Norðurslóð - 28.08.2002, Blaðsíða 2
2 - Norðurslóð
Norðurslóð
Útgefandi: Rimar ehf.
Ritstjórar og ábyrgðarmenn: Hjörleifur Hjartarson, Lauga-
steini, 621 Dalvík, sími: 466 3370. Netfang: hjhj@ismennt.is
Jóhann Antonsson, Dalvík. Netfang: ja@radgjafar.is
Framkvæmdastjóri: Sigríður Hafstað, Tjörn. Sími: 466 1555.
Umbrot: Þröstur Haraldsson. Netfang: throsth@isholf.is
Hcimasíða: www.Nordurslod.is
Prentvinnsla: Alprent, Glerárgötu 24, Akureyri, sími: 462 2844.
Vel heppnaður
Fiskidagur
Það framtak tlskverkenda og þjónustuaðila á Dalvík að
bjóða öllum landsmönnum í mat hefur nú heppnast
með afbrigðum vel tvö ár í röð. Fiskidagurinn mikli bar
aldeilis nafn með rentu þegar hann var haldinn í annað
sinn á dögunum. I fyrra var talið að um 6.000 manns hafi
sótt daginn en í ár tæp fjórtán þúsund. Þessar tölur sýna
betur en annað hvernig til hefur tekist. Fiskidagurinn
varð ein stærsta hátið sumarsins. Líklega eru það aðeins
Reykjavíkurhátíðirnar Hinsegin dagar og Menningar-
nótt sem státa af meiri þátttöku.
Það er auðvitað sérstakt að boðið skuli uppá allt frítt
á hátíðarsvæðinu á Dalvík, hvort heldur það var dag-
skráin eða fiskréttirnir sem á boðstólum voru. Einungis
einn fiskverkendanna selur afurðir hér innanlands svo
kynning og sölumennska á afurðum var ekki drifkraftur
þessarar hátíðar. Aðstandendum hátíðarinnar hefur
hinsvegar tekist að gefa góða mynd af Dalvík og að þar
er öflugur atvinnurekstur.
A Dalvík er rík og mikil tlskvinnsluhefð. Hér er nú
rekið eitt fullkomnasta fískiðjuver á landinu og þó víðar
væri leitað. Kaufélag Eyfírðinga byggði þessa fískiðju
sem síðar varð Snæfell hf. en er nú hluti af Samherja hf.
Uppbyggingin hefur verið gerð af miklum metnaði og
nú þegar húsið er orðið hluti af Samherja er hráefnisöfl-
un öruggari en fyrr og vinnslan meiri en áður.
Auk þess eru nokkrar minni vinnslur sem ekki ráða
yfír neinum kvóta heldur kaupa sitt hráefni að mestu
leyti á fískmörkuðum. Þessar fískvinnslustöðvar hafa
gengið vel og náð góðri sérhæfíngu í sinni vinnslu, en
það er forsenda þess að vel takist til. Fiskmarkaðir og
öflug flutningafyrirtæki eru í dag nauðsynlegri en nokk-
ur byggðakvóti til að halda uppi fískvinnslu um land
allt. Svo er fyrir að þakka að Dalvík býr að hvoru
tveggja.
Aðstandendur Fiskidagsins mikla ákváðu strax í upp-
hafí að heiðra einn einstakling á hverri hátíð. Á físki-
deginum nú var Snorri Snorrason skipstjóri á Dalvík
heiðraður. Snorri var sérstaklega heiðraður fyrir frum-
kvöðlastarf hans að rækjuveiðum á djúpslóð. I heiðurs-
skjali af þessu tilefni er þess meðal annars getið að
Snorri hóf tilraunaveiðar á rækju á djúpslóð á seinni
hluta sjöunda áratugar síðustu aldar. Fram til þess tíma
höfðu rækjuveiðar einungis verið stundaðar innan
fjarða. Á árunum eftir 1970 fóru tilraunaveiðar hans að
bera árangur. Talsverður tími leið þar til aðrir fóru að
sinna þessum veiðum. Þrautseigja Snorra sýndi mönn-
um þó hvað var mögulegt.
Þá er einnig rifjað upp að um þessar mundir eru 25 ár
liðin frá því togarinn Dalborg EA 316 kom í fyrsta sinn
til hafnar á Dalvík. Nafn Dalborgar og Snorra Snorra-
sonar skipstjóra hennar hafa alla tíð verið samofín. Dal-
borg var fyrsti sérbúni rækjutogari íslendinga þar sem
aflinn var unninn um borð.
Það var vel viðeigandi að heiðra Snorra á Fiskidaginn
mikla. Hann markaði ekki aðeins spor í atvinnusögu
Dalvíkur heldur landsins alls. Rækjuveiðar á djúpslóð
hafa verið snar þáttur í sjávarútvegi landsmanna hin
síðari ár og skilað þjóðarbúinu tugum milljarða í tekjur
árlega. Vagga þessara veiða var hér á Dalvík og Snorri
Snorrason frumkvöðull á því sviði.
