunni á Dalvík í
gamla daga. - Merkasta ritverk
séra Friðriks er þó áreiðanlega
sjálfsævisagan, Undirbúningsárin
og Starfsárin. Þær bækur eru löngu
orðnar torgætar, en þær eru minni-
legur lestur. Yfir látlausum frá-
sögnum þeirra er einkennileg heið-
nkja. Hún stafar frá hugarheimi
manns sem hefur fundið sér ör-
ugga leið í lífinu og hlýðir mátt-
ugri innri rödd. Slíkir menn eru
dýrmætir sem táknmyndir og leið-
arljós þótt fæstir geti fylgt þeim
nema stuttan spöl. Minningu séra
Friðriks Friðrikssonar á því að
halda á lofti enda hefur það verið
gert með ýmsum hætti. Vel er að
fæðingarsveit hans skuli hafa lagt
þar fram sinn skerf með minnis-
varðanum á Hálsi.
Fleygar setningar
úr sjúkraskýrslum
Sjúklingurinn er umfer-
tugt, að öðru leyti ekkert
athugavert.
Sjúklingurinn hefur átt við
gott heilsufar að stríða.
Nú er svo komiðfyrir henni
að hún getur að mestu
hjálpað sér sjálf.
Sjúklingurinn fékk vœgan
verk undir morgunsárið.
Við skoðun fundust engar
eitlastœkkanir að gagni.
Sjúklingurinn fékk mjög
langsótt kvef.
Daginn fyrir innlögn borð-
aði hún kvöldmat á eðli-
legan hátt, með kjötbollum.
Það vottarfyrir gyllinœð
hægra megin á kálfa.
Sjúklingurinn misnotaði
áfengi í óhófi áðurfyrr.
Tekin var mynd afsjúklingi
sem sýndi breytingar í
Hafiiatfirði.
Sjúklingurinn tekur engin
lyf en magnýl þess á milli.
Skoðun við komu leiðir í
Ijós unglingaspilt.
...Og botnið nú!
Svo eru hér nokkrir fyrripartar fyrir hagyrðinga að
glíma við:
Margir hafa mætur á
miður góðum siðum.
Árin líða eins og gengur
Enginn máttur fær því breytt.
Þennan flotta fyrripart
fínnst mér gott að botna.
Gangi ykkur vel...
Ljóðagetraun
Norðurslóðar
1996
1. Hvað ber mig til draumalanda?
2. Hver ríður aldrei oftar, upp í fjallhagann sinn?
3. Hver ber mér þinn óð, er rökkvar?
4. Hvert fellur heitur haddur þinn?
5. Hvar blasir bær í hvammi?
6. Hver er á því bjargi byggð, sem buga ekki storm-
ar neinir?
7. Hvað bar að eyrum, sem englahljóm?
8. Hver kvað um sitt fjölbreytta fjalldalaskraut?
9. Hver drekkur hvern gleðinnar dropa í grunn?
10. Hver kunni að kæta rekka snjalla?
11. Hvers vegna er ég sjaldan glaður?
12. Hvert hverfa skeiðfráir jóar?
13. Til hvers gef ég þér duluna mína?
14. Hvenær er sælt að vera fátækur?
15. Hvað skín á vonarhýrri brá?
16. Hver gafst upp á rólunum?
17. Hvar loga bjartir stjörnuglampar?
18. Hvarbunaði smálækjarspræna?
19. Hver gekk aðra slóð, en ætlað hafði ég?
20. Hvað heyrði ég hljóma í svefni og vöku?
21. Hver átti fagurt land með fuglasönginn þýða?
22. Hver gerði hér stuttan stans?
23. Hvar heyrði ég Tungná niða?
24. Hver er best af blómunum mínum öllum?
25. Hvenær er viðsjált að ríða vötnin?
Hér birtist Jólagetraun Norðurslóðar í 19. skipti
frá upphafsárinu 1977. Gátan á að vera létt að
þessu sinni, en það höfum við reyndar sagt áður en
það segjum við nú alltaf.
Bókmenntagetraun
Norðurslóðar
Hér birtast uppahafsorð 5 íslcnskra bókmenntaverka sem ætla má að
í það minnsta bókabéusar kunni skil á. Hverjar eru þessar bækur?
1. Mín góða og skemtilega vinkona!
Gegnumsýrður af heilögum innblæstri sem blóðmörskeppur í blá-
steinslegi, titrandi af hamstola lyftingu, vaggandi af ómþýðum engla-
röddum, er til mín hljóma gegnum gengishrun og öreigaóp vorrar ves-
ölu jarðar, tvíhendi ég pennastöngina þér til dýrðar, þér til eilífrar dýrð-
ar og vegsömunar, andlegrar umturnunar, sáluhjálpar og syndakvittun-
ar, hvar af þú ljómar og forklárast eins og sólbakaður saltfiskur frammi
fyrir lambsins stól.
2. Hann stendur ásamt tjaldi og sendlíngi í fjöruborðinu niðrundan bæn-
um og horfir á ölduna sogast að og frá. Kannski er hann að svíkjast um.
Hann er tökubam og þess vegna er lífið í brjósti hans sérstakur heimur,
annað blóð, án skyldleika við hina, hann er ekki partur af neinu, en
stendur utanvið, og það er oft tómt umhverfis hann, og lángt síðan
hann byrjaði að þrá óskiljanlega huggun.
3. Kringla heimsins, sú er mannfólkit byggvir, er mjök vágskorin.
4. Snemma á hvítasunnumorgun kjagaði Skúli gamli í Smiðjubæ upp frá
Eyrarkaupstað og lagði leið sína upp Fögrubrekku en svo heitir brekk-
an ofan við kaupstaðinn.
5. Einu sinni á dögunum þegar drottningin á Englandi var að borða litla
skattinn, því hún borðar ævinlega litlaskattinn, kom maðurinn hennar
út í skemmu að bjóða góðan dag. „Guð gefi þér góðan dag heillin"
sagði drottning „Hvemig er veðrið?"
Sendið inn lausnir
- og vinnið eigulegar bækur
Þeir sem senda inn lausnir á getraunum Norðurslóðar - kross-
gátu, stóru myndagátunni, Ijóðagetraun, bókmenntagetraun
og seinnipörtum - fyrir 15. janúar 1997 geta átt von um vinn-
ing. Dregið verður úr innsendum lausnum og hljóta þeir
heppnu bækur að launum. Nöfn vinningshafa verða birt í
janúarblaði Norðurslóðar 1997.