Víkurfréttir - 23.06.2005, Blaðsíða 17

VÍKURFRÉTTIR I 25. TÖLUBLAÐ I FIMMTUDAGURINN 23. JÚNÍ 2005 I 17
Ánægjulegur atburður átti sér stað þann 17. júní 2005 í Kirkjulundi.
Haldin var háskólahátíð á Suð-
urnesjum annað árið í röð. Að
þessu sinni voru 20 nemendur
að útskrifast frá Háskólanum
á Akureyri í fjarnámi í gegnum
Miðstöð símenntunar á Suður-
nesjum, 13 nemendur af leik-
skólabraut og 7 nemendur af
viðskiptabraut. Þessir nem-
endur eru búnir að stunda
nám við Háskólann á Akur-
eyri, með aðstoð fjarfundabún-
aðar, í heimabyggð sl. 4 ár. Að
geta stundað nám með þessum
hætti hef ur gef ið mörg um
einstaklingum tækifæri til að
stunda nám án þess að flytja
úr sínu bæjarfélagi og hætta
að vinna. Má geta þess að með-
alaldur meðal ný útskrifaðra
nemenda eru 40 ár.
Þessir nemendur hafa staðið sig
með miklum ágætum og koma
nú inn í atvinnulífið með nýjar
hugmyndir og koma þannig
með ferskleika á sinn vinnustað.
Afar ánægjulegt er að Böðvar
Jónsson, nemandi sem hefur
stundað fjarnám á viðskipta-
braut, útskrifaðist með hæðstu
meðaleinkunn á viðskiptabraut
við Háskólann á Akureyri. Það
sýnir að ekki þurfi að vera lakari
árangur hjá þeim sem stunda
fjarnám, nema síður sé.
Mikilvægt er að einstaklingar
sem hafa hug á að stunda fjar-
nám á háskólastigi byrji strax
á undirbúningi og klári stúd-
entsprófið en það er yfirleitt
forsenda þess að geta stundað
háskólanám, einnig í fjarnámi.
Þeir sem hafa áhuga á að stunda
fjarnám á háskólastigi er bent
á að hafa samband við náms-
ráðgjafa sem getur leiðbeint um
undirbúning fyrir nám.
Mikilvægt er að búa vel að
menntun í okkar samfélagi. Á
Suðurnesjum höfum við Fjöl-
brautaskóla, Öldungadeild, Mið-
stöð símenntunar og nú í haust
tekur til starfa Íþróttaháskóli.
Til að mæta enn betur þörfum
háskólanema í fjarnámi hefur
verið gerður samningur við
Íþróttaháskólann um aðstöðu
fyrir háskólanema í fjarnámi í
gegnum Miðstöð símenntunar.
Frá og með haustinu munu
fjarnemendur hafa aðstöðu í
Íþróttaakademíunni en Miðstöð
símenntunar mun áfram sjá um
og halda utan um fjarnámið.
Með þessu er gert ráð fyr ir
að aðstaða nemenda batni og
munu þau m.a. hafa aðgang að
bókasafni og lesaðstöðu. Einnig
mun aðstaða fyrir nemendur
sem sækja í hið óformlega nám
batna en flest öll námskeið Mið-
stöðvarinnar munu fara fram í
húsnæðinu að Skólavegi 1.
Framboð á menntun hef ur
aukist á Suðurnesjum á undan-
förnum árum og mun halda
áfram að aukast á meðan eftir-
spurn er. Ég vil hvetja alla til að
skoða framboðið og finna út
hvar áhugi þeirra liggur. Það er
hollt fyrir alla að auka við sína
þekkingu, hvort sem það er í
gegnum stutt, langt, formlegt
eða óformlegt nám.
Guðjónína Sæmundsdóttir,
forstöðumaður Miðstöðvar
símenntunar á Suðurnesjum
Háskólahátíð í Reykjanesbæ á 17. júní
Berglind Kristinsdóttir sem útskrifaðist með B.A. - gráðu í viðskiptafræði og sagði að námið hefði gengið vel. Þó hafi
ver ið þörf á að sam eina
vinnu, heim ili og skóla.
„Stuðningur skólafélaga var
mér mjög mikilvægur og
það var mikið hjálpast að,”
sagði Berglind um skólafé-
laga sína.
„Námið kom lítið niður á
vinnunni þar sem kennt var á kvöldin og um
helgar. Ég tók mér einungis frí þegar prófin voru,”
sagði Berglind um hvernig gengið hefði að sam-
ræma vinnu og skóla.
„Það er ótrúlegt að vera búin að klára námið og ef
ekki væri fyrir fjarnámið hefði ég aldrei komist í
nám. Það versta við að vera útskrifuð er nú finnst
mér ég vera að svíkjast um þegar ég er ekki að lesa
í einhverjum bókum!” sagði Berglind um gagn-
semi fjarnáms og bætti við í lokin að hún myndi
mæla með þessari leið til náms.
Böðvar Jónsson útskrifaðist með BS - gráðu í viðskiptafræði. Þar að auki útskrifaðist hann sem dúx Háskólans á Akur-eyri en fjarnemandi hefur ekki náð slíkum árangri áður.
„Það er ljúft að klára námið og mér líður vel
með það. En fjarnám er einstakur kostur fyrir
fjölskyldufólk til að geta stundað nám og ættu
allir sem vilja að nýta sér þennan valkost. Þetta
er líka eitt mesta byggðamál sem upp hefur
komið,” sagði Böðvar.
„Háskólinn á Akureyri tók stökkið á fjarnnám
og hefur því forskot á Háskóla Íslands varðandi
fjarnám. En námið sjálft er ekki svo frábrugðið.
Einn af helstu kostum þess að vera í fjarnámi er að geta klárað á
þeim tíma sem hentar hverjum og einum. Það var frábært hvernig
starfsfólk MSS, bæði núverandi og fyrrverandi, lagði sig fram um að
aðstoða nemendur. En þau leituðu allra leiða til að hjálpa okkur,”
sagði Böðvar.
„Með fjarnámi myndast einstök stemning, sem hélt mörgum að
námi og leiddi til þess að fleiri kláruðu námið en ella. Þróunin í
fjarkennslu hefur verið þannig að nú er hægt að sitja kennslutím-
ana heima hjá sér en enn sem komið er eru verkefni mikið unnin í
hópum,” sagði Böðvar um fjarnámið.
„Það gekk ágætlega að samræma tímann á milli, fjölskyldu, vinnu,
skóla og svo má ekki gleyma pólitíkinni. En oft á tíðum var mjög tak-
markaður tími til alls og bitnaði skólinn einna helst á fjölskyldunni
en hún gaf líka einna mest færi á sveigjanleika,” sagði Böðvar.
„Ég hef ekki í huga að halda áfram í námi enn sem komið er, ætla að
einbeita mér að næstu bæjarstórnar kosningum. En það er aldrei að
vita hvað framtíðin ber í skauti sér,” sagði Böðvar að lokum.
Tína Gná Róbertsdóttir útskrifaðist með B.Ed - gráðu í leikskólakennslu frá Háskólanum á Akureyri. Hún valdi að fara þessa leið bæði vegna þess að námið sem
þar var boðið upp á lagðist mjög vel í
hana og svo hentaði fjarnám betur en að
setjast alfarið á skólabekk. Kennslan fer
fram með hjálp fjarbúnaðar hjá MSS og
sagði Tína Gná það veita henni ákveðið
aðhald að vera í tíma hjá kennara.
„Skipulag námsins var fínt en þetta er
mikið mál samhliða því að sjá um heimili
og stunda vinnu sína. Það var oftar en ekki heimilið sem sat á
hakanum. En aðalatriðið er að skipuleggja sig og vinna saman
sem fjölskylda, þá er þetta hægt,” sagði Tína Gná.
Þegar Tína Gná átti eitt ár eftir í námi var henni bent á að
athuga hvort hún væri lesblind. Fór hún á námskeið hjá Rann-
veigu Lund í MSS þar sem hún var greind lesblind. „Sjálfri
datt mér ekki í hug að ég væri lesblind en ég þekki mjög vel til
einkenna hans, en svona er maður blindur á sjálfan sig. Það var
mikið hjálp fólgin í því að vera greind lesblind því ég fékk svo
mikla aðstoð sem hjálpaði mér í náminu,” sagði Tína Gná um
að gera greind lesblind. En þess má geta að námskeiðið, sem var
niðurgreitt af verkalýðsfélögum, miðaði að því að leiðbeina les-
blindum með að læra og finna aðferðir sem hjálpa viðkomandi,
til dæmis að lesa upphátt eða undirstrika.
„Ég ætla mér að vinna sem leikskólakennari enn um sinn og
nýta menntun mína. En hún hefur veitt mér meiri skilning á því
sem ég er að gera dagsdaglega. Annars stefni ég á frekara nám
seinna meir í sérkennslu,” sagði Tína Gná.
Dúx Háskólans á Akur-
eyri frá Suðurnesjum