Skátablaðið Faxi - 01.12.1996, Síða 13
SKÁTABLAÐIÐ FAXI
F riðarumræða
Ef til vill var það þátttaka Baden-
Powells í mörgum styrjöldum sem
leiddi hann til þess að gera friðarstarf að
meginþætti í skátahreyfingunni: “...Þess
vegna skulum við skuldbinda okkur til
að gera allt sem í okkar valdi stendur til
þess að stofna til vináttu við skáta frá
öllum þjóðum og til að stuðla að friði og
gleði í heiminum...” (úr “Scouting for
Boys”).
Heimsfriður er meginmarkmið
alþjóðlegs skátastarfs. En hvað er
friður?
Tæknilega mætti skilgreina frið sem
fjarveru styrjaldar. En það er fæstum
nóg. Hvers konar frið var B-P að hugsa
um? Það var friður með vissum skil-
yrðum. Tilteknar hugsjónir lágu að baki
friðarhugtakinu. Jafnræði milli kyn-
þátta, trúarbragða og þjóða. Virðing
fyrir einstaklingnum. Skilningur manna
á milli er undirstaða friðar.
Orðið “friður” kemur oft upp í póli-
tískri umræðu. Víða um heim eru til
friðarhreyfingar og kristin kirkja hefur
ætíð boðað frið. Samt sanna dæmin að
friður er vandmeðfarinn og vand-
fundinn. Ekki er nóg að hafa frið á orði
á heimilum, í félögum og starfi. Vinna
þarf að friði af einlægni og íhugun og þá
er betra að vera orðvar en orðhvatur.
Meðal viðfangsefna skáta á friðarstarf
í ýmsum myndum sér fastan sess.
Tekið úr Skátahandbókinni
HEKLA
Umboðsmaður
Vestmannaeyjum:
Kristján Ólafsson
Höfðavegi 33
Sími 481-2323
Fax 481-3190
Skáta-
flokkur
„Flokkakerfíð er ekki ein leið til að
halda uppi skátastarfi, það er eina
leiðin!” sagði reyndur skáti einhvern
tíma.
Skátaflokkurinn er grunneiningin í
Bandalagi íslenskra skáta. Hjá
minnstu skátunum er hann oft nefndur
hópur, en meginreglan er hin sama,
fimin til átta félagar vinna saman í ó-
bilandi sameiningu og bjarga sér sjálfir
með flest - án íhlutunar fullorðinna.
Flokkakerfið æfir skátana í að sýna
frumkvæði, hrinda samþykktum í
framkvæmd og vinna saman að
sameiginlegu markmiði.
Skátarnir ákveða ekki sjálfir með
hverjum þeir eru í flokk. Þannig læra
þeir að taka tillit hver til annars og
finna hvað góður félagsandi er
nauðsynlegur til þess að flokkurinn nái
að starfa saman.
Fjölmargir hafa fetað í fótspor skát-
anna. Utan skátahreyfingarinnar finna
börn og unglingar einnig samkennd í
iitlum samstarfshópum, og í skólum
og félögum er hópastarf notað til þess
að ná góðum árangri í starfi.
Tekið úr Skátahandbókinni
^le^iíeg/Jáí/
Kexverksmiðjan
FRÓN
RANNSÚKNASTOFNUN
FISKIÐNAÐARINS