Skátablaðið Faxi - 01.12.1995, Blaðsíða 2

SKATABLAÐIÐ FAXI
2
Séra Jóna Hrönn Bolladóttir:
“Ávallt viðbúin”
Það má segja að upphafsorð
þessarar hugleiðingar séu einkunnarorð
aðventunnar. Aðventan þýðir “koma” og
við erum að búa okkur undir komu
frelsarans á jólum og þá þurfum við að
vera ávallt viðbúin. í ritningunni erum
við líka margsinnis minnt á það að
Drottinn muni koma aftur í mætti og
mikilli dýrð, og því megum við aldrei
sofna á verðinum. Öll viljum við vera
reiðubúin að mæta Jesú, honum sem við
vorum helguð í heilagri skírn. í Biblíunni
stendur þessi dæmisaga
“Þá er líkt um himnaríki og tíu meyjar,
sem fóru til móts við brúðgumann með
lampa sína. Fimm þeirra voru fávísar, en
fimm hyggnar Þær fávísu tóku lampa
sína en höfðu ekki olíu með sér, en hinar
hyggnu tóku olíu með á könnum ásamt
lömpum sínum. Nú dvaldist
brúðgumanum, og urðu þær allar syfjaðar
og sofnuðu.
Um miðnætti kvað við hróp:
“Sjá brúðguminn kemur, farið til móts
við hann.” Þá vöknuðu meyjarnar
allar og tóku lampa sína. En þær
fávísu sögðu við þær hyggnu: “Gefið
oss af olíu yðar, það er að slokkna á
lömpum vorum.” Þær hyggnu
svöruðu “Nei, hún nægir aldrei handa
öllum. Farið heldur til kaupmanna og
kaupið handa yður.” Meðan þær voru
að kaupa, kom brúðguminn, og þær
sem viðbúnar voru, gengu með honum
inn til brúðkaupsins, og dyrum var
lokað.
Seinna komu hinar meyjarnar og
sögðu: “Herra, herra, ljúk upp fyrir oss.”
Jóna Hrönn Bolladóttir.
En hann svaraði: “Sannlega segi ég yður,
ég þekki yður ekki.”
Vakið því, þér vitið ekki daginn né
stundina.”
Skátar eiga sér einkunnarorðin
“skáti er ávallt viðbúinn”. Við vitum
öll að skátar eru burðarásinn í
einhverju mikilvægasta félagsstarfi
landsins, sem eru björgunarsveitimar.
Þar er fólk sem eignast hefur hugsjón
sína í skátahreyfingunni og býður sig
fram til að vera ávallt viðbúið að mæta
neyð náungans. Þannig er það einmitt
sem Guð vill að við séum, ávallt
viðbúin að mæta fólki í kærleika og
Guði í trú. Megi skátastarfið eflast á
öllum stigum fólki til blessunar og
Guði til dýrðar.
Guð gefi okkur öllum gleðileg jól.
Jóna Hrönn Bolladóttir,
safnaðarprestur.
Leiðari:
Jólakveðjur
Ágæti lesandi, jólin nálgast nú
sem óð fluga, með tilheyrandi stressi,
hreingerningum og bakstri. Einn
órjúfanlegur hluti af jólaundirbúningnum
er að skrifa á jólakortin. Hver kannast
ekki við það að búa til lista yfir alla sem
sendu kort í fyrra og sinaskeiðabólguna
sem fylgir því að senda þeim öllum kort í
ár.
Síðastliðin ár þá hefur skátafélagið
Faxi haft það meðal annarra fjáraflana að
bera út jólakort fyrir bæjarbúa gegn vægu
gjaldi. Og þannig verður það einnig í ár.
I kringum þessa vinnu hefur ætíð skapast
mikil stemning innan skátanna og margir
sem segja að það séu ekki jól nema að
vinna í jólakveðjunum. Á Þorláksmessu
er síðasti afgreiðsludagur jólakveðjanna
og hefur þá yfirleitt verið lokað um kl.
22.00. Þá eru krakkar úr Faxa búnir að
vera að vinna allt kvöldið við að flokka
kveðjurnar eftir götum og götur eftir
húsnúmerum. Stundum verða þó slys og
berast kveðjurnar í vitlaust hús. Ef svo
verður þetta árið biðjumst við
velvirðingar á því. Kveðjurnar eru svo
bornar út á aðfangadagsmorgun. Hérna á
síðunni á móti gefur að líta móttökutíma
á jólakveðjanna. Móttaka á kveðjum
verður í Skátaheimilinu.
Viljum við minna ykkur á að
skrifa rétt nöfn og heimilsföng svo
auðveldara reynist að flokka kveðjurnar.
Gleðileg jól
Skátafélagið Faxi
369.405 Ská 1995 13(2) Átthagi
Skátablaðið Faxl.
Átthagadeild
14205122
Bókasafn Vestmannaeyja
Útgefið í desember 1995.
Utgefendur: Skátafélagið Faxi.
Ábyrgðarmaður:
Marinó Sigursteinsson.
Ritstjóri:
Einar Örn Amarsson.
Auglýsingar:
Einar Örn Amarsson.
Prófarkarlestur:
Halla Júlía Andersen.
Ritnefnd:
Ármann Höskuldsson, formaður,
Einar Öm Amarsson,
Freydís Vigfúsdóttir,
Heiðrún Björk Sigmarsdóttir,
Páll Zophóníasson og
Rósa Guðmundsdóttir (Rósa mamma).
Setning og umbrot: Skátafélagið Faxi
Prentun: Eyjaprent/Fréttir hf.