Skátablaðið Faxi - 01.12.1996, Blaðsíða 12

Skátalíf er útilíf
Útivist
Útivist er einn mikilvægasti þáttur
skátastarfsins, svo það er um að gera að
ferðast sem oftast. Utan dyra finna
menn til sólar og hita, regns og kulda og
hvemig vindurinn tekur í hárið.
Maðurinn er hluti af náttúrunni. I útivist
nota menn allan líkamann, reyna sig til
hins ýtrasta og lenda í ævintýrum.
Að ferðast þýðir að heimilið er sett á
bakið, hver og einn hreyfir sig frjálst, fer
þangað sem hann langar til og er óháður
stund og stað. Menn sjá sér sjálfir fyrir
nesti og ráða sjálfir hraðanum.
Það er ekki aðalatriðið að fara sem
lengst á sem stystum tíma. Til eru
margir aðrir kostir:
í næsta nágrenni flestra þéttbýlisstaða
leynast víða fáförulir staðir, dalir, fell
nes og heiðar, sem fáir hafa ferðast um.
Leiðin getur legið með víkum og vogum
í aftureldingu þegar fuglar eru að vakna
af nætursvefni, eða yfir hjarn á
tunglskinskveldi.
Nú fást orðið reiðhjól sem hægt er að
hjóla á um slóða og troðninga á heiðum
uppi eða fram um dali. Hægt er að
skipuleggja torfærukeppni á hjólum um
fáfarnar slóðir, sé þess aðeins gætt að
skemma ekki landið.
Möguleikarnir eru fjölmargir. Mikil-
vægt er að skipuleggja ferð þannig að
allir þátttakendur geti haft gaman af.
Góð ferð gerir kröfur um skipu-
lagningu, góðan útbúnað og löngun til
að skynja náttúruna.
Menn geta ferðast einir síns liðs, tveir
saman eða fleiri. Ferðin verður oft
viðburðaríkari ef fáir eru saman, en hins
vegar eru fleiri möguleikar á spennandi
viðfangefnum ef til dæmis heil sveit fer
saman í ferðalag.
í sátt við náttúruna.
Ferðahættir skáta verða að vera í sátt
við náttúruna. Náttúran á sinn þátt í að
uppfylla ævintýraþrá skátans og því er
nikilvægt að muna að náttúran er
viðkvæm.
Aldrei má fara yfir ræktað land án
leyfis. Áður en bál er kveikt verður að
fá leyfi landeiganda, og það verður að
fara eins lítið fyrir bálinu og hægt er.
Uppgrafið torf skal setja á sama stað og
SKÁTABLAÐIÐ FAXI
allt rusl fjarlægt.
í bátsferðum ( og gönguferðum ) skal
gæta þess að halda sig frá sefi þar sem
endur og aðrir fuglar eiga sér hreiður, og
einnig skal forðast að róa inn í hylji þar
sem fiskur hrygnir.
Forðist að menga umhverfið með því
að dreifa rusli, með óþarfa hávaða eða
með því að traðka á viðkvæmum gróðri.
í útilegum getur verið gaman að setja
upp stórar trönubyggingar, útbúa mynd-
arlegt tjaldsvæði og tendra stóran
varðeld. En hafa verðu í huga, að þá er
verið að sóa gögnum og gæðum nátt-
úrunnar. Á ferðalagi á fyrst og fremst
að lifa í og með náttúrunni þannig að
engin ummerki sjáist eftir. Þannig veitir
ferðin mesta ánægju.
Tekið úr skátahandbókinni.
ISLANDSFLUG
f

Daglega flogið
frá Eyjum kl. 12.45
Sunnudaga kl. 18.45
OsAu/n
ÍSLANDSFLUG
(hs Aar rS'Aafu/a ocj
^l/estmann aeiji/uju/it
ö/liun
□PÍSFÉLAG
stofnau HH,, \ VESTMANNAEYJA HF.