JA
Fiskídagurinn tókst vel
- Snorri Snorrason heiðraður
Það var mikið um dýrðir á Fiski-
daginn mikla sem haldinn var á
Dalvík 10. ágúst sl. Bærinn var
bókstailega fullur af fólki. Eins
og í fyrra, þegar hann var fyrst
haldinn, stóð dagskrá frá 11 um
morguninn og til 5 sídegis eða í
6 klukkustundir með mat og
stöðugri dagská.
Að þessu sinni var fólk í tals-
verðum mæli komið til Dalvíkur
strax á föstudeginum og allir
gististaðir fullir af fólki og sama
var að segja um tjaldstæðið.
Ýmsar uppákomur voru strax á
föstudeginum en þær voru ekki
á vegum aðstandenda fiskidags-
ins. Eins var að lokinni dagskrá
á laugardeginum þá voru dans-
leikir og ýmislegt á vegum ann-
arra. Fólki ber saman um að allt
hafi heppnast vel hvort heldur
um var að ræða formlega dag-
skrá niður við höfn eða annað
þessa helgi.
Júlíus Júlíusson var fram-
kvæmdastjóri hátíðarinnar og
kynnir dagskrár. Úlfar Eysteins-
son var yfirkokkur eins og áður
og að þessu sinni voru útbúnir
60.000 matarskammtar og er
gert ráð fyrir að 13.800 manns
hafi komið á hátíðarsvæðið og
þegið matarskammta. Fjöldi
sjálfboðaliða starfaði við að
grilla matinn.
Friðrik Ómar Hjörleifsson
skipulagði músíkatriðin og
stjórnaði aðalhljómsveitinni og
söng ásamt Heru og Matta
Matt. Sérstakur gestasöngvari
var Björgvin Halldórsson.
Hjálmar Hjálmarsson lét
gamminn geisa svo eitthvað sé
nefnt.
Líkt og í fyrra var einstak-
lingur heiðraður. Að þessu sinni
var það Snorri Snorrason skip-
stjóri. Svanfríður Jónasdóttir al-
þingismaður afhenti Snorra
skjal þessu til staðfestingar
ásamt styttu sem Jóhannes Haf-
steinsson hafði smíðað í þessu
skyni.
Dóttir Bergljótar Snorra
(Beggu Snorra) var skírð á svið-
inu, svo dagskráin var fjölbreytl
og hátíðleg stundum.
Of langt væri að telja allt upp
sem þarna fór fram en þess má
þó geta að eitt það vinsælasta
sem fyrir augu bar var furðu-
fiskasafn sem sýnt var. Þarna
voru 70-80 tegundir af fiskum
sýndar og ekki allar fallegar.
Furðufiskarnir vöktu
mikla athygli og yfir þeim
vakti heljarmikill hákarl.
A neðri myndinni má sjá
tvo glaðbeitta kokka
smakka til krœsingarnar,
Úlfar Eysteinsson (t.v.) og
Addi Yellow.
Fiskidagurinn mikli heiðrar árið 2002:
Snorra Snorrason
skipstjóra á Dalvík
Snorri Snorrason er í dag heiðraður fyrir störf sín
við sjávarútveg á Dalvík. Sérstaklega er Snorri
heiðraður fyrir frumkvöðlastarf hans að rækju-
veiðum á djúpslóð, en með þeim veiðum markaði
hann ekki aðeins spor í atvinnusögu Dalvíkur held-
ur höfðu þær áhrif á þróun sjávarútvegs í landinu
öllu.
• Snorri hóf tilraunaveiðar á rækju á djúpslóð á
seinni hluta sjöunda áratugar síðustu aldar. Fram
til þess tíma höfðu rækjuveiðar einungis verið
stundaðar innan fjarða. Á árunum eftir 1970 fóru
tilraunaveiðar hans að bera árangur. Talsverður
tími leið þó þar til aðrir fóru að sinna þessum
veiðum. Þrautseigja Snorra sýndi mönnum þó
hvað var mögulegt.
• Um þessar mundir eru 25 ár liðin frá því togarinn Dalborg EA 316 kom í fyrsta sinn til hafnar á
Dalvík. Nafn Dalborgar og Snorra Snorrasonar skipstjóra hennar hafa alla tíð verið samofin.
Dalborg var fyrsti sérbúni rækjutogari íslendinga þar sem aflinn var unninn um borð. Vinnsluna um
borð skipulagði Snorri um leið og hann hélt áfram rækjuleit á djúpslóð.
• Samhliða leit að rækjumiðum og þróun vinnslu um borð í Dalborgu átti Snorri stóran þátt í þróun
þeirra veiðarfæra sem notuð voru við veiðarnar. Starf Snorra á þessum árum var starf frumkvöðuls
sem margir hafa síðan notið góðs af.
• Rækjuveiðar á djúpslóð hafa verið snar þáttur í sjávarútvegi landsmanna hin síðari ár og skilað
þjóðarbúinu tugum milljarða í tekjur árlega. Vagga þessara veiða var hér á Dalvík og Snorri
Snorrason frumkvöðull á því sviði. Fyrir það vill Fiskidagurinn mikli 2002 heiðra hann.
Dalvík 10. ágúst 2002
MUL