Víkurfréttir - 14.09.2006, Blaðsíða 24

24 VÍKURFRÉTTIR Á NETINU • www.vf.is • LESTU NÝJASTA SPORTIÐ DAGLEGA!VÍKURFRÉTTIR I ÍÞRÓTTASÍÐUR
Uppátæki Sigursveins vakti
mikla kátinu meðal áhorfenda
og meira að segja eiginkona
hans lagði leið sína á völlinn
sem gerist ekki oft.

VF-sport
molar
Mættu Lúxemburg
í gær
Ís lenska landsliðið mætti
Lúxemburg í B-deild Evr-
ópukeppninnar í körfuknatt-
leik í gær. Víkurfréttir fóru í
prentun áður en úrslit urðu
ljós. Nánar um leikinn á vf.is
Njarðvíkingar Allt
hreint meistarar
Njarðvíkingar urðu á mánu-
dag Allt hreint meistarar í
körfuknattleik er þeir lögðu
Bárð Eyþórsson og lærisveina
hans í ÍR í úrslitaleik móts-
ins. Lokatölur leiksins voru
95-76 Njarðvíkingum í vil
og höfðu heimamenn frum-
kvæðið allan leikinn. KR-
ingar höfnuðu í þriðja sæti í
mótinu eftir frækinn 92-91
sigur gegn Grindvíkingum
þar sem ungstirnið Brynjar
Björnsson gerði sigurkörfu
KR þegar um ein sekúnda var
til leiksloka.
Sigurður hættur
hjá Grindavík
Sigurður Jónsson hætti í gær
sem þjálfari Grindavíkur í
Landsbankadeildinni. Magni
Fannberg og Milan Jankovic,
sem voru aðstoðarþjálfarar
Sigurðar í sumar, tóku við
stjórn liðsins. Sigurður tók
við Grindavíkurliðinu fyrir
þessa leiktíð og voru miklar
vonir bundnar við hann sem
þjálfara en Grindvíkingar
eru í sömu stöðu og oft áður,
fallbaráttunni.
Jafnaði vallarmetið
á Selsvelli
Guðmundur Rúnar Hall-
grímsson, kylfingur í GS,
jafnaði vallarmetið á Sels-
velli á Flúðum sl. laugardag
þegar Réttarmótið fór fram.
Guðmundur Rúnar lék á
67 höggum, eða 3 höggum
und ir pari. Vall ar met ið
var sett þann 26. júní 2003
þegar Skarphéðinn Elvar
Skarphéðinsson fór hringinn
einnig á 67 höggum. Guð-
mundur Rúnar fékk 7 fugla
á hringnum, þar á meðal 4 í
röð; á 11., 12., 13. og 14. holu.
Hann var með 8 pör, 2 skolla
og einn skramba(+2). Hann
fékk 38 punkta fyrir árangur
sinn.
ÍSLAND-NOREGUR
Íslenska kvennalandsliðið í
körfuknattleik tekur á móti
Noreg i í S láturhúsinu í
Keflavík á laugardag kl. 14:00.
Þetta er annar leikur liðsins
í B-deild Evrópukeppninnar
en íslensku stúlkurnar töpuðu
fyrsta leik gegn Hollandi.
www.vf.is/ithrottir
jbo@vf.is - 421 0004
Ber er hver á baki?
Formaður knattspyrnu-deildar Reynis varð að standa við stóru orðin á
laugardag þegar deildarkeppn-
inni í 2. deild lauk. Þrátt fyrir
2-1 tap Reynismanna gegn
Fjarðabyggð skellti formaður-
inn sér á „berbak“ á þessum
fína mótórfáki.
Sigursveinn Bjarni Jónsson, for-
maður KSD Reynis, gerði fyrst
garðinn frægan þegar Reynis-
menn komust upp í 2. deild. Þá
hljóp Sigursveinn á þvengnær-
buxum um Gróttuvöll eftir 4-1
sigur Reynismanna á Gróttu.
„Ef við hefðum ekki komist upp
í 2. deild þá hefðu strákarnir
þurft að borga mér kassa af öli
hver. Í formannsræðu minni
á árshátíð deildarinnar í fyrra
sagði ég að ég myndi ekki nota
þvenginn ef Reynir kæmist upp
í 1. deild,“ sagði Sigursveinn.
Þvengurinn var svo boðinn upp
á árshátíðinni í fyrra og fór fyrir
heilar 15 þúsund krónur. „Nú er
bara spurning hvort við bjóðum
upp hjálminn eða mótorhjólið,“
sagði Sigursveinn léttum rómi
en þegar flautað var til leiksloka
í Sandgerði á laugardag kom Sig-
ursveinn á „berbaki“ með Sand-
gerðisfána við hönd. Uppátækið
vakti mikla athygli og jafnvel
kona Sigursveins lagði leið sína
á völlinn til þess að berja dýrð-
ina augum. „Þetta var ekkert í
samanburði við það að hlaupa
í 30 vindstigum á Gróttuvelli,
þá var ég fjólublár en á laugar-
dag var ég rétt aðeins rauður.“
Flestir velta vöngum yfir því
hvað Sigursveinn muni taka til
bragðs ef Sandgerðingar ynnu
sér þátttökurétt í Landsbanka-
deild en Sigursveinn sagði það
aðalatriði að Reynir héldi sér
uppi í 1. deild. „Það er reyndar
verið að skora á mig í annað veð-
mál ef við höldum okkur uppi,
þessa dagana er ég bara með höf-
uðið í bleyti,“ sagði Sigursveinn
að lokum.
Njarðvík og Reynir í 1. deild
Suðurnesjaliðin Njarðvík og Reynir hafa tryggt sér sæti í 1. deild að ári en
Njarðvíkingar höfnuðu í 2.
sæti deildarinnar og Reynis-
menn í því þriðja. Fjarðabyggð
varð meistari í 2. deild eftir 2-1
sigur á Sandgerðingum á laug-
ardag.
Adolf Sveinsson, sóknarmaður
Reynis, var markahæstur í deild-
inni en hann gerði 13 mörk í
sum ar. Aron Smára son hjá
Njarðvík gerði níu mörk og var
fimmti markahæsti í deildinni
og þar á eftir kom félagi Arons
í Njarðvík, Eyþór Guðnason,
með átta mörk. Leiknar voru 18
umferðir í deildinni og töpuðu
Njarðvíkingar aðeins einum
leik og gerðu fjögur jafntefli.
Sandgerðingar töpuðu fjórum
leikjum og gerðu fimm jafn-
tefli. Stærsti sigur Njarðvíkinga
í sumar kom gegn Sindra og
lauk þeim leik 10-0 fyrir Njarð-
vík en Reynismenn áttu einnig
sinn stærsta sigur í sumar gegn
Sindra og lauk þeim leik 6-0.
Bæði Reynismenn og Njarðvík-
ingar halda árshátíðir sínar á
laugardag. Sandgerðingar hittast
í Samkomuhúsinu og hefst há-
tíðin kl. 19:00. Miðapantanir á
árshátíð Reynis fara fram í síma
899 9580. Njarðvíkingar verða
með sína árshátíð í Stapa á laug-
ardagskvöld og verður húsið
einnig opnað kl. 19:00. Miða-
pantanir í síma 862 6905.
Trúðurinn í Noregi um helgina
Fimmti heimsbikartitill Gunnars Gunnarssonar er í aug sýn en hann
hafnaði í öðru og þriðja sæti í
Heimsbikartorfærunni í Finn-
landi á dögunum. Gunnar
braut öxul á seinni keppnisdegi
en það kom ekki í veg fyrir að
hann myndi klára keppnina.
„Ég hef ekki brotið öxul í tæp
fjögur ár en ég var staddur í
næst síð ustu braut á seinni
keppnisdeginum þegar hann
klipptist í sundur. Við komum
honum þó saman og ég fór
lokabrautina á fullu húsi, fékk
350 stig fyrir hana, en ég hélt
ég myndi ekki ná þessu,“ sagði
Gunnar sem er í 2. sæti í Heims-
bik ar tor færunni, nokkrum
stigum á eftir Gísla Jónssyni en
lokamótið fer fram í Noregi um
helgina. „Efnið í brautunum í
Noregi og Finnlandi er svipað
og ég á því von á svipuðu að-
stæðum í Noregi og voru í Finn-
landi, það verður mikið ryk,“
sagði Gunnar